من ديوان (همسات )
أغنية
يادمعة عين يا حيرانة
=======
يادمعة عينى يا حيرانة
مابين أنة وتنهيدة
وبين روحى إللى تعبانة
وقصة جرحها جديدة
ونار الشوق بتكوينى
وسحابة مظللة سنينى
لا أنا قادر على الفرقة
ولا قربه بيكفينى
يا دمعة عينى يا حيرانة
ما بين أنة وتنهيدة
حبيب القلب قصاد عينى
وسامع شكوتى منه
وحاسس بإللى فى قلبى
وراضى بألمى إكمنه
عايش فى الغرام سواح
وقلبه فى السما طاير
لا داق مرة مرار الشوق
ولافكره كان فى يوم حاير
وأنا حبه ملك قلبى
وسهرنى وبكانى
وأقول أصبر على ظلمه
دا قلبى ملوش حبيب تانى
يا دمعة عينى يا حيرانة
مابين أنة وتنهيدة
وبين روحى إللى تعبانة
وقصة جرحها جديدة
أغنية
يادمعة عين يا حيرانة
=======
يادمعة عينى يا حيرانة
مابين أنة وتنهيدة
وبين روحى إللى تعبانة
وقصة جرحها جديدة
ونار الشوق بتكوينى
وسحابة مظللة سنينى
لا أنا قادر على الفرقة
ولا قربه بيكفينى
يا دمعة عينى يا حيرانة
ما بين أنة وتنهيدة
حبيب القلب قصاد عينى
وسامع شكوتى منه
وحاسس بإللى فى قلبى
وراضى بألمى إكمنه
عايش فى الغرام سواح
وقلبه فى السما طاير
لا داق مرة مرار الشوق
ولافكره كان فى يوم حاير
وأنا حبه ملك قلبى
وسهرنى وبكانى
وأقول أصبر على ظلمه
دا قلبى ملوش حبيب تانى
يا دمعة عينى يا حيرانة
مابين أنة وتنهيدة
وبين روحى إللى تعبانة
وقصة جرحها جديدة