الرئيسية
بطاقة الكتاب
-----------------------------------------------------------------------
عنوان المؤَلَّف : صندوق خشب
المؤلِّف : الشاعر/ محمود محمد صابر
التصنيف : أشعار ( عامية )
رقم الإيداع :
عدد الصفحات : 100 صفحة
رقم الإصدار الداخلى : 76
تاريخ الإصدار الداخلى : 11 / 2017 الطبعة الأولى
-------------------------------------------------------------
جميع حقوق الطبع والنشر محفوظة للشاعر، ولا يحق لأى دار نشر طبع ونشر وتوزيع الكتاب الا بموافـقة كتابية وموثـقة من الشاعـــر
[center]إهـــــــــداء
إلي أبي
إلي أمي
إلي إخوتي
إلي زوجتي وشريكة عمري
إلي ولديّ
إلي كل من تعلمت منه حرفاً أو خلقاً
الشاعر
محمود محمد صابر
( أحداث ستاد الدفاع الجوي )
********
ابنى ماماتش
ابنى اناعايش
بس اكيد تلاقيه مستنى
نهاية الماتش
دالسه يادوب كان بايس ايدى
لماوافقت يروح الاستاد
تقولولى دامات
داخدنى فى حضنه وباس فى جبينى
وبص فى عينى
وقال ماتخافش
ابنى ماماتش
داامه محضره اكل كفايه
يمكن يرجع ويااصحابه
تلقاه حالا طالع ينفخ
يدخل اوضته ويرزع بابه
اساله مالك
يقولى اصل النادى مافازش
ابنى ماماتش
ويموت ليه
لاارهابى ولاكان مجرم
ابنى يادوبك حلم كبير
عشته انا وامه لحظة بلحظة
علشان يقوى ويبقي كبير
اول مره يحبى قصادى
اول كلمه نطقها بلادى
والمدرسه من اولى لسته
ابنى انا راجل فى الاعدادى
ابنى حبيبي دخل الثانوي
وفى الاستاد بيشجع نادى
ابنى اتاخر
ليه مارجعش
قتلوك ياابنى ولعبواالماتش
**************
( أنا اللى كلى بيعشقك )
**********
أنااللي كلي بيعشقك
وكل عشاقك أنا
أنا طبطبة ..
أنا حضن ضمك
في الساعات المُحزنة
أنا هدهدة في ساعة بكا
وفي فرحتك
غنيوة حلوة ودندنة
أنا ضهر ليكي
أنا السند
أنا أب بنتك والولد
في الشدة ..
الصبر طبعي والجلد
ثابت جسور كما الوتد
وبكون عشانك المدد
لأجل تعيشي إنتي الهنا
ما أنا اللي كلي بيعشقك
وكل عشاقك أنا
لويحسبوا عمرك يلاقوا
يوم ميلادي والسنه
أناعشقي ليكي قديم قوي
قدم التاريخ والأزمنة
أناعشقي ليكي كبير قوي
براح لكل الأمكنة
ياأرض سمرا وطيبة
طارحة في حياتي سوسنة
ماأنااللي كلى بيعشقك
وكل عشاقك أنا ..
**************
( حكاية ولد )
********
شاب الولد ..
وهو في العشرين يدوب
أصل الولد ..
مولود حزين
وعينيه البريئة الطيبة
غرقت دموع
وجراحه ساكنة في الحشا
بين الضلوع
حلم الولد ..
لملم حاجاته وارتحل
أيوه رحل
ومفيش رجوع
اصل الولد ...
عاش السنين يصرخ أهات
عايش يحارب في السكات
الصرخة تفضح فـ العيوب
شاب الولد ...
كان لسه فـ العشرين يدوب
حاكموا الولد
وعلقوا جسمه النحيف ع المشنقة
قالوا خطر
ازاي يفكر أو يقول
ازاي يعبر أو ينول
ازاي عاوز الحمام
يعيش سلام
وياغول
مات الولد ...
وهو في العشرين يدوب
**********
( لملم حاجاتك )
*********
لملم حاجاتك
محتجاتك
وذكريات لعمر فات
هنا كام سنة
عدوا دهر
كانوا مليانين حزن وأاهات
كانوا مليانين ذل وشقا
كانوا مليانين قهر وسكات
...
لملم حاجاتك
محتجاتك
لسه في قلوب محتاجاك
أن الأوان ترجع بقي
وعلقم الغربة
كفياك
عاود وعود
يمكن العودة ترجع
السواد لشعر شاب
وتصلب عود فيك إنحني
وترجع شباب
عاود
هتلقي الايادي الطيبة تطبطب عليك
وحضن يحضن دمعتك ويحس بيك
عاود دا لو باب اتقفل
ربك بيفتح الف باب
...
لملم حاجاتك
محتجاتك
**********
( التحية )
*********
التحية ..
للي عايش
واللي عامل نفسه عايش
واللي فارق ..
بس لسه فينا عايش
التحية ..
لحضن يوم
ضم الضلوع
ولايادي طبطبت
مسحت دموع
ولقلوب فضلت بريئة
ولجباه رفضت مذلة أوركوع
التحية ..
التحية لدعوة أمي
في سجدة مليانة بخشوع
والتحية لإيد أبويا
عرقه يمحي خوف وجوع
والتحية لمصر وطني
وحلم دايم بالرجوع
التحية ...
والتحية لبنت سمره
ضحكة السن ... نهار
كل لمسة منها جنة
لوصحرا تطرح خضار
كل همسة منها محيا
التلج يطلع شرار
التحية ...
لامتدادي
لبكره في صورة ولادي
التحية لطرح زرعي
واجتهادي
والتحيه ...
التحية لجندى أسمر
والعرق فوق الجبين
شال سلاحه وقال فداها
روحى عمرى والسنين
مش مهم اسمى ايه
مش مهم عمرى كام
المهم نحمى مصر
نحمى ناسها الطيبين
***********
( صندوق خشب )
**********
راجع ياأمى شهيد
ملفوف براية الوطن
سامع صراخك
حاسس بكاكى
وأيديكى ماسكة فى الكفن
اسف ياأمى
كان نفسى ديما أفرحك
واخدك فى حضنى
مش أجرحك
بس الخيانة
بينا حاجز
بناه خسيس
عاوز خراب
عاوز دمار
ولسه عايز
وانا التمن
راجع ياأمى شهيد
ملفوف براية الوطن
صندوق خشب
كان هوبيتى ع الحدود
حامى حمى شرف الجدود
شامم لريحة دمهم
عنبر يفوح
هنا كام شهيد
ضحى بنفسه ودنيته
ضد اليهود
لاجل يرجع أرضنا
ويشفى الجروح
كنت فخور
انى بكمل الرساله
انى حامل الأمانه
انك عشان تكونى حرة
أكون السبب
صندوق خشب
لساك يابيتى
وكأن مكتوب اسكنك
موت أو وجود
قتيل الخيانة جوا أرضى
فى وسط البلد أو ع الحدود
فى مظاهرة صامتة طالبة حق
أو بين صفوفنا أحنا الجنود
ونصرخ نقول فين حقنا
وكأن كل الأسئلة
ملهاش ردود
وكأن الأرض
لسه ياما شرقانة
عطشانة منا الروح
لدمانا عطشانة
وعشانها غاليه ياما
دمى التمن
وكأنه ...بيعود
بينا الزمن
راجع ياأمى شهيد
ملفوف براية الوطن
إبكينى يااما
إبكينى يااما
ليل صباح
إبكي وعلى بصرختك
على النواح
وبصى فى وشوش الديابة
وأهتفى
أنا أبنى راح
أنا أبنى مات فى معركة
مارفعش يوم فيها السلاح
شيفاه فخور وسط الطابور
بيقول افندم
جندى مقاتل
واسمى محفور بالكفاح
عارف عدوى أكيد يافندم
كيان صهاينة
سارق لأرضى
هاتك لعرضى بالسفاح
اضرب يافندم؟
وفجأة تاه
لما شاورله الافندم....
عكس الإتجاه
زاغت عينيه
وسلاحة .. هزه النبض
بين إيديه
ده عدوى ..؟
بيصلى نفس صلاتى
بيقرأ أياتى
طب عايز يقتلنى ليه..؟
قولى يااما ...
أنا أبنى مات من دهشته
مش من الجراح
وراجعلى مزفوف جنته
وانا كان حشايا هدمته
وصدرى كان مخدته
وضهرى كان تهمته
دا كانت عنيا لدمعته
انا كلى مات
وراجعلى
فى صندوق خشب
( وفين القى زيك )
*********
وفين القي زيك وكل الوشوش
زي البلاستيك حلاوة رتوش
عيونهم بتعشق
لكن قلوبهم...
مابيعرفوش
وفين القي نظرة تحي اللي مات
وبسمة شفايف تنسي اللي فات
تصرخ أهاتي تهد السكات
دا يب جليبي
في سحر الرموش
وفين القى زيك
************
( وعيشك وملحك )
*******
وعيشك وملحك
وسمرة ملامحك
في وش العباد
وطارحك وطالحك
وطميك ونيلك
بيروي البلاد
ودم الشوارع
والفجراللي طالع
في حلم الولاد
لتكوني بتاعتنا
ومهما اتباعدنا
هيجي الميعاد
هيرجع ميدانا
يزلزل عروش
هيفضل هتافنا
يفضح كروش
هتكمل صورتنا
رغم الرتوش
هنضيف ع الحساب
كل اللي ذاد
*************
لإسم مصرى
**********
الاسم .. مصرى
والمهنة حمال قاسية
بزرع وبحصد
خير كتير
ياخسارة مشليا
عايش يدوب
ع الفتات
وحامد ربنا نعمه
كان طبع فيا السكات
كالصبر فى طبعه
شوفت كتير فـ اللى فات
ولسه كتير ليا
الاسم ...مصرى
والمهنة ...حمال قاسية
......
حفرزمانى بالسنيين
ع الوش
مليون علامة
تجاعيد شقى
واتسرسبت أحلامى
يلا ااااا السلامة
ورغم حزنى
بسمتى بسمة رضا
ورغم جرحى
عمرى ما عرفت الندامة
عاشق تراب أرضها أخضر وأصفر
حامى حمى عرضها مادمت أقدر
لا هى هانت
بس أنا
على أرضها عشت المهانة
أصل الحقيقة حلوها مش قسمتى
الحلو ليهم بس
والمر ليا
الاسم ...مصرى
والمهنة ...حمال قاسية
**********
إلى أبـــــــــــــــــى ,,
********
يا إيد سمرة وشقيانة
ياما زرعت ف أرضي خضار
في حضنك عشنا فـ الجنة
وعشت عشانا وسط النار
ياضهري
ياسندي
ياعمري
بلاش انت ياكل الدار
دا أنت اللمة والصحبة
دا أنت الحب والرحمة
داأنت الضحكة والبسمة
وبعدك كل ده ينهار
**********
بتدارى
*******
وشباب وشى مغطينى
لكن جوايا شىء تانى
عجوز
ومعجزة سنينى
مكرمش وش كلماتى
محنى عضم تكوينى
وخارجة الاهه من جوا
لهيب جمر بيكوينى
قوليلى
باقى أيه منى
يعجب عشان تحبينى
سيبينى
سيبينى وحدى بتدارى
ورا ضحكة ماليها دموع
أبكى وأقول ياخساره
سنيين راحت مليها رجوع
أنا بينى وبينك عمر
عشت فيه أنا المخدوع
لاعمرى هكون ليكى الفارس
بقلب جريح قوى وموجوع
لاعندى حصان يطير وأبيض
ولا سيف م الحديد مصنوع
معنديش غير الكلمة
وصوت اخرس ومش مسموع
أنا الماضى
أنا ذكرى
انا امبارح
ومش بكره
ودى خلاصة الموضوع
أنسينى
وخلينى
بتدارى
وشباب وشى مغطينى
************
( بتقسي كل يوم حبه )
**********
بتقسي كل يوم حبه
وبتعادي محبينك
وبتدوسي علي ولادك
وعاشقة في اللي نهبينك
في براحك زرعتي الشوك
ووردك جوا زنازينك
بنستنشق هواكي نموت
بقي مسموم عسل نيلك
ولوحبينا نصرخ يوم
بتقتلنا ملاعينك
فقيرك كل يوم بيزيد
وخيرك للي سارقينك
عشنا الغربة جواكى
وجوا الغربة عايشينك
ياكافرة باللي في التوراة
ياكافرة باللي في الإنجيل
ياكافرة باللي في القرأن
وعابدة للي سبيينك
قوليلي يبقي أيه تاني
عشان ما العنش يوم دينك
*************
( بين الحياة والموت )
***********
بين الحياة والموت
رحلة طولها سنين
فيها إللي عاشها سكوت
وفيها إللي عاشها حزين
وفيها إللي بيحارب
علشان يكون ف يوم غالب
ولاعمره يوم فكر
يداري راسه كدا في طين
احداثه بيعملها
اقداره يبدلها
احلامه بيطولها
لو بعد صبر سنين
بين الحياة والموت
رحلة طولها سنين
فيها إللي عاشها وحداني
مقفول عليه الباب
علي نفسه كان جاني
قضي فيها حياته سراب
*************
رسائل إلى ولدى ...
***********
(1)
أياك تغمض خوف
أو تلعن ظروفك ..
أو تنسى إنك قدها
وضعفك يشوفك ..
حاول وحاول من جديد
يأسك لحالك أيه يفيد
ومهما كان الأمر صعب
سلاحك الكلمة وحروفك
(2)
اعشق ترابها وافديه
حتى بدماك
عرقك سحاب
ينزل بخيرع الشقيانين
وع العدا ينزل هلاك
واحفظ لنيلها الجميل
بالخير رواك
وحافظ كتيرعلى اهلها
دول طيبين
خلى رضاهم دايما
هورضاك
(3)
واوعاك تكون فى الحق
ابدافى يوم جبان
اصرخ باعلى الصوت
هد الببان
كسر قيود الظلم
السجن والسجان
خليها حره كلمتك
ولا يوم تهان
(4)
اياك تتوه عن سكتك
فى الحب دايما حكمتك
احفربقوة الأسود
سطور قصتك
وأسجد لربك فى الميعاد
جماعة
وحتى فىخلوتك
دينك سبيلك
طوق نجاتك
اياك تضّيع اخرتك
خلص الكلام
وفى الختام
مش باقى الا محبتك
وانى اشوفك يوم
بشتهيها ضمتك ابوك ..
تجاعيد ...
*********
على الوشوش تداريج
فوق الجبين تجاعيد
وعيونى والدمعات
والاهه والتنهيد
وقلوبنا جوانا
بالحزن مليانه
نصرخ بآهيانا
والصرخه منا تزيد
فوق الجبين تجاعيد
...
يادنيا ليه الحال
كالحزن فى الموال
لا طالبة جاه ولامال
دا الستربس اكيد
فوق الجبين تجاعيد
...
بهواتنا وبدالها
وخطبها وجمالها
نسمع نقول هانت
مهما الظروف كانت
مسيرها للتجديد
نستنى ونستنى
نحلم ونتمنى
وتمر ايامنا
ولاشوفنا اى جديد
فوق الجبين تجاعيد
...
ياهدوم يا سترانا
خسارة فيكى الشق
يابطونا ياجعانه
بكره الزمان هيرق
دا الرب ويانا
هو حميد ومجيد
فوق الجبين تجاعيد
يابلدنا فين احنا
فى كل يوم محنه
ولوحد بينا حس
كنا كده ارتحنا
وقت الصعاب واقفين
وقت الشدد ملايين
ويوم ما اشترينا الحق
كان التمن روحنا
بقوا بينا بيتاجروا
احلامنا بيهاجروا
وماحد مد الايد
فوق الجبين تجاعيد
عــــــــــواد ...
*************
فوق عيدان الشمس
أعزف ..
ما أنا .... عوّاد
ثروتي عودي
أدندن
مرة بغنوة عشق
ومرة ..
كلمتينى شداد
لكن ..
في يوم لاكانت مهنتي نقبي
ولاطبعي
ولاعمري افرط في كلمة
مش ... وطن وبلاد
عوّاد لعودي انا
مش للوطن عوّاد
***********
لسه بنحلم ...
***********
كنابنحلم .. بيها نضيفة
للمستقبل فيها مكان
كنا بنحلم .. بيها جميلة
حلم وفاضل لسه ماهان
....
لسه بنحلم ليها تكون
قد الدنيا وقد الكون
بس بعلم
عرق وكفاح
مش بالدم
ألام وجراح
بصوت للحق يكون مسموع
مش بالذل
مش بخضوع
فيها المصرى وبس المصرى
مفيهاش عسكر ولا اخوان
.....
فيها العدل يكون السايد
فوق الكل واحد ومحايد
مفيهاش حد عليها يزايد
فيها الكل صحيح انسان
لسة بنحلم
***********
( ورغم إني ... )
************
ورغم إني
عايش عمري مستني
فـ صف طويل واقف دوري
بصبرنفسي ... وبمني
واقول الجاي أكيد أحسن
شوية صبر .... وتأني
ومستني
مسيري فـ يوم هكون إنسان
ليا كرامة
وحق مصان
ولا ظابط فـ يوم يلعن ولايضرب
ولايهني
ولاحكومة بتفتفت في أرزاقي
بتديني يادوب ملاليم
وباصة حتي في الباقي
أخد باليمن منها
وتاخد بالشمال مني
ومستني
مسيري لما يوم أتعب
القي مكان يطببني
مستشفي كبيرة ونضيفة
وعلاج جاهز ومتوفر
واطبا ... الروح ما تحرمني
ومستني
بلدى تستفيد مني
مش بعد عمر فى التعليم
فوق الرف تركنى
عشان واسطة مش لاقى
ولا باشا بيدعمنى
ومستني
وشكلي هدني مستني
*************
( ياعايش جوا شرنقتك )
***********
ياعايش جوا شرنقتك
وكاره النور
وشايف العدل بميزانك
ظُلم ... وجُور
حاسس بالكل عدوينك
وكل الكل كارهينك
يادوب تخسر عزيز غالي
تدور مين عليه الدور
قلبك ليه بيتقلب كموج البحر
ساعات يفرح تحس إنه
عريس دافع يادوب المهر
وفـ ثانية ...
نهارك ليله يتسحب علي وشك
ويشيخ الفرح فـ عيونك
عجوزعمره بعمرالدهر
وشيبه وجلد متكرمش
حاجات بتقول
احذرالقلب ده مكسور
ياعايش جوا شرنقتك
وكاره النور
*************
ينـــــــــــــــــــاير ...
************
الاساس كانت يناير
اوعى تنسى
كنت غافل
كنت حاير
اوعى تنسى
ان صوتك فـ الاساس
ماكنش طالع
لولا شباب حر وجرىء
ماكنش طامع
حرر قيودك
زرع صمودك
وبدمه روى الشوارع
اوعى تنسى
الاساس كانت يناير
احتفال ...؟
وجثثنا لسه بدمها
احتفال...؟
والام فقدت ابنها
احتفال...؟
وسجونا كامل حبسها
احتفال...؟
بفرحة من غير البشاير
اوعى تنسى
الاساس كانت يناير
ايوه لسه مكملين .... لو فرادى
مهما قلتم اوعشقتم ....... للبياده
مهما كان احساسكم رايح .... للبلاده
احنا لسه مكملين
لاجل يحكى ابنى وابنك ..... والسنيين
ان فى جيل انتفض
قام واجه الفساد
قال ماخفش م الجراد
قال هيعلن الحداد
لحد يوم الحق يرجع
للى مات ..... للشهيد
احتفال...؟
ولسه فى شهيد جديد
الخسة عايشه فيك
الوساخة كل يوم منك تزيد
الجثث ع الأرض سخنة
وانت بترقص سعيد
اوعى تنسى فى وسط رقصك
الاساس كانت يناير
اوعى تنسى
************
بجد عجييب
********
لما تكون عينيك بتشوفنى
واحد تانى
لما أكون مظلوم قدامك وانت تقول
علياالجانى
لماعليا تملى بتنكرااقل حقوقى
ان فى وجعى يصرخ صوتى يقول اه يانى
وياريت بيطيب
بجدعجيب
......
ظلم وقهر وناس مكسوره
حبس وسجن وناس مقهوره
وانت لوحدك بره الصوره
شايف بس البرواز
الا صحيح قلى يااستاذ
لما طالبنا بالتغيير
ايه أتغير
هى الناس لاقية السبوبه
والاسعار لساها مرغوبه
طب والنورلساته بيقطع
والبنزين وطابور الغاز
ايه اللى اتغيرغيرالريس
فين الحل فين الانجاز
ناس بتحدف ناس بالطوب
وهى اساسها كله قزاز
بجد دفاعك ده الاعجاز
بجدعجيب
.......
احلموا حلم شىء مش عيب
بس بواقع مش بالغيب
النظام اصله الترتيب
مفيش امنيه هتملى الجيب
بجدعجيب
......
رايح يبنى مدينة جديدة للبهوات
هتطلع كفته زي ماغيرها التعلب فات
باع فى ترابنا وانت وغيرك عيزنا سكات
والا التهمة جاهزة وناجزة
بعنا بلادنا وقبضنا تمنها من الخواجات
بجدعجيب
****************
الى امى الغالية
****************
ياصابرة وقت المحن
ياام الجليب فضه
ياكل خير دنيتي
ولجنتي السكه
ياللى برضاكى ربنا بيرضى
وفى كف ايدك الميه تتوضى
ومهما كان الحزن جوايا
فى حضنك انتى الروح كده بتهدى
بركة دعاكى فى سكتى آية
وبفضل طاعتك ربنا معايا
فرحك ياامى املى ومنايا
فى غير وجودك تبقى الحياه بارده
عاوزك ياامى تملى تسامحينى
وتدعى ربنا انه يسامحنى ويهدينى
وخلينى دايما فى عطفك ودعوة فى السجده
ياشمس عمري يعني الدفا والنور
ياجنه لينا كلنا بس من غير سور
الكل بيكي ياامى في الحياه منصور
ياجامعه شمل الكل بالحب والوحده
صباح عاشق الفرحة
بيغر دمع العصافير
مصرعروسة بالطرحة
صباح الود والتقدير
عم احمد وفول الصبح
مع القوطة مع الجرجير
وضحكة طالعة بتجلجل
بتقول على الله التدابير
وعيش ساخن طالع من الفرن
لا فى زلطه ولامسامير
وبنزينة لعربيتك
مشتاقه للطوابير
نيل اسمر بيتهادى
جايب ليها كل الخير
وارض خضار قصاد عينى
وقمح اصفرحبه كبير
صباح عاشق انا بلادى
يحلم بكره بالتغيير
***********
وبعد الليل
*******
يجى الفجر
يقولنا الامل موجود
ومهما يكون سواد الكرب
ومهما يكون فى طريقنا سدود
هيجى النور ماتقلقش
منين الخير ماتعرفش
مدام ارضك مهياش بور
هيطرح طينها بكرهورود
مسيرالواقفه راح تمشى
صباح النور
يعنى الحزن بعده سرور
يعنى الضلمه مهما تكون
هترحل اصلها بالدور
حاول تبعد عن الاحزان
واعرف انك يادوب انسان
بتحاول ولاتيأس
ورب الكون اكيد موجود
ماتخافش
************
غـــــــــــزة
*************
فى النحو قالوا زمان
فى ضمير للغايب
واحنا فى زمنا الضمير
فى كشف الحضور غايب
أمة ماليها العجب
فيها العجب الوان
جاحد قليل الاصل
اصبح لنا العنوان
ومذيع على الشاشه
بيمدح اللى خان
ويسب فى ابن الاصول
يتمسخر ويتعايب
اصل فى زمنا الضمير
فى كشف الحضورغايب
.....
وادى مذيع تانى
بينكر عذاب القبر
ويعيب حبيبنا محمد
وشيوخنا كسيها الصبر
ساكتين عليه ما ادرى
داخوف ولاقهر
ولا وليمه ومنها
اخد الشيوخ نايب
اصل فى زمنا الضمير
فى كشف الحضورغايب
.....
وسط الولايم والجوارى وكتير من اللذه
جعل لينا ربنا وسط الخنوع عزة
من الكل حته صغيره بتحارب الطواغيط
هى الشرف والجهاد من مجدها نبذه
فيها دم الرجال بيروى شوارعها
فيها الصبايا ابطال واطفالها مدافعها
وسط خنوع العرب اصل الشموخ غزة
وغزة دى مش حماس ولافصيل واحد
غزة هى الضمير وقت الضميرغايب
اصل فى بلادنا الضمير
فى كشف الحضورغايب
*************
اكتفيتى ولا لسه
**************
اكتفيتى ولا لسه
ولاعاوزه فى البلاده
تاخدى تانى الف حصة
اكتفيتى من دمايا
ومن بكا اهلى وضنايا
ولا من القهر فـ حشايا
ولا من الذل اللى دايس
ع الرقاب بكل خسه
اكتفيتى ولا لسه
اكتفيتى م اللى راح
اكتفيتى ماللى فات
ولدى هناك
وحالى خايف
اسأل علية ليقولوا مات
اصله مجند
حرس حدود
طيب قوى وملهش صوت
ضحكة عيونه حنينة
عاشقة الوجود
راضى بحاله من زمان
تعليم قليل
وعلاج قليل
وصانعه فى ايدين الشقا
لحاله الدليل
تحكى معاه
تشوف حاضرنا
تعرف مصيرنا
من الردود
كان رده دايما بيكون سكات
بقيت بخاف اسأل عليه
ليقولوا مات
معتش فارق جيشة فين
والموت محاوط المكان
والخسة ساكنة معششه
والكل خان
والكل هان
التمن دمه وحياته
معتش فارق جيشه فين
سينا كانت ولا الواحات
بقيت بخاف اسأل عليه
ليقولوا مات
فى كل يوم اسمع خبر
اجرى ادور فى الصور
ليكون مابينهم
القاه فى صورة كل واحدمنهم
نفس العيون
نفس القدر
وشوش بريئة مؤمنة
مش عارف ليه بيها اتغدر
اسمعها بتسأل ربها
إيه ذنبها
تدفع تمن لعب الديابة عمرها
إيه ذنبها
تكون ضحية للى طمعان فى أمها
إيه ذنبها
تكون ضحايا فى الحياه
وفى الممات
بقيت بخاف اسأل عليه
ليقولوا مات
ماالكل مات
*************
صــــــــــــورة
*************
داخل برواز الصورة
مش فارق
مش ظاهر كانت فين
فى عريشنا ولا فى سوريا
ولاجوا فلسطين
داخل برواز الصور
الفارق
كانت هنا بنت بتلعب
والعمر يادوب سنتين
عروستها اهى موجودة
وضحالك يااعمى العين
حواليها الحلم اتبخر
حواليها الأمن إتكسر
حواليها العمر يضيع
والعمر تجيبوا منين
دقق جامد فى الصورة
شايف ..؟
مش شايف ..؟
مش فارق
اصلك مش هتعمل حاجه
هوانت صلاح الدين !!!!!؟
الدهاشنة
***********
الدهاشنه ... (1)
قرية كانت
بتدفع تمن السكوت
شايلة ذل فوق كتافها
خوف معشش فى البيوت
طيرها هاجر م الجفاف
عودها مكسورم اللى شاف
ارضها تعطش تشقق
زرعها قرب يموت
الدهاشنه ...
قرية كانت
بتدفع تمن السكوت
...
جت فؤادة بالتمرد
على كل خوف
فتحت هويس
شربوا م الحرية صرخوا
قالو باطل
قالو خوف تانى مفيش
قالو دى الحرية حلوة
ومفيش تانى سكوت
الدهاشنه
بلدى اللى فاقت
ولايمكن ابدا تموت
الدهاشنة (2)
وبعد عتريس والحكاية
وبعد فؤادة والهويس
والمية عادت تغيث
وبعد محمود العريس
كان دمه شرارة البدايه
قاموا قالوا بعلو صوتهم
أااااايوه باااااطل
قادوا نار تمحى ليلهم
وكفاية كل اللى حاصل
بس ياخسارة اللى قاموا
الدهاشنة بعد فوقه
رجعوا نااااااااااموا
وشافوا فى نومهم كابوس
عتريس معاود والعصابة
يجبى بالظلم الفلوس
يحرق الزرع الخضار
يطعم السم الغموس
واللى ينطق أو يحاول
ينفرم بين التروس
يبقى خاين أوجاسوس
الدهاشنة
رجعواتانى عاشوا خوفهم
فى الحقيقة مش كابوس
ظلم السنين صورخيالهم انه علم
ماتعلموش م الدروس
كلمة شجاعة عندهم
خلى منها القاموس
الدهاشنة ...
*********************
[/b]
-----------------------------------------------------------------------
عنوان المؤَلَّف : صندوق خشب
المؤلِّف : الشاعر/ محمود محمد صابر
التصنيف : أشعار ( عامية )
رقم الإيداع :
عدد الصفحات : 100 صفحة
رقم الإصدار الداخلى : 76
تاريخ الإصدار الداخلى : 11 / 2017 الطبعة الأولى
-------------------------------------------------------------
جميع حقوق الطبع والنشر محفوظة للشاعر، ولا يحق لأى دار نشر طبع ونشر وتوزيع الكتاب الا بموافـقة كتابية وموثـقة من الشاعـــر
[center]إهـــــــــداء
إلي أبي
إلي أمي
إلي إخوتي
إلي زوجتي وشريكة عمري
إلي ولديّ
إلي كل من تعلمت منه حرفاً أو خلقاً
الشاعر
محمود محمد صابر
( أحداث ستاد الدفاع الجوي )
********
ابنى ماماتش
ابنى اناعايش
بس اكيد تلاقيه مستنى
نهاية الماتش
دالسه يادوب كان بايس ايدى
لماوافقت يروح الاستاد
تقولولى دامات
داخدنى فى حضنه وباس فى جبينى
وبص فى عينى
وقال ماتخافش
ابنى ماماتش
داامه محضره اكل كفايه
يمكن يرجع ويااصحابه
تلقاه حالا طالع ينفخ
يدخل اوضته ويرزع بابه
اساله مالك
يقولى اصل النادى مافازش
ابنى ماماتش
ويموت ليه
لاارهابى ولاكان مجرم
ابنى يادوبك حلم كبير
عشته انا وامه لحظة بلحظة
علشان يقوى ويبقي كبير
اول مره يحبى قصادى
اول كلمه نطقها بلادى
والمدرسه من اولى لسته
ابنى انا راجل فى الاعدادى
ابنى حبيبي دخل الثانوي
وفى الاستاد بيشجع نادى
ابنى اتاخر
ليه مارجعش
قتلوك ياابنى ولعبواالماتش
**************
( أنا اللى كلى بيعشقك )
**********
أنااللي كلي بيعشقك
وكل عشاقك أنا
أنا طبطبة ..
أنا حضن ضمك
في الساعات المُحزنة
أنا هدهدة في ساعة بكا
وفي فرحتك
غنيوة حلوة ودندنة
أنا ضهر ليكي
أنا السند
أنا أب بنتك والولد
في الشدة ..
الصبر طبعي والجلد
ثابت جسور كما الوتد
وبكون عشانك المدد
لأجل تعيشي إنتي الهنا
ما أنا اللي كلي بيعشقك
وكل عشاقك أنا
لويحسبوا عمرك يلاقوا
يوم ميلادي والسنه
أناعشقي ليكي قديم قوي
قدم التاريخ والأزمنة
أناعشقي ليكي كبير قوي
براح لكل الأمكنة
ياأرض سمرا وطيبة
طارحة في حياتي سوسنة
ماأنااللي كلى بيعشقك
وكل عشاقك أنا ..
**************
( حكاية ولد )
********
شاب الولد ..
وهو في العشرين يدوب
أصل الولد ..
مولود حزين
وعينيه البريئة الطيبة
غرقت دموع
وجراحه ساكنة في الحشا
بين الضلوع
حلم الولد ..
لملم حاجاته وارتحل
أيوه رحل
ومفيش رجوع
اصل الولد ...
عاش السنين يصرخ أهات
عايش يحارب في السكات
الصرخة تفضح فـ العيوب
شاب الولد ...
كان لسه فـ العشرين يدوب
حاكموا الولد
وعلقوا جسمه النحيف ع المشنقة
قالوا خطر
ازاي يفكر أو يقول
ازاي يعبر أو ينول
ازاي عاوز الحمام
يعيش سلام
وياغول
مات الولد ...
وهو في العشرين يدوب
**********
( لملم حاجاتك )
*********
لملم حاجاتك
محتجاتك
وذكريات لعمر فات
هنا كام سنة
عدوا دهر
كانوا مليانين حزن وأاهات
كانوا مليانين ذل وشقا
كانوا مليانين قهر وسكات
...
لملم حاجاتك
محتجاتك
لسه في قلوب محتاجاك
أن الأوان ترجع بقي
وعلقم الغربة
كفياك
عاود وعود
يمكن العودة ترجع
السواد لشعر شاب
وتصلب عود فيك إنحني
وترجع شباب
عاود
هتلقي الايادي الطيبة تطبطب عليك
وحضن يحضن دمعتك ويحس بيك
عاود دا لو باب اتقفل
ربك بيفتح الف باب
...
لملم حاجاتك
محتجاتك
**********
( التحية )
*********
التحية ..
للي عايش
واللي عامل نفسه عايش
واللي فارق ..
بس لسه فينا عايش
التحية ..
لحضن يوم
ضم الضلوع
ولايادي طبطبت
مسحت دموع
ولقلوب فضلت بريئة
ولجباه رفضت مذلة أوركوع
التحية ..
التحية لدعوة أمي
في سجدة مليانة بخشوع
والتحية لإيد أبويا
عرقه يمحي خوف وجوع
والتحية لمصر وطني
وحلم دايم بالرجوع
التحية ...
والتحية لبنت سمره
ضحكة السن ... نهار
كل لمسة منها جنة
لوصحرا تطرح خضار
كل همسة منها محيا
التلج يطلع شرار
التحية ...
لامتدادي
لبكره في صورة ولادي
التحية لطرح زرعي
واجتهادي
والتحيه ...
التحية لجندى أسمر
والعرق فوق الجبين
شال سلاحه وقال فداها
روحى عمرى والسنين
مش مهم اسمى ايه
مش مهم عمرى كام
المهم نحمى مصر
نحمى ناسها الطيبين
***********
( صندوق خشب )
**********
راجع ياأمى شهيد
ملفوف براية الوطن
سامع صراخك
حاسس بكاكى
وأيديكى ماسكة فى الكفن
اسف ياأمى
كان نفسى ديما أفرحك
واخدك فى حضنى
مش أجرحك
بس الخيانة
بينا حاجز
بناه خسيس
عاوز خراب
عاوز دمار
ولسه عايز
وانا التمن
راجع ياأمى شهيد
ملفوف براية الوطن
صندوق خشب
كان هوبيتى ع الحدود
حامى حمى شرف الجدود
شامم لريحة دمهم
عنبر يفوح
هنا كام شهيد
ضحى بنفسه ودنيته
ضد اليهود
لاجل يرجع أرضنا
ويشفى الجروح
كنت فخور
انى بكمل الرساله
انى حامل الأمانه
انك عشان تكونى حرة
أكون السبب
صندوق خشب
لساك يابيتى
وكأن مكتوب اسكنك
موت أو وجود
قتيل الخيانة جوا أرضى
فى وسط البلد أو ع الحدود
فى مظاهرة صامتة طالبة حق
أو بين صفوفنا أحنا الجنود
ونصرخ نقول فين حقنا
وكأن كل الأسئلة
ملهاش ردود
وكأن الأرض
لسه ياما شرقانة
عطشانة منا الروح
لدمانا عطشانة
وعشانها غاليه ياما
دمى التمن
وكأنه ...بيعود
بينا الزمن
راجع ياأمى شهيد
ملفوف براية الوطن
إبكينى يااما
إبكينى يااما
ليل صباح
إبكي وعلى بصرختك
على النواح
وبصى فى وشوش الديابة
وأهتفى
أنا أبنى راح
أنا أبنى مات فى معركة
مارفعش يوم فيها السلاح
شيفاه فخور وسط الطابور
بيقول افندم
جندى مقاتل
واسمى محفور بالكفاح
عارف عدوى أكيد يافندم
كيان صهاينة
سارق لأرضى
هاتك لعرضى بالسفاح
اضرب يافندم؟
وفجأة تاه
لما شاورله الافندم....
عكس الإتجاه
زاغت عينيه
وسلاحة .. هزه النبض
بين إيديه
ده عدوى ..؟
بيصلى نفس صلاتى
بيقرأ أياتى
طب عايز يقتلنى ليه..؟
قولى يااما ...
أنا أبنى مات من دهشته
مش من الجراح
وراجعلى مزفوف جنته
وانا كان حشايا هدمته
وصدرى كان مخدته
وضهرى كان تهمته
دا كانت عنيا لدمعته
انا كلى مات
وراجعلى
فى صندوق خشب
( وفين القى زيك )
*********
وفين القي زيك وكل الوشوش
زي البلاستيك حلاوة رتوش
عيونهم بتعشق
لكن قلوبهم...
مابيعرفوش
وفين القي نظرة تحي اللي مات
وبسمة شفايف تنسي اللي فات
تصرخ أهاتي تهد السكات
دا يب جليبي
في سحر الرموش
وفين القى زيك
************
( وعيشك وملحك )
*******
وعيشك وملحك
وسمرة ملامحك
في وش العباد
وطارحك وطالحك
وطميك ونيلك
بيروي البلاد
ودم الشوارع
والفجراللي طالع
في حلم الولاد
لتكوني بتاعتنا
ومهما اتباعدنا
هيجي الميعاد
هيرجع ميدانا
يزلزل عروش
هيفضل هتافنا
يفضح كروش
هتكمل صورتنا
رغم الرتوش
هنضيف ع الحساب
كل اللي ذاد
*************
لإسم مصرى
**********
الاسم .. مصرى
والمهنة حمال قاسية
بزرع وبحصد
خير كتير
ياخسارة مشليا
عايش يدوب
ع الفتات
وحامد ربنا نعمه
كان طبع فيا السكات
كالصبر فى طبعه
شوفت كتير فـ اللى فات
ولسه كتير ليا
الاسم ...مصرى
والمهنة ...حمال قاسية
......
حفرزمانى بالسنيين
ع الوش
مليون علامة
تجاعيد شقى
واتسرسبت أحلامى
يلا ااااا السلامة
ورغم حزنى
بسمتى بسمة رضا
ورغم جرحى
عمرى ما عرفت الندامة
عاشق تراب أرضها أخضر وأصفر
حامى حمى عرضها مادمت أقدر
لا هى هانت
بس أنا
على أرضها عشت المهانة
أصل الحقيقة حلوها مش قسمتى
الحلو ليهم بس
والمر ليا
الاسم ...مصرى
والمهنة ...حمال قاسية
**********
إلى أبـــــــــــــــــى ,,
********
يا إيد سمرة وشقيانة
ياما زرعت ف أرضي خضار
في حضنك عشنا فـ الجنة
وعشت عشانا وسط النار
ياضهري
ياسندي
ياعمري
بلاش انت ياكل الدار
دا أنت اللمة والصحبة
دا أنت الحب والرحمة
داأنت الضحكة والبسمة
وبعدك كل ده ينهار
**********
بتدارى
*******
وشباب وشى مغطينى
لكن جوايا شىء تانى
عجوز
ومعجزة سنينى
مكرمش وش كلماتى
محنى عضم تكوينى
وخارجة الاهه من جوا
لهيب جمر بيكوينى
قوليلى
باقى أيه منى
يعجب عشان تحبينى
سيبينى
سيبينى وحدى بتدارى
ورا ضحكة ماليها دموع
أبكى وأقول ياخساره
سنيين راحت مليها رجوع
أنا بينى وبينك عمر
عشت فيه أنا المخدوع
لاعمرى هكون ليكى الفارس
بقلب جريح قوى وموجوع
لاعندى حصان يطير وأبيض
ولا سيف م الحديد مصنوع
معنديش غير الكلمة
وصوت اخرس ومش مسموع
أنا الماضى
أنا ذكرى
انا امبارح
ومش بكره
ودى خلاصة الموضوع
أنسينى
وخلينى
بتدارى
وشباب وشى مغطينى
************
( بتقسي كل يوم حبه )
**********
بتقسي كل يوم حبه
وبتعادي محبينك
وبتدوسي علي ولادك
وعاشقة في اللي نهبينك
في براحك زرعتي الشوك
ووردك جوا زنازينك
بنستنشق هواكي نموت
بقي مسموم عسل نيلك
ولوحبينا نصرخ يوم
بتقتلنا ملاعينك
فقيرك كل يوم بيزيد
وخيرك للي سارقينك
عشنا الغربة جواكى
وجوا الغربة عايشينك
ياكافرة باللي في التوراة
ياكافرة باللي في الإنجيل
ياكافرة باللي في القرأن
وعابدة للي سبيينك
قوليلي يبقي أيه تاني
عشان ما العنش يوم دينك
*************
( بين الحياة والموت )
***********
بين الحياة والموت
رحلة طولها سنين
فيها إللي عاشها سكوت
وفيها إللي عاشها حزين
وفيها إللي بيحارب
علشان يكون ف يوم غالب
ولاعمره يوم فكر
يداري راسه كدا في طين
احداثه بيعملها
اقداره يبدلها
احلامه بيطولها
لو بعد صبر سنين
بين الحياة والموت
رحلة طولها سنين
فيها إللي عاشها وحداني
مقفول عليه الباب
علي نفسه كان جاني
قضي فيها حياته سراب
*************
رسائل إلى ولدى ...
***********
(1)
أياك تغمض خوف
أو تلعن ظروفك ..
أو تنسى إنك قدها
وضعفك يشوفك ..
حاول وحاول من جديد
يأسك لحالك أيه يفيد
ومهما كان الأمر صعب
سلاحك الكلمة وحروفك
(2)
اعشق ترابها وافديه
حتى بدماك
عرقك سحاب
ينزل بخيرع الشقيانين
وع العدا ينزل هلاك
واحفظ لنيلها الجميل
بالخير رواك
وحافظ كتيرعلى اهلها
دول طيبين
خلى رضاهم دايما
هورضاك
(3)
واوعاك تكون فى الحق
ابدافى يوم جبان
اصرخ باعلى الصوت
هد الببان
كسر قيود الظلم
السجن والسجان
خليها حره كلمتك
ولا يوم تهان
(4)
اياك تتوه عن سكتك
فى الحب دايما حكمتك
احفربقوة الأسود
سطور قصتك
وأسجد لربك فى الميعاد
جماعة
وحتى فىخلوتك
دينك سبيلك
طوق نجاتك
اياك تضّيع اخرتك
خلص الكلام
وفى الختام
مش باقى الا محبتك
وانى اشوفك يوم
بشتهيها ضمتك ابوك ..
تجاعيد ...
*********
على الوشوش تداريج
فوق الجبين تجاعيد
وعيونى والدمعات
والاهه والتنهيد
وقلوبنا جوانا
بالحزن مليانه
نصرخ بآهيانا
والصرخه منا تزيد
فوق الجبين تجاعيد
...
يادنيا ليه الحال
كالحزن فى الموال
لا طالبة جاه ولامال
دا الستربس اكيد
فوق الجبين تجاعيد
...
بهواتنا وبدالها
وخطبها وجمالها
نسمع نقول هانت
مهما الظروف كانت
مسيرها للتجديد
نستنى ونستنى
نحلم ونتمنى
وتمر ايامنا
ولاشوفنا اى جديد
فوق الجبين تجاعيد
...
ياهدوم يا سترانا
خسارة فيكى الشق
يابطونا ياجعانه
بكره الزمان هيرق
دا الرب ويانا
هو حميد ومجيد
فوق الجبين تجاعيد
يابلدنا فين احنا
فى كل يوم محنه
ولوحد بينا حس
كنا كده ارتحنا
وقت الصعاب واقفين
وقت الشدد ملايين
ويوم ما اشترينا الحق
كان التمن روحنا
بقوا بينا بيتاجروا
احلامنا بيهاجروا
وماحد مد الايد
فوق الجبين تجاعيد
عــــــــــواد ...
*************
فوق عيدان الشمس
أعزف ..
ما أنا .... عوّاد
ثروتي عودي
أدندن
مرة بغنوة عشق
ومرة ..
كلمتينى شداد
لكن ..
في يوم لاكانت مهنتي نقبي
ولاطبعي
ولاعمري افرط في كلمة
مش ... وطن وبلاد
عوّاد لعودي انا
مش للوطن عوّاد
***********
لسه بنحلم ...
***********
كنابنحلم .. بيها نضيفة
للمستقبل فيها مكان
كنا بنحلم .. بيها جميلة
حلم وفاضل لسه ماهان
....
لسه بنحلم ليها تكون
قد الدنيا وقد الكون
بس بعلم
عرق وكفاح
مش بالدم
ألام وجراح
بصوت للحق يكون مسموع
مش بالذل
مش بخضوع
فيها المصرى وبس المصرى
مفيهاش عسكر ولا اخوان
.....
فيها العدل يكون السايد
فوق الكل واحد ومحايد
مفيهاش حد عليها يزايد
فيها الكل صحيح انسان
لسة بنحلم
***********
( ورغم إني ... )
************
ورغم إني
عايش عمري مستني
فـ صف طويل واقف دوري
بصبرنفسي ... وبمني
واقول الجاي أكيد أحسن
شوية صبر .... وتأني
ومستني
مسيري فـ يوم هكون إنسان
ليا كرامة
وحق مصان
ولا ظابط فـ يوم يلعن ولايضرب
ولايهني
ولاحكومة بتفتفت في أرزاقي
بتديني يادوب ملاليم
وباصة حتي في الباقي
أخد باليمن منها
وتاخد بالشمال مني
ومستني
مسيري لما يوم أتعب
القي مكان يطببني
مستشفي كبيرة ونضيفة
وعلاج جاهز ومتوفر
واطبا ... الروح ما تحرمني
ومستني
بلدى تستفيد مني
مش بعد عمر فى التعليم
فوق الرف تركنى
عشان واسطة مش لاقى
ولا باشا بيدعمنى
ومستني
وشكلي هدني مستني
*************
( ياعايش جوا شرنقتك )
***********
ياعايش جوا شرنقتك
وكاره النور
وشايف العدل بميزانك
ظُلم ... وجُور
حاسس بالكل عدوينك
وكل الكل كارهينك
يادوب تخسر عزيز غالي
تدور مين عليه الدور
قلبك ليه بيتقلب كموج البحر
ساعات يفرح تحس إنه
عريس دافع يادوب المهر
وفـ ثانية ...
نهارك ليله يتسحب علي وشك
ويشيخ الفرح فـ عيونك
عجوزعمره بعمرالدهر
وشيبه وجلد متكرمش
حاجات بتقول
احذرالقلب ده مكسور
ياعايش جوا شرنقتك
وكاره النور
*************
ينـــــــــــــــــــاير ...
************
الاساس كانت يناير
اوعى تنسى
كنت غافل
كنت حاير
اوعى تنسى
ان صوتك فـ الاساس
ماكنش طالع
لولا شباب حر وجرىء
ماكنش طامع
حرر قيودك
زرع صمودك
وبدمه روى الشوارع
اوعى تنسى
الاساس كانت يناير
احتفال ...؟
وجثثنا لسه بدمها
احتفال...؟
والام فقدت ابنها
احتفال...؟
وسجونا كامل حبسها
احتفال...؟
بفرحة من غير البشاير
اوعى تنسى
الاساس كانت يناير
ايوه لسه مكملين .... لو فرادى
مهما قلتم اوعشقتم ....... للبياده
مهما كان احساسكم رايح .... للبلاده
احنا لسه مكملين
لاجل يحكى ابنى وابنك ..... والسنيين
ان فى جيل انتفض
قام واجه الفساد
قال ماخفش م الجراد
قال هيعلن الحداد
لحد يوم الحق يرجع
للى مات ..... للشهيد
احتفال...؟
ولسه فى شهيد جديد
الخسة عايشه فيك
الوساخة كل يوم منك تزيد
الجثث ع الأرض سخنة
وانت بترقص سعيد
اوعى تنسى فى وسط رقصك
الاساس كانت يناير
اوعى تنسى
************
بجد عجييب
********
لما تكون عينيك بتشوفنى
واحد تانى
لما أكون مظلوم قدامك وانت تقول
علياالجانى
لماعليا تملى بتنكرااقل حقوقى
ان فى وجعى يصرخ صوتى يقول اه يانى
وياريت بيطيب
بجدعجيب
......
ظلم وقهر وناس مكسوره
حبس وسجن وناس مقهوره
وانت لوحدك بره الصوره
شايف بس البرواز
الا صحيح قلى يااستاذ
لما طالبنا بالتغيير
ايه أتغير
هى الناس لاقية السبوبه
والاسعار لساها مرغوبه
طب والنورلساته بيقطع
والبنزين وطابور الغاز
ايه اللى اتغيرغيرالريس
فين الحل فين الانجاز
ناس بتحدف ناس بالطوب
وهى اساسها كله قزاز
بجد دفاعك ده الاعجاز
بجدعجيب
.......
احلموا حلم شىء مش عيب
بس بواقع مش بالغيب
النظام اصله الترتيب
مفيش امنيه هتملى الجيب
بجدعجيب
......
رايح يبنى مدينة جديدة للبهوات
هتطلع كفته زي ماغيرها التعلب فات
باع فى ترابنا وانت وغيرك عيزنا سكات
والا التهمة جاهزة وناجزة
بعنا بلادنا وقبضنا تمنها من الخواجات
بجدعجيب
****************
الى امى الغالية
****************
ياصابرة وقت المحن
ياام الجليب فضه
ياكل خير دنيتي
ولجنتي السكه
ياللى برضاكى ربنا بيرضى
وفى كف ايدك الميه تتوضى
ومهما كان الحزن جوايا
فى حضنك انتى الروح كده بتهدى
بركة دعاكى فى سكتى آية
وبفضل طاعتك ربنا معايا
فرحك ياامى املى ومنايا
فى غير وجودك تبقى الحياه بارده
عاوزك ياامى تملى تسامحينى
وتدعى ربنا انه يسامحنى ويهدينى
وخلينى دايما فى عطفك ودعوة فى السجده
ياشمس عمري يعني الدفا والنور
ياجنه لينا كلنا بس من غير سور
الكل بيكي ياامى في الحياه منصور
ياجامعه شمل الكل بالحب والوحده
صباح عاشق الفرحة
بيغر دمع العصافير
مصرعروسة بالطرحة
صباح الود والتقدير
عم احمد وفول الصبح
مع القوطة مع الجرجير
وضحكة طالعة بتجلجل
بتقول على الله التدابير
وعيش ساخن طالع من الفرن
لا فى زلطه ولامسامير
وبنزينة لعربيتك
مشتاقه للطوابير
نيل اسمر بيتهادى
جايب ليها كل الخير
وارض خضار قصاد عينى
وقمح اصفرحبه كبير
صباح عاشق انا بلادى
يحلم بكره بالتغيير
***********
وبعد الليل
*******
يجى الفجر
يقولنا الامل موجود
ومهما يكون سواد الكرب
ومهما يكون فى طريقنا سدود
هيجى النور ماتقلقش
منين الخير ماتعرفش
مدام ارضك مهياش بور
هيطرح طينها بكرهورود
مسيرالواقفه راح تمشى
صباح النور
يعنى الحزن بعده سرور
يعنى الضلمه مهما تكون
هترحل اصلها بالدور
حاول تبعد عن الاحزان
واعرف انك يادوب انسان
بتحاول ولاتيأس
ورب الكون اكيد موجود
ماتخافش
************
غـــــــــــزة
*************
فى النحو قالوا زمان
فى ضمير للغايب
واحنا فى زمنا الضمير
فى كشف الحضور غايب
أمة ماليها العجب
فيها العجب الوان
جاحد قليل الاصل
اصبح لنا العنوان
ومذيع على الشاشه
بيمدح اللى خان
ويسب فى ابن الاصول
يتمسخر ويتعايب
اصل فى زمنا الضمير
فى كشف الحضورغايب
.....
وادى مذيع تانى
بينكر عذاب القبر
ويعيب حبيبنا محمد
وشيوخنا كسيها الصبر
ساكتين عليه ما ادرى
داخوف ولاقهر
ولا وليمه ومنها
اخد الشيوخ نايب
اصل فى زمنا الضمير
فى كشف الحضورغايب
.....
وسط الولايم والجوارى وكتير من اللذه
جعل لينا ربنا وسط الخنوع عزة
من الكل حته صغيره بتحارب الطواغيط
هى الشرف والجهاد من مجدها نبذه
فيها دم الرجال بيروى شوارعها
فيها الصبايا ابطال واطفالها مدافعها
وسط خنوع العرب اصل الشموخ غزة
وغزة دى مش حماس ولافصيل واحد
غزة هى الضمير وقت الضميرغايب
اصل فى بلادنا الضمير
فى كشف الحضورغايب
*************
اكتفيتى ولا لسه
**************
اكتفيتى ولا لسه
ولاعاوزه فى البلاده
تاخدى تانى الف حصة
اكتفيتى من دمايا
ومن بكا اهلى وضنايا
ولا من القهر فـ حشايا
ولا من الذل اللى دايس
ع الرقاب بكل خسه
اكتفيتى ولا لسه
اكتفيتى م اللى راح
اكتفيتى ماللى فات
ولدى هناك
وحالى خايف
اسأل علية ليقولوا مات
اصله مجند
حرس حدود
طيب قوى وملهش صوت
ضحكة عيونه حنينة
عاشقة الوجود
راضى بحاله من زمان
تعليم قليل
وعلاج قليل
وصانعه فى ايدين الشقا
لحاله الدليل
تحكى معاه
تشوف حاضرنا
تعرف مصيرنا
من الردود
كان رده دايما بيكون سكات
بقيت بخاف اسأل عليه
ليقولوا مات
معتش فارق جيشة فين
والموت محاوط المكان
والخسة ساكنة معششه
والكل خان
والكل هان
التمن دمه وحياته
معتش فارق جيشه فين
سينا كانت ولا الواحات
بقيت بخاف اسأل عليه
ليقولوا مات
فى كل يوم اسمع خبر
اجرى ادور فى الصور
ليكون مابينهم
القاه فى صورة كل واحدمنهم
نفس العيون
نفس القدر
وشوش بريئة مؤمنة
مش عارف ليه بيها اتغدر
اسمعها بتسأل ربها
إيه ذنبها
تدفع تمن لعب الديابة عمرها
إيه ذنبها
تكون ضحية للى طمعان فى أمها
إيه ذنبها
تكون ضحايا فى الحياه
وفى الممات
بقيت بخاف اسأل عليه
ليقولوا مات
ماالكل مات
*************
صــــــــــــورة
*************
داخل برواز الصورة
مش فارق
مش ظاهر كانت فين
فى عريشنا ولا فى سوريا
ولاجوا فلسطين
داخل برواز الصور
الفارق
كانت هنا بنت بتلعب
والعمر يادوب سنتين
عروستها اهى موجودة
وضحالك يااعمى العين
حواليها الحلم اتبخر
حواليها الأمن إتكسر
حواليها العمر يضيع
والعمر تجيبوا منين
دقق جامد فى الصورة
شايف ..؟
مش شايف ..؟
مش فارق
اصلك مش هتعمل حاجه
هوانت صلاح الدين !!!!!؟
الدهاشنة
***********
الدهاشنه ... (1)
قرية كانت
بتدفع تمن السكوت
شايلة ذل فوق كتافها
خوف معشش فى البيوت
طيرها هاجر م الجفاف
عودها مكسورم اللى شاف
ارضها تعطش تشقق
زرعها قرب يموت
الدهاشنه ...
قرية كانت
بتدفع تمن السكوت
...
جت فؤادة بالتمرد
على كل خوف
فتحت هويس
شربوا م الحرية صرخوا
قالو باطل
قالو خوف تانى مفيش
قالو دى الحرية حلوة
ومفيش تانى سكوت
الدهاشنه
بلدى اللى فاقت
ولايمكن ابدا تموت
الدهاشنة (2)
وبعد عتريس والحكاية
وبعد فؤادة والهويس
والمية عادت تغيث
وبعد محمود العريس
كان دمه شرارة البدايه
قاموا قالوا بعلو صوتهم
أااااايوه باااااطل
قادوا نار تمحى ليلهم
وكفاية كل اللى حاصل
بس ياخسارة اللى قاموا
الدهاشنة بعد فوقه
رجعوا نااااااااااموا
وشافوا فى نومهم كابوس
عتريس معاود والعصابة
يجبى بالظلم الفلوس
يحرق الزرع الخضار
يطعم السم الغموس
واللى ينطق أو يحاول
ينفرم بين التروس
يبقى خاين أوجاسوس
الدهاشنة
رجعواتانى عاشوا خوفهم
فى الحقيقة مش كابوس
ظلم السنين صورخيالهم انه علم
ماتعلموش م الدروس
كلمة شجاعة عندهم
خلى منها القاموس
الدهاشنة ...
*********************
[/b]
