الرئيسية
ليلة المولد )) أوبريت
أبو عويضة ...... مولد سيدنا يامولد سيدنا
يامنت واحشنا يامولد سيدنا
جينا والفرحة مالية قلوبنا
دي ليلتك عندنا عيدنا ياسيدنا
جينا من نجع وجينا م الوادي
جينا م الناحية دي والناحيادي
جينا ياسيدنا جينا في مواعيدنا
إزاي مانجيش لأ كله إلاااادي
أبو عويضة ... فين ياعويضة سي عبد القادر
عويضة ...... مستنينا يابوي في الشادر
أبو عويضة هم ياولدي ومد شوية
عويضة تعبت يابوي خلاص مش قادر
بياع السوبيا ... حلي في بقك وإشرب سوبيا
هتحلف إنها أحسن سوبيا
وإدفع قبلا ياعم الحلو
ولا فاكرني ياحلو كروديا
أبو عويضة .. روح ياعويضة وهات لنا سوبيا
وكيلو بسبوسة ونص زلابيا
الزلباني .... زلباني زلابية من الآخر
بسبوستي من النوع الفاخر
تعالي ياشابة هنا يميني
وانت يافندي بقا إتاخر
بياع البخور .. تعالى يافندي تعالى هنا عندي
عندي روايح وبخور هندي
الأفندي ... سيبني ياعم في اللي انا فيه
وشوفلك واحد يشبه غاندي
بياع الطراطير ... طراطير طراطير بياع طراطير
مين يشتري مني الطراطير
خد لك طرطور ويا مقشة
وإعمل فيها ساحر بيطير
شاري الطرطور ياعم يابتاع الطراطير
هات طرطور أطرطر بيه
وأعمل عنتر أبو العناتير
واللي أغلب به ألعب بيه
بياع الصميت صميت مع دفة صميت مع دقة
صميت مع دقة ياواد ياحدقة
وعود جرجير وخيار وطماطم
ولحسة مش بتوزن وقة
صميت مع دقة ياواد ياحدقة
بياع السبح . .. سبح سبح ببيع سبح
مين يشتري مني السبح
يامسلمين يامؤمنين
يامحسنين صوتي إتنبح
سبح سبح بياع سبح
القرداتي قرداتي ياناس قرداتي
قرداتي على قد حالاتي
والرق وصاحبي القرد
راس مالي وكل حياتي
قرد مأصل م الأصلي
أجي أطبل يترقصلي
وفي أخر الرقصة يقوللي
بكفاية سيبت مفاصلي
وفي لحظة طيش جري مني
طير عقلي وجنني
حدش شافه ياخوانا
طب حد عليه يطمني
مسئول النيشان .. مين هيفرقع فيكم بمبة
ومايقوليش من درب شكمبة
تعالى يابوخالو
أبو عويضة . . أجي ومالو
أنا أفرقع بمبة وستين بمبة
أنا عم إمام أنا جني اللمبة
مسئول النيشان طب يلا أوام
يلا ياسي إمام
إفرد عضلاتك
زقها قدام
أبو عويضة .. لأ مش هقدر
مش عوايدنا
تفرقع بمب
في مولد سيدنا
مسئول النيشان ياسلام ياسلام
إيه ياعم إملم
هتسيبني وتمشي
بقى دا اسمه كلام
طب أحلى سلام
لعم إمام
وإبنه عويضة
إبن الضرغام
بناعة الودع .. أبين زين أبين وأوشوش الودع
وأجوز الصبية في لحظة للجدع
أوشوش الودع للشابة والجدع
وأقدم الدوا للقلب إللي إتوجع
إرمي بياضك يلا ياهانم
يجعل ربي صباحك غانم
شوفت في ودعي أنا شاب حليوة
صعيدي مأصل وإسمه عليوة
دايب فيكي ياست الهانم
نجمك وافق نجم عليوة
الهانم .. عليوة الواد إبن البواب
لاهو صاحبي ولا احنا أحباب
وأنا عارفاكي ياأم عليوة
إنتي مرات عطوة البواب
بتاع المراجيح مراجيح مراجيح حبة تفاريح
إتمرجحوا في بساط الريح
الأولاد ركبنا ياعمو المرجيحة
مرجحنا وزقنا بالراحة
مرجيحتك أه من مرجيحتك
سواحة ياعمو وطواحة
بتاع المراجيح من عيني ياولادي أمرجحكو
أنا بفرح لما بفرحكو
يارب يوفق ويسهل
وأشرب شرباتكم في نجاحكو
منادي السيرك قرب قرب خش إتفرج
يلا بسرعة ماتستناش
ماتستغربشي ماتستعجبشي
ماتتفلسفشي ماتفلقناش
خشوا وشوفوا عجايب السيرك
بلياتشو بيمشي على السلك
والأراجوز والبهلوانات
والترابيز والشقلباظات
وهتسمعوا أجمل أغنية
من مطربة الريف شلبية
شخلل جيبك إنت وهو
إيدكم يلا على النقدية
أبو عويضة تعالى ياعويضة نخش لجوة
نشوف إيه حكاية السيرك دا هو
ومن عوايدنا في مولد سيدنا
ياواد ياعويضة نأمن جيبنا
الأراجوز أراجوز أراجوز من عيني الجوز
أتنطط لكو ولا فرقع لوز
وأترأجز لكو وأتحنجل لكو
وأتزحلق لكو على قشرة موز
القرداتي قوللي ياعم الأراجوز قوللي
شوفتش قرد معاه صباع موز
الأراجوز شوفته معاه جبنة إسطامبولي
وإزازتين محلول جولوكوز
منادي السيرك حان الأن أوان المغنى
علشان نعدل حبة دماغنا
مع مطربة الريف شلبية
هتسمعنا اللي يجيب داغنا
المطربة
شلبية أنا شلبية
شلبية أنا بنت الريف
بين شمس وخضرة ومية
والقمح إللي بقى رغيف
بعيش أيامي هنية
إن كان في الشتا أو صيف
شلبية أنا شلبية
شلبية أنا بنت الريف
أنا بصحى من الصبحية
وبنام الليل تخاطيف
أمسك فاسي أنا بأديا
ولا فارس ماسك سيف
ياللي إنت سألت عليا
أنا مش محتاجة تعريف
شلبية أنا شلبية
شلبية أنا بنت الريف
وإن غنيت تحت التوتة
أنا غنواية زغنطوطة
القى النرجس قاللي
يابنت إنتي يابنوتة
ياللي إنتي بدم خفيف
من تاني غني ياقطقوطة
ياربيع من بعد خريف
غنيت أنا أنا شلبية
مصرية وبنت الريف
حنة أرضنا في اديا
وف عيني خضار الريف
شلبية أنا شلبية
مصرية وبنت الريف
أبو عويضة يلا تروح ياعويضة الشادر
علشان نلحق عبد القادر
يلا بسرعة إجري ماتمشيش
هنسبح ويا الدراويش
الدراويش سبحانك ياللى خلقت سمانا بدون عواميد ...... سبحانك
سبحانك ياللى بسطت الرزق بدون مواعيد ....... سبحانك
سبحانك ياللى أمرت الحوت ونجدت نبيك ....... سبحانك
سبحانك ياللى خلقت الرحمه نبينا صفيك ......... سبحانك
سبحانك ياللى نصرت كليمك على فرعون ...... سبحانك
سبحانك ياللى خسفت الأرض بملك قارون ..... سبحانك
سبحانك ياللى رزقت الطير ...... سبحانك
سبحانك ياللى بايدك خير .... سبحانك
سبحانك ياللى جعلت الفلك تشق بحور ....... سبحانك
سبحانك كلمه تملّى بقولها فى ضلمه ونور .......... سبحانك
سبحانك .. سبحانك ... سبحانك .. سبحامك
بقلم طارق السيد
أبو عويضة ...... مولد سيدنا يامولد سيدنا
يامنت واحشنا يامولد سيدنا
جينا والفرحة مالية قلوبنا
دي ليلتك عندنا عيدنا ياسيدنا
جينا من نجع وجينا م الوادي
جينا م الناحية دي والناحيادي
جينا ياسيدنا جينا في مواعيدنا
إزاي مانجيش لأ كله إلاااادي
أبو عويضة ... فين ياعويضة سي عبد القادر
عويضة ...... مستنينا يابوي في الشادر
أبو عويضة هم ياولدي ومد شوية
عويضة تعبت يابوي خلاص مش قادر
بياع السوبيا ... حلي في بقك وإشرب سوبيا
هتحلف إنها أحسن سوبيا
وإدفع قبلا ياعم الحلو
ولا فاكرني ياحلو كروديا
أبو عويضة .. روح ياعويضة وهات لنا سوبيا
وكيلو بسبوسة ونص زلابيا
الزلباني .... زلباني زلابية من الآخر
بسبوستي من النوع الفاخر
تعالي ياشابة هنا يميني
وانت يافندي بقا إتاخر
بياع البخور .. تعالى يافندي تعالى هنا عندي
عندي روايح وبخور هندي
الأفندي ... سيبني ياعم في اللي انا فيه
وشوفلك واحد يشبه غاندي
بياع الطراطير ... طراطير طراطير بياع طراطير
مين يشتري مني الطراطير
خد لك طرطور ويا مقشة
وإعمل فيها ساحر بيطير
شاري الطرطور ياعم يابتاع الطراطير
هات طرطور أطرطر بيه
وأعمل عنتر أبو العناتير
واللي أغلب به ألعب بيه
بياع الصميت صميت مع دفة صميت مع دقة
صميت مع دقة ياواد ياحدقة
وعود جرجير وخيار وطماطم
ولحسة مش بتوزن وقة
صميت مع دقة ياواد ياحدقة
بياع السبح . .. سبح سبح ببيع سبح
مين يشتري مني السبح
يامسلمين يامؤمنين
يامحسنين صوتي إتنبح
سبح سبح بياع سبح
القرداتي قرداتي ياناس قرداتي
قرداتي على قد حالاتي
والرق وصاحبي القرد
راس مالي وكل حياتي
قرد مأصل م الأصلي
أجي أطبل يترقصلي
وفي أخر الرقصة يقوللي
بكفاية سيبت مفاصلي
وفي لحظة طيش جري مني
طير عقلي وجنني
حدش شافه ياخوانا
طب حد عليه يطمني
مسئول النيشان .. مين هيفرقع فيكم بمبة
ومايقوليش من درب شكمبة
تعالى يابوخالو
أبو عويضة . . أجي ومالو
أنا أفرقع بمبة وستين بمبة
أنا عم إمام أنا جني اللمبة
مسئول النيشان طب يلا أوام
يلا ياسي إمام
إفرد عضلاتك
زقها قدام
أبو عويضة .. لأ مش هقدر
مش عوايدنا
تفرقع بمب
في مولد سيدنا
مسئول النيشان ياسلام ياسلام
إيه ياعم إملم
هتسيبني وتمشي
بقى دا اسمه كلام
طب أحلى سلام
لعم إمام
وإبنه عويضة
إبن الضرغام
بناعة الودع .. أبين زين أبين وأوشوش الودع
وأجوز الصبية في لحظة للجدع
أوشوش الودع للشابة والجدع
وأقدم الدوا للقلب إللي إتوجع
إرمي بياضك يلا ياهانم
يجعل ربي صباحك غانم
شوفت في ودعي أنا شاب حليوة
صعيدي مأصل وإسمه عليوة
دايب فيكي ياست الهانم
نجمك وافق نجم عليوة
الهانم .. عليوة الواد إبن البواب
لاهو صاحبي ولا احنا أحباب
وأنا عارفاكي ياأم عليوة
إنتي مرات عطوة البواب
بتاع المراجيح مراجيح مراجيح حبة تفاريح
إتمرجحوا في بساط الريح
الأولاد ركبنا ياعمو المرجيحة
مرجحنا وزقنا بالراحة
مرجيحتك أه من مرجيحتك
سواحة ياعمو وطواحة
بتاع المراجيح من عيني ياولادي أمرجحكو
أنا بفرح لما بفرحكو
يارب يوفق ويسهل
وأشرب شرباتكم في نجاحكو
منادي السيرك قرب قرب خش إتفرج
يلا بسرعة ماتستناش
ماتستغربشي ماتستعجبشي
ماتتفلسفشي ماتفلقناش
خشوا وشوفوا عجايب السيرك
بلياتشو بيمشي على السلك
والأراجوز والبهلوانات
والترابيز والشقلباظات
وهتسمعوا أجمل أغنية
من مطربة الريف شلبية
شخلل جيبك إنت وهو
إيدكم يلا على النقدية
أبو عويضة تعالى ياعويضة نخش لجوة
نشوف إيه حكاية السيرك دا هو
ومن عوايدنا في مولد سيدنا
ياواد ياعويضة نأمن جيبنا
الأراجوز أراجوز أراجوز من عيني الجوز
أتنطط لكو ولا فرقع لوز
وأترأجز لكو وأتحنجل لكو
وأتزحلق لكو على قشرة موز
القرداتي قوللي ياعم الأراجوز قوللي
شوفتش قرد معاه صباع موز
الأراجوز شوفته معاه جبنة إسطامبولي
وإزازتين محلول جولوكوز
منادي السيرك حان الأن أوان المغنى
علشان نعدل حبة دماغنا
مع مطربة الريف شلبية
هتسمعنا اللي يجيب داغنا
المطربة
شلبية أنا شلبية
شلبية أنا بنت الريف
بين شمس وخضرة ومية
والقمح إللي بقى رغيف
بعيش أيامي هنية
إن كان في الشتا أو صيف
شلبية أنا شلبية
شلبية أنا بنت الريف
أنا بصحى من الصبحية
وبنام الليل تخاطيف
أمسك فاسي أنا بأديا
ولا فارس ماسك سيف
ياللي إنت سألت عليا
أنا مش محتاجة تعريف
شلبية أنا شلبية
شلبية أنا بنت الريف
وإن غنيت تحت التوتة
أنا غنواية زغنطوطة
القى النرجس قاللي
يابنت إنتي يابنوتة
ياللي إنتي بدم خفيف
من تاني غني ياقطقوطة
ياربيع من بعد خريف
غنيت أنا أنا شلبية
مصرية وبنت الريف
حنة أرضنا في اديا
وف عيني خضار الريف
شلبية أنا شلبية
مصرية وبنت الريف
أبو عويضة يلا تروح ياعويضة الشادر
علشان نلحق عبد القادر
يلا بسرعة إجري ماتمشيش
هنسبح ويا الدراويش
الدراويش سبحانك ياللى خلقت سمانا بدون عواميد ...... سبحانك
سبحانك ياللى بسطت الرزق بدون مواعيد ....... سبحانك
سبحانك ياللى أمرت الحوت ونجدت نبيك ....... سبحانك
سبحانك ياللى خلقت الرحمه نبينا صفيك ......... سبحانك
سبحانك ياللى نصرت كليمك على فرعون ...... سبحانك
سبحانك ياللى خسفت الأرض بملك قارون ..... سبحانك
سبحانك ياللى رزقت الطير ...... سبحانك
سبحانك ياللى بايدك خير .... سبحانك
سبحانك ياللى جعلت الفلك تشق بحور ....... سبحانك
سبحانك كلمه تملّى بقولها فى ضلمه ونور .......... سبحانك
سبحانك .. سبحانك ... سبحانك .. سبحامك
بقلم طارق السيد
