الرئيسية
ديوان (بدون تصريح)
للشاعرة
مها فتحي احمد إبراهيم
شاعرة عامية من الاسكندرية
اشتركت مع بعض الشعراء المصرين والعرب في طباعة اكثر من ديوان و ديوان خاص بها اسمه (عديت على بابك) منذ عامين
عضوة في رابطة الزجالين وكتاب الأغاني
عضوة في قصر ثقافة مصطفى كامل
عضوة في النادي المصري السكندري
عضوة في منتدى أصالة للأدب والشعر
(1)
أنا أتغيرت
=====
براحتك خالص و ع الأخر
إياك تكون في يوم فاكر
بعادك ليا هيأثر
ومستنظر
تزود تاني ف جروحي
يطول بوحي ولا يهمك
فاكرني من الأساس
منظر
بقول أنسى
دي كانت طيبة
مجنونة بحب كبير
قدمت روحي أنا هدية
ملفوفة بحب كبر فيا
ومكسية بسهر الليل
مانش معمية م الحرمان
أفتكر كدة من زمان
قلبي ليك ستر و أمان
ومكنش عليل
مابقولش خلاص أنا أدمرت
ده أنا اتغيرت
خنقت بأيدي ضحك الورد
وكان حبك ماضيلي الوعد
واستكبر
واستخسر يمد الإيد
سندت بأيدي انا عودي
عشان في يوم يستوى
يكون أقوى
وأخدت عهد أنا وروحي
مفيش ولا قلب هيقرب
خلاص مني
أكمن الروح بقت كاره
وماهش فارقة
تكون قريب او بعيد عني
ما أنا اتغيرت
مها فتحي احمد
=======================================
|(2)
قولي ليه
======
قولي ليه
بحس بغربه وأنت بعيد
وكأني طفل ف ليلة عيد
محتاج يحس بفرحتها
قولي ليه
قلبك لما بيوحشني
بتوه في دنيا مش ليا
وأحس بحزن جه فيا
إداري دمعتي ديا
أخاف لروحك تلمحها
أو قلبك مرة يسمعها
تحس مين اللى جارحها
طب قولي ليه
شفايف الورد المبتسمة
محتاجة ميت مليون نسمة
عشان تنور فرحتها
ماهو بعدك غير ضحكتها
ضاعت ملامحها ودنيتها
بصراحة
أنا قلبي ف بعدك صبم مجنون
بيدور
ف كل مكان ف الكون
على صورة حتى تشبهلك
انا عارفة مفيش قلب حنون
يتحس غير قلبك انت
======================================
(3)
صيام الروح
=======
صيام الروح
ماهوش مسموح
يعدي ليلاتي بسهولة
وينسي نظرته الأولي
ومين قادر يمنع بوح
من التصريح
ويفضفض لقلب مريح
من غير فرح يبل الريق
ماهو عمر غريق
محتاج بس طاقة نور
وفكر يدور برا الشق
مين قال آه ومين قال لا
ومين فاهم معني الحق
أوعة تقول العيب ع الدنيا
العيب فينا وف احوالنا
ليه ف لحظة اتغير حالنا
وعقلنا فينا بيفهمنا
ليه الفكر بيحيرنا ويغيرنا
ويبدلنا بناس تايهين
احصد كل بذور الفرح
وشوف بعينيك معنى الطرح
هتلاقي روحنا في عز جروحنا
صابرة وعايشة مع الفايزين
=====================================
(4)
إيه السبب
======
ممكن تقول ايه السبب
خليني أفوق
من غربة صعبة ومن فراق
يمكن أروء
واصحى على صوت الأذان
قبل الشروق
وبلاش حبيبي التمتمه
شوف كام سنة
وقلبي حزين
كان عايش جوا دنيته
بشوق مستكين
راضي بنصيبه وقسمته
بحبة حنين
كان نفسه بس أنه يعيش
مع نسمة نور مايسويش
قافل بيبان القلب بالف شيش
طب ليه حبيبي ماسبتنيش
أعيش حياتي بدون أمل
إيه العمل؟ و انت السبب
خلتني احلم
اني ف قلبك و ده مكاني
عشمت روحي بالحياه
و حليت زماني
ليه سبتني بين القلوب
أغرق في بعدك
لسه يادوب بدوء معاك حضن الأمان
دلوقتي ليه هجرتني
و سمعتني ده كان زمان
ياقلب مخلوق من جفا
فين الوفا
كفاية تمثيل وحكايات
متفبركة
وقصص حنان من اللي
كان متحبكة
ماهي كات رواية من ورق
وانت البطل
من بعد دوري ما أتحرق
ده اللي حصل
غرقت ف دموع المطر
والأيدين متكتفة
========================================
(5)
غصب عني
=======
غصب عني
قلبي خاني وأشتكى
فبلاش تلومني
ع الحنين اللي بكا
أحلامه كانت مغرمه
طاير جناحها ف السما
فا ربما
تلمح نجومها الفرحانين
رغم أشتياقي ولهفتي
وحب السنين
مشتاقة لفرحة دايبة ف نظرتين
نظرة أمل بين القلوب
بس يادوب
تشقشق الفجر الجديد
يطرح صباح جوا البراح
يعذر حنيني المستباح
بضمه من نبضه الوليد
نورلي جوا دنيتك
لحظة لقى
كل نجوم القلب ليك متشوقة
تعوضك عن اللي فات
يافرح العمر كله هات
أجمل ليالي دنيتي
محتاج قلبك من سكات
يعيش جوا جنيتي
مها فتحي احمد
=======================================
(6)
انا عايزة فانوس
=========
يجي ويدوس
ع الحزن الساكن جوانا
بيشع ف نور ٠٠٠ داير مايدور
يداوي الجرح اللي ملانا
يارب الكون غفرانك
ده صلاتي ليلاتي علشانك
وبأزيد ف صلاتي على نبينا
بأتمنى يارب تنجينا
ونحقق أجمل امانينا
تعود لنا أيامنا الحلوة
تبعد وتغور عنا الغمة
علشان ترجع تاني اللمة
نبكي وقلوبنا مشتاقة
لصلاتنا في شهرك نتلاقى
و ده شهر كريم بنستناه
م العام للعام نفرح وياه
جمعنا يارب ف صلاته
وأهدينا بصومه وزكاته
ندعي دايما ف سجودنا
يارب أتقبل صلاوتنا
ونعود من تاني لحياتنا
تحلى وتروء بقى ليالينا
اهالينا وأحبابنا حوالينا
أنا عايزة فانوس
مها فتحي احمد
========================================
(7)
مش انا
=====
أعتبرني مش هنا
أعتبرني مش انا
والحياة اللي جمعت
مرة بينا
متفننه في السكات
أعتبرني جرح مات
وافتكرلي لحظة حلوة
من حنين الذكريات
وآياك تقول
ده حب عدى
وندمت فيه
ع اللي فات
والروح حياة
بتنادينا
ماهش فتات
أنسى مرة أي خوف
افتكر بس الحروف
اللي شهدت يوم علينا
وبإيدينا
اتمحت كل الأهات
ليه الحياة متلغبطة
ومتشعبطة بحبة حاجات
والسكات جوايا دايب
و اللي غايب
قلب كان موجود هنا
أعتبرني مش انا
مها
========================================
(
غيطان القلب
=======
الورد الطارح فوق روحي
محتاج المية الفرحانة
مش دمعة تقتل ف جروحي
وتموت روحه العطشانة
دي غيطان القلب اللي المتشافة
مشتاقة محبة لزراعتها
مش غش و قلوب خوافة
تهدم فرحتها اللي ف بيتها
يا نفوس ليه بتقلي راحتها
مستكترة ليه حبة مية
طب ليه عيونكم غرزه حيطتها
وانا زارعة الحنة بايديا
مها
====================================
(9)
قلبي مش حجر
.........................
أنا قلبي ليك زي الملاك
أطهر وأنقى م البشر
قلب كان نجم ف سماك
عمره ماكان ف يوم حجر
ده قلب طفل و كان بريء
ابدا ماكان. ف يوم جريء
كانلي حبيب كانلي صديق
دايما معاك وقت الزعل
دنا قلبي عمره ما كان حجر
علمني قلبك السهر
ألمس بإيديا النجوم
يجي يحضني القمر
يصحي قلبي من أحلى نوم
ده اكيد هيجمعنا القدر
م انا حبي ليك زي الملاك
ابدا م كان ف يوم هلاك
ابدا م كان زي البشر
مها
===================================
(10)
روح
====
انا روح عايشة بطعم سكات
بتنام وتبات على حلم غريب
مستنى يفوز بورق يناصيب
والجايزة اكيد مش للمحتاح
وجراب الخوف محتاج لعلاج
الروح مشتاقة لنبض لحياه
مش قصر وعاج
ترطب شوق على ملامحها
محتاج لنسمة تفرحها
فتات الفرح ليه دايما
كده مش حر
عمال يقسم ف جروحنا ويرش المر
وعيون القلب بتشوف العتمة وبس
طب ليه النجم بيحير قلوب بتحس
مها فتحي احمد
=================================
(11)
مش هسامحك
========
مش هسامحك
يالي قلبي بينسى جرحك
مش هسامحك
بعد روحي ماجت تصارحك
مش هسامحك
والحنين اللي ف جروحي
جاب معاه في الدنيا فرحك
مش هسامحك
مستحيل حبي يكون نزوة
و تسالي
حبي ليك ف الدنيا عزوة
وشئ خيالي
أسأل القلب اللي شاهد
يوم علينا
والفرح اللي حس في يومها بينا
واللي حس بفرحته لمسة ايدينا
اسأل المطر اللي نازل من عينينا
والاذان اللي صحى الفجر فينا
اسأل الروح اللي عشقت
واللي شافت بكره فينا
مش هسامحك
مها فتحي احمد
=================================
(12)
حبات الندم
=========
جمع حبات الندم
جوا الحنين
خلي بوحك جوا منك
مستكين
وإياك تبوح للجروح
بالانهزام
خليك همام
دوس على جدر الهوى
خليه يموت
واقطف بايدك الوجع
وقت السكوت
ضم روحك جوا منك
ما نتش وحيد
خلي أحلامك في حضنك
وانسى نفسك جوا نفسك
وكون عنيد
ابعد كمان عن اي روح
محتاجة بوح
وإياك تجرب الحنين
بلاها نوح
لأحسن في يوم
حضن الحياة يملاك
جروح
مها فتحي
============================
(13)
ادمنتك
====
حبيبي قالي ادمنتك
شوفيلي حل
وبين ردي انا وصدي
عمري ما مل
وبيقولي
نفسي كمان قلبي يفوق
رماني الشوق
مابين روحك وبين قلبك
انا عارف
مانش شايف
ونفسي أروء
وبحاول ابعد عن روحك
مانش قادر
وكل ما قلبي يطاوعني
بلقاه يغادر
عايز يمشي ويسبني
ويعيش وياكي
حاولت يجي مليون
مرة
عشان انساكي
بحس روحي ماهش فيا
وبتجري وراكي
وكل نبض مش ليا عايش وياكي
مها فتحي احمد
================================
(14)
محبتنيش
======
م انا عارفة
كذبت عليا وانا صدقت
وروحي من الحياة غارفة
شوق العمر لما غرقت
بحور ندمي ماليها الخوف
ومن قلبي اللي كان ملهوف
و اتمني ف لحظة يشوف
انه يعيش ٠٠ مصدقنيش
وضاع الحلم
وإيه هايهم
صورة واضحة م الاول
قلوب ف ثانية بتتحول
كما التعابين
بتغزل من شباكها سموم
وتظلم في قلوب مساكين
ترمي حبالها فتلاقي
نبض حزين
مها فتحي احمد
==============================
(15)
ليه بشوفك
=======
ليه بشوفك نبض حاوي
صوتك المليان غناوي
يتقلب فجأة لجروح
ليه بتجرح قلب ملكك
غصب عنك
جي تزرع نبض بوح
لمستك تطرح غناوى
للي غاوي
تنتهى بيها الجروح
وان بعدت تكون نهايتك
إيه حكايتك
انت ساكت
بس فاضحك نبض قلبك
والسكات عمال يحابي
يجي يحضن مرة بابي
وأما حس بإنه روحي
مد ايده ف روح جرابي
نفسه تنطق روحي مرة
بس لا .... ولا اقولك
هي حره
مها فتحي احمد
====================================
(16)
بدون تصريح
========
برغم جرحك الآسي
وطعنك لنبض احساسي
برغم القسوة والتجريح
بقدم روحي للهجرة
بدون تصريح
وأوراق الفراق جاهزة
لا هي راضيه ولا عايزه
تفوز بجايزة الترحال
وانا اللي قلت قال دا محال
تسيب الدنيا ما تسيبني
اتاري كله ده اوهام
وباكدبك تعاتبني
ده انا مشتاقة يجي اليوم
تحاسبني على الغربة
دي روحي من فضا روحي
بتعشق روحك الصعبة
ورغم ما فيا من اوجاع
قلبي شاريك وعمره ماباع
اتاري قلبك الخداع
راسم لك صوره المظلوم
في برواز له اطار محروم
يعدي اليوم ورا التاني
احس بروحي حضناني
عشان انسى
عمايل قلبك القاسية
وامحي اللي كان مكتوب
في كراس الأمل بنا
وسيب حرفين
يحكوا عن مشاعرنا
مها فتحي احمد
=================================
(17)
انا شايفه
======
انا شايفه عمر
منقوع يومياتي ف الآلم
احلامه باشت جوا جوفه
م العدم
من كتر خوفه
ماسك في إيده
١٠٠ حجاب
لا حسن يشوفه
أو يلمحه
سنين عذاب
والف باب متكتفين
في جدار المحتمل
امتى نهار التعبانين
الفرح جواه يكتمل
مها
========================================
(18)
إيه أزمتك
=======
يالي انت راضي بدنيتك
إيه أزمتك
ضفر مشاعر غربتك
بشريط طويل
سيبة يهفهف ع الأكتاف
مانتش أسير
معقول تخاف من روح
غالبها السكون
قرب ومد محبتك
خليك حنون
ياعاشق الليل والسهر
عشقك جنون
امنع عيونك من القمر
والانجذاب
لأحسن يشدك سيل مطر
لسنين عذاب
تندم على نبض اللي راح
في الانسحاب
مها فتحي
=================================
(19)
جاري البحث
=======
جاري البحث
عن روح قابله للتحديث
روح الطيبة ملكاها
روح حياتها نسياها بشكل كبير
وبدون تفسير
بتتغير ملامحها
لحد حاسس بوجعها
ولا يوم بيلمحها
جناح الليل مغطيها
بيحميها من غيوم الناس
عشان ما في يوم تتأثر
ولا جروحها يوم تنداس
بتتمنى نهار أخضر
بدون حراس
مها فتحي احمد
===================================
(20)
واحشتيني
=========
يا غايبة يا امي عن عيني
واحشتيني
و في القلب اكيد عايشة
وروحي بعدك بقت هاشه
محتاجة حضنك الدافي
وضمة قلبك الصافي
ده هم الدنيا على كتافي
من بعدك
وفي بعدك انا بآسي
من الاحزان
لاعارفه اعيش زي
زمان في وجودك
ولا لاقية لروحي مكان
يعوض قلبي عن الحرمان
محتاجة اضمك انا لسه
اكيد ياروحي اكيد حاسة
بكل مافيا من اوجاع
تعالي طبطبي عليا
دي لمسة إيدك حنية
بتلملم مني اللي ضاع
الدنيا خلاص ماهش هيا
بخاف من دمعتي ديا
قلبك يحسها فيا
يحاول ليلي يداريها
ونجومه تهديها
ما انا وانتي اكيد واحد
ويشهد ربي الواحد
انا في بعدك بقيت ازاي
قلبي ليكي مش ليا
وعمره ف يوم ما ينساكي
و بدعيلك ليلاتي ياامي
في صلاتي
تكون الجنة مأواكي
واحشتيني يانور عيني
بقلم مها فتحي احمد
=============================
(21)
همسة مها
=====
جربت
=====
جربت تفوق على دمعة شوق
جرح بينهش ف قلب حزين
او تسمع مرة جدار الروح
عمال بينوح مشتاق لحنين
طب جرب مرة
تحس في يوم بالبني أدمين
جربت
====
جربت في مرة
تحضن روحك
من كتر الخوف
وتلملم فيها
كل جوارحك
حتى الشوف
طب جرب مرة تحس
بالجرح المكسوف
جربت
جربت تكون برواز
ع الحيط
وبدم الاه ترسم شخابيط
طب حس بروح
مليانه جروح
وان هربت منك
يبقى انت عبيط
======================================
(22)
بخاف
======
بخاف اني اتوه مني
وملقانيش
وانام احلم واحس
بروح مبتعشنيش
صعب اعيش
بروح رافضاني من جوه
مفيش قوة
تلملم فرحتى تانى
تنور سكة عيزاني
مفيش تاني لروحي بديل
==================
(23)
نفسي أكتبلك
=======
نفسي أكتبلك
بس اوصفلك
حالي ف بعدك
هيبقه ازاي
بس انا خايفة
ان حروفي
تكون مش شايفة
غير دموع الجرح الجاي
واسمع صوت الأه بتنادي
ده لسة ميعادي
استنى شوية بس عليا
سبيلي الفرح يحوم حواليا
أصل حبيبي عاهدني خلاص
هيعش عمره ع الاخلاص
وعمر الحزن مايقرب ليا
و يغزل حضنه بأحلى هدية
ولما عينية تيجي ف عنيا
هيبان اني أعلى الناس
نفسي اكتبلك
===================================
(24)
اعترف
=====
أعترف أنك نسيت
اعترف أنك جانيت
على حلم عاشق
قلبنا
اعترف أنك ظلمت
قلب كان موجود هنا
ولما داب ف حبنا
قلت مش مقسوم لينا
تاهت الفرحة بإيدينا
إياك تقول احنا إتعافينا
على فرحة باعتها القدر
والمنتظر
انك تعشش ف القلوب
فرحة يادوب
فاردة إيديها بالأمل
فوق المكان والمحتمل
نادي الصباح على حلم
مكسور الجناح
عشان ينور سكته
يضم فيه محبته
يساعي الكون والبشر
ده حلم معجون بالحياة
دايس على كل آه
يبدر الأمل ف سكة براح
==================================
عنوان الكتاب : بدون تصريح
النوع : شعر عامية
الكاتب : مها فتحى أحمد إبراخهيم
اسم الشهرة : مها أحمد
الطبعة : الاولي
رقم الايداع : 15/2020
منتدى جمعية إبداع الثقافية
للشاعرة
مها فتحي احمد إبراهيم
شاعرة عامية من الاسكندرية
اشتركت مع بعض الشعراء المصرين والعرب في طباعة اكثر من ديوان و ديوان خاص بها اسمه (عديت على بابك) منذ عامين
عضوة في رابطة الزجالين وكتاب الأغاني
عضوة في قصر ثقافة مصطفى كامل
عضوة في النادي المصري السكندري
عضوة في منتدى أصالة للأدب والشعر
(1)
أنا أتغيرت
=====
براحتك خالص و ع الأخر
إياك تكون في يوم فاكر
بعادك ليا هيأثر
ومستنظر
تزود تاني ف جروحي
يطول بوحي ولا يهمك
فاكرني من الأساس
منظر
بقول أنسى
دي كانت طيبة
مجنونة بحب كبير
قدمت روحي أنا هدية
ملفوفة بحب كبر فيا
ومكسية بسهر الليل
مانش معمية م الحرمان
أفتكر كدة من زمان
قلبي ليك ستر و أمان
ومكنش عليل
مابقولش خلاص أنا أدمرت
ده أنا اتغيرت
خنقت بأيدي ضحك الورد
وكان حبك ماضيلي الوعد
واستكبر
واستخسر يمد الإيد
سندت بأيدي انا عودي
عشان في يوم يستوى
يكون أقوى
وأخدت عهد أنا وروحي
مفيش ولا قلب هيقرب
خلاص مني
أكمن الروح بقت كاره
وماهش فارقة
تكون قريب او بعيد عني
ما أنا اتغيرت
مها فتحي احمد
=======================================
|(2)
قولي ليه
======
قولي ليه
بحس بغربه وأنت بعيد
وكأني طفل ف ليلة عيد
محتاج يحس بفرحتها
قولي ليه
قلبك لما بيوحشني
بتوه في دنيا مش ليا
وأحس بحزن جه فيا
إداري دمعتي ديا
أخاف لروحك تلمحها
أو قلبك مرة يسمعها
تحس مين اللى جارحها
طب قولي ليه
شفايف الورد المبتسمة
محتاجة ميت مليون نسمة
عشان تنور فرحتها
ماهو بعدك غير ضحكتها
ضاعت ملامحها ودنيتها
بصراحة
أنا قلبي ف بعدك صبم مجنون
بيدور
ف كل مكان ف الكون
على صورة حتى تشبهلك
انا عارفة مفيش قلب حنون
يتحس غير قلبك انت
======================================
(3)
صيام الروح
=======
صيام الروح
ماهوش مسموح
يعدي ليلاتي بسهولة
وينسي نظرته الأولي
ومين قادر يمنع بوح
من التصريح
ويفضفض لقلب مريح
من غير فرح يبل الريق
ماهو عمر غريق
محتاج بس طاقة نور
وفكر يدور برا الشق
مين قال آه ومين قال لا
ومين فاهم معني الحق
أوعة تقول العيب ع الدنيا
العيب فينا وف احوالنا
ليه ف لحظة اتغير حالنا
وعقلنا فينا بيفهمنا
ليه الفكر بيحيرنا ويغيرنا
ويبدلنا بناس تايهين
احصد كل بذور الفرح
وشوف بعينيك معنى الطرح
هتلاقي روحنا في عز جروحنا
صابرة وعايشة مع الفايزين
=====================================
(4)
إيه السبب
======
ممكن تقول ايه السبب
خليني أفوق
من غربة صعبة ومن فراق
يمكن أروء
واصحى على صوت الأذان
قبل الشروق
وبلاش حبيبي التمتمه
شوف كام سنة
وقلبي حزين
كان عايش جوا دنيته
بشوق مستكين
راضي بنصيبه وقسمته
بحبة حنين
كان نفسه بس أنه يعيش
مع نسمة نور مايسويش
قافل بيبان القلب بالف شيش
طب ليه حبيبي ماسبتنيش
أعيش حياتي بدون أمل
إيه العمل؟ و انت السبب
خلتني احلم
اني ف قلبك و ده مكاني
عشمت روحي بالحياه
و حليت زماني
ليه سبتني بين القلوب
أغرق في بعدك
لسه يادوب بدوء معاك حضن الأمان
دلوقتي ليه هجرتني
و سمعتني ده كان زمان
ياقلب مخلوق من جفا
فين الوفا
كفاية تمثيل وحكايات
متفبركة
وقصص حنان من اللي
كان متحبكة
ماهي كات رواية من ورق
وانت البطل
من بعد دوري ما أتحرق
ده اللي حصل
غرقت ف دموع المطر
والأيدين متكتفة
========================================
(5)
غصب عني
=======
غصب عني
قلبي خاني وأشتكى
فبلاش تلومني
ع الحنين اللي بكا
أحلامه كانت مغرمه
طاير جناحها ف السما
فا ربما
تلمح نجومها الفرحانين
رغم أشتياقي ولهفتي
وحب السنين
مشتاقة لفرحة دايبة ف نظرتين
نظرة أمل بين القلوب
بس يادوب
تشقشق الفجر الجديد
يطرح صباح جوا البراح
يعذر حنيني المستباح
بضمه من نبضه الوليد
نورلي جوا دنيتك
لحظة لقى
كل نجوم القلب ليك متشوقة
تعوضك عن اللي فات
يافرح العمر كله هات
أجمل ليالي دنيتي
محتاج قلبك من سكات
يعيش جوا جنيتي
مها فتحي احمد
=======================================
(6)
انا عايزة فانوس
=========
يجي ويدوس
ع الحزن الساكن جوانا
بيشع ف نور ٠٠٠ داير مايدور
يداوي الجرح اللي ملانا
يارب الكون غفرانك
ده صلاتي ليلاتي علشانك
وبأزيد ف صلاتي على نبينا
بأتمنى يارب تنجينا
ونحقق أجمل امانينا
تعود لنا أيامنا الحلوة
تبعد وتغور عنا الغمة
علشان ترجع تاني اللمة
نبكي وقلوبنا مشتاقة
لصلاتنا في شهرك نتلاقى
و ده شهر كريم بنستناه
م العام للعام نفرح وياه
جمعنا يارب ف صلاته
وأهدينا بصومه وزكاته
ندعي دايما ف سجودنا
يارب أتقبل صلاوتنا
ونعود من تاني لحياتنا
تحلى وتروء بقى ليالينا
اهالينا وأحبابنا حوالينا
أنا عايزة فانوس
مها فتحي احمد
========================================
(7)
مش انا
=====
أعتبرني مش هنا
أعتبرني مش انا
والحياة اللي جمعت
مرة بينا
متفننه في السكات
أعتبرني جرح مات
وافتكرلي لحظة حلوة
من حنين الذكريات
وآياك تقول
ده حب عدى
وندمت فيه
ع اللي فات
والروح حياة
بتنادينا
ماهش فتات
أنسى مرة أي خوف
افتكر بس الحروف
اللي شهدت يوم علينا
وبإيدينا
اتمحت كل الأهات
ليه الحياة متلغبطة
ومتشعبطة بحبة حاجات
والسكات جوايا دايب
و اللي غايب
قلب كان موجود هنا
أعتبرني مش انا
مها
========================================
(
غيطان القلب
=======
الورد الطارح فوق روحي
محتاج المية الفرحانة
مش دمعة تقتل ف جروحي
وتموت روحه العطشانة
دي غيطان القلب اللي المتشافة
مشتاقة محبة لزراعتها
مش غش و قلوب خوافة
تهدم فرحتها اللي ف بيتها
يا نفوس ليه بتقلي راحتها
مستكترة ليه حبة مية
طب ليه عيونكم غرزه حيطتها
وانا زارعة الحنة بايديا
مها
====================================
(9)
قلبي مش حجر
.........................
أنا قلبي ليك زي الملاك
أطهر وأنقى م البشر
قلب كان نجم ف سماك
عمره ماكان ف يوم حجر
ده قلب طفل و كان بريء
ابدا ماكان. ف يوم جريء
كانلي حبيب كانلي صديق
دايما معاك وقت الزعل
دنا قلبي عمره ما كان حجر
علمني قلبك السهر
ألمس بإيديا النجوم
يجي يحضني القمر
يصحي قلبي من أحلى نوم
ده اكيد هيجمعنا القدر
م انا حبي ليك زي الملاك
ابدا م كان ف يوم هلاك
ابدا م كان زي البشر
مها
===================================
(10)
روح
====
انا روح عايشة بطعم سكات
بتنام وتبات على حلم غريب
مستنى يفوز بورق يناصيب
والجايزة اكيد مش للمحتاح
وجراب الخوف محتاج لعلاج
الروح مشتاقة لنبض لحياه
مش قصر وعاج
ترطب شوق على ملامحها
محتاج لنسمة تفرحها
فتات الفرح ليه دايما
كده مش حر
عمال يقسم ف جروحنا ويرش المر
وعيون القلب بتشوف العتمة وبس
طب ليه النجم بيحير قلوب بتحس
مها فتحي احمد
=================================
(11)
مش هسامحك
========
مش هسامحك
يالي قلبي بينسى جرحك
مش هسامحك
بعد روحي ماجت تصارحك
مش هسامحك
والحنين اللي ف جروحي
جاب معاه في الدنيا فرحك
مش هسامحك
مستحيل حبي يكون نزوة
و تسالي
حبي ليك ف الدنيا عزوة
وشئ خيالي
أسأل القلب اللي شاهد
يوم علينا
والفرح اللي حس في يومها بينا
واللي حس بفرحته لمسة ايدينا
اسأل المطر اللي نازل من عينينا
والاذان اللي صحى الفجر فينا
اسأل الروح اللي عشقت
واللي شافت بكره فينا
مش هسامحك
مها فتحي احمد
=================================
(12)
حبات الندم
=========
جمع حبات الندم
جوا الحنين
خلي بوحك جوا منك
مستكين
وإياك تبوح للجروح
بالانهزام
خليك همام
دوس على جدر الهوى
خليه يموت
واقطف بايدك الوجع
وقت السكوت
ضم روحك جوا منك
ما نتش وحيد
خلي أحلامك في حضنك
وانسى نفسك جوا نفسك
وكون عنيد
ابعد كمان عن اي روح
محتاجة بوح
وإياك تجرب الحنين
بلاها نوح
لأحسن في يوم
حضن الحياة يملاك
جروح
مها فتحي
============================
(13)
ادمنتك
====
حبيبي قالي ادمنتك
شوفيلي حل
وبين ردي انا وصدي
عمري ما مل
وبيقولي
نفسي كمان قلبي يفوق
رماني الشوق
مابين روحك وبين قلبك
انا عارف
مانش شايف
ونفسي أروء
وبحاول ابعد عن روحك
مانش قادر
وكل ما قلبي يطاوعني
بلقاه يغادر
عايز يمشي ويسبني
ويعيش وياكي
حاولت يجي مليون
مرة
عشان انساكي
بحس روحي ماهش فيا
وبتجري وراكي
وكل نبض مش ليا عايش وياكي
مها فتحي احمد
================================
(14)
محبتنيش
======
م انا عارفة
كذبت عليا وانا صدقت
وروحي من الحياة غارفة
شوق العمر لما غرقت
بحور ندمي ماليها الخوف
ومن قلبي اللي كان ملهوف
و اتمني ف لحظة يشوف
انه يعيش ٠٠ مصدقنيش
وضاع الحلم
وإيه هايهم
صورة واضحة م الاول
قلوب ف ثانية بتتحول
كما التعابين
بتغزل من شباكها سموم
وتظلم في قلوب مساكين
ترمي حبالها فتلاقي
نبض حزين
مها فتحي احمد
==============================
(15)
ليه بشوفك
=======
ليه بشوفك نبض حاوي
صوتك المليان غناوي
يتقلب فجأة لجروح
ليه بتجرح قلب ملكك
غصب عنك
جي تزرع نبض بوح
لمستك تطرح غناوى
للي غاوي
تنتهى بيها الجروح
وان بعدت تكون نهايتك
إيه حكايتك
انت ساكت
بس فاضحك نبض قلبك
والسكات عمال يحابي
يجي يحضن مرة بابي
وأما حس بإنه روحي
مد ايده ف روح جرابي
نفسه تنطق روحي مرة
بس لا .... ولا اقولك
هي حره
مها فتحي احمد
====================================
(16)
بدون تصريح
========
برغم جرحك الآسي
وطعنك لنبض احساسي
برغم القسوة والتجريح
بقدم روحي للهجرة
بدون تصريح
وأوراق الفراق جاهزة
لا هي راضيه ولا عايزه
تفوز بجايزة الترحال
وانا اللي قلت قال دا محال
تسيب الدنيا ما تسيبني
اتاري كله ده اوهام
وباكدبك تعاتبني
ده انا مشتاقة يجي اليوم
تحاسبني على الغربة
دي روحي من فضا روحي
بتعشق روحك الصعبة
ورغم ما فيا من اوجاع
قلبي شاريك وعمره ماباع
اتاري قلبك الخداع
راسم لك صوره المظلوم
في برواز له اطار محروم
يعدي اليوم ورا التاني
احس بروحي حضناني
عشان انسى
عمايل قلبك القاسية
وامحي اللي كان مكتوب
في كراس الأمل بنا
وسيب حرفين
يحكوا عن مشاعرنا
مها فتحي احمد
=================================
(17)
انا شايفه
======
انا شايفه عمر
منقوع يومياتي ف الآلم
احلامه باشت جوا جوفه
م العدم
من كتر خوفه
ماسك في إيده
١٠٠ حجاب
لا حسن يشوفه
أو يلمحه
سنين عذاب
والف باب متكتفين
في جدار المحتمل
امتى نهار التعبانين
الفرح جواه يكتمل
مها
========================================
(18)
إيه أزمتك
=======
يالي انت راضي بدنيتك
إيه أزمتك
ضفر مشاعر غربتك
بشريط طويل
سيبة يهفهف ع الأكتاف
مانتش أسير
معقول تخاف من روح
غالبها السكون
قرب ومد محبتك
خليك حنون
ياعاشق الليل والسهر
عشقك جنون
امنع عيونك من القمر
والانجذاب
لأحسن يشدك سيل مطر
لسنين عذاب
تندم على نبض اللي راح
في الانسحاب
مها فتحي
=================================
(19)
جاري البحث
=======
جاري البحث
عن روح قابله للتحديث
روح الطيبة ملكاها
روح حياتها نسياها بشكل كبير
وبدون تفسير
بتتغير ملامحها
لحد حاسس بوجعها
ولا يوم بيلمحها
جناح الليل مغطيها
بيحميها من غيوم الناس
عشان ما في يوم تتأثر
ولا جروحها يوم تنداس
بتتمنى نهار أخضر
بدون حراس
مها فتحي احمد
===================================
(20)
واحشتيني
=========
يا غايبة يا امي عن عيني
واحشتيني
و في القلب اكيد عايشة
وروحي بعدك بقت هاشه
محتاجة حضنك الدافي
وضمة قلبك الصافي
ده هم الدنيا على كتافي
من بعدك
وفي بعدك انا بآسي
من الاحزان
لاعارفه اعيش زي
زمان في وجودك
ولا لاقية لروحي مكان
يعوض قلبي عن الحرمان
محتاجة اضمك انا لسه
اكيد ياروحي اكيد حاسة
بكل مافيا من اوجاع
تعالي طبطبي عليا
دي لمسة إيدك حنية
بتلملم مني اللي ضاع
الدنيا خلاص ماهش هيا
بخاف من دمعتي ديا
قلبك يحسها فيا
يحاول ليلي يداريها
ونجومه تهديها
ما انا وانتي اكيد واحد
ويشهد ربي الواحد
انا في بعدك بقيت ازاي
قلبي ليكي مش ليا
وعمره ف يوم ما ينساكي
و بدعيلك ليلاتي ياامي
في صلاتي
تكون الجنة مأواكي
واحشتيني يانور عيني
بقلم مها فتحي احمد
=============================
(21)
همسة مها
=====
جربت
=====
جربت تفوق على دمعة شوق
جرح بينهش ف قلب حزين
او تسمع مرة جدار الروح
عمال بينوح مشتاق لحنين
طب جرب مرة
تحس في يوم بالبني أدمين
جربت
====
جربت في مرة
تحضن روحك
من كتر الخوف
وتلملم فيها
كل جوارحك
حتى الشوف
طب جرب مرة تحس
بالجرح المكسوف
جربت
جربت تكون برواز
ع الحيط
وبدم الاه ترسم شخابيط
طب حس بروح
مليانه جروح
وان هربت منك
يبقى انت عبيط
======================================
(22)
بخاف
======
بخاف اني اتوه مني
وملقانيش
وانام احلم واحس
بروح مبتعشنيش
صعب اعيش
بروح رافضاني من جوه
مفيش قوة
تلملم فرحتى تانى
تنور سكة عيزاني
مفيش تاني لروحي بديل
==================
(23)
نفسي أكتبلك
=======
نفسي أكتبلك
بس اوصفلك
حالي ف بعدك
هيبقه ازاي
بس انا خايفة
ان حروفي
تكون مش شايفة
غير دموع الجرح الجاي
واسمع صوت الأه بتنادي
ده لسة ميعادي
استنى شوية بس عليا
سبيلي الفرح يحوم حواليا
أصل حبيبي عاهدني خلاص
هيعش عمره ع الاخلاص
وعمر الحزن مايقرب ليا
و يغزل حضنه بأحلى هدية
ولما عينية تيجي ف عنيا
هيبان اني أعلى الناس
نفسي اكتبلك
===================================
(24)
اعترف
=====
أعترف أنك نسيت
اعترف أنك جانيت
على حلم عاشق
قلبنا
اعترف أنك ظلمت
قلب كان موجود هنا
ولما داب ف حبنا
قلت مش مقسوم لينا
تاهت الفرحة بإيدينا
إياك تقول احنا إتعافينا
على فرحة باعتها القدر
والمنتظر
انك تعشش ف القلوب
فرحة يادوب
فاردة إيديها بالأمل
فوق المكان والمحتمل
نادي الصباح على حلم
مكسور الجناح
عشان ينور سكته
يضم فيه محبته
يساعي الكون والبشر
ده حلم معجون بالحياة
دايس على كل آه
يبدر الأمل ف سكة براح
==================================
عنوان الكتاب : بدون تصريح
النوع : شعر عامية
الكاتب : مها فتحى أحمد إبراخهيم
اسم الشهرة : مها أحمد
الطبعة : الاولي
رقم الايداع : 15/2020
منتدى جمعية إبداع الثقافية
