الرئيسية
ديوان (وجع الفراق ) أشعار عامية للشاعر / محمود عبد الخالق رقم الإصدار الداخلى 2020/362 أكتوبر 2020
41520
وجع الفراق ديوان للشاعر / محمود عبد الخالق
..........ورقة طلاق............
كنت فاكِرك أجمل ........
صدفه م القَدر
وقلبي معاكي عمره
ماهينجرح ولا
هينكسر
كنت فاكرك ملاك فى
دنيا البشَر
وكل القلوب بعد
قلبك أكيد حجَر
كنت شايفك غير
كل الناس
نسمه جميله كلها
رقه وإحساس
حبيتك واخترتك
وانا كلِّى حماس
لكن اختياري كان
غلط م الأساس
الكلام الحلو طلع
كله كدب
وقلبك عمره ماعرف
يوم معنى الحب
مثلتي عليَّا الطيبه
وكان باين عليكي
الغُلب
لكن. لقيت كل الرجاله
فى نظرِك
ولاد ستين كلب
أول مره أحس إني
كنت غلط
وان الطيبه فى زماننا
هيَّا قمة العبط
لقيت اللي زيك مش
هيقدَّر
حتى لو كلت علشانه
زلط
صدقيني قلبي معاكي
كان فاكر انه هينبسط
وازاي قلبي يفرح
وانتِ بإيديكِ جرحتيه
قلبي ال ماتعودش يجرح
بإيديكي غيرتيه وحولتيه
بعد كل اللي شوفته منك
قلبي انزرع القسوه فيه
وأول ماتعلم قلبي يقسى
كان قلبك أول قلب قسيت
عليه
عارفه ليه. لإني حبيتك حب
مايتوصفش
وكنت فى نظرك عبيط وانا
ماعرفش
وياما كتبت فى حبك قصايد
وأشعار
لكن للأسف المخلص فى زماننا
بيقولوا عليه حمار
ماترجعيش فى يوم تلوميني
وتعتبي عليا بعد الفراق
نصيحه مني إبعدي وانسيني
لاينفع نكون حبايب أو حتى
أصدقاء
إحنا عارفين إن نهايتنا ورقة
طلاق
لا انا اشبهك ولا تشبهيني
حقيقي لقيتك طينه غير طيني
سبيني ف حالي وابعدي بلاحب
بلا اشتياق
ماتفكريش إني ظلمتك أنا
عمري ماظلمت حد
انا اللي زيي لما يحب
بيحب بجد
وبردو لما بيكره بيكره بجد
وساعتها سهل يبعد عن أي
حد
إسألي قلبك قلبي حبه قد إيه
الفراق إنتي ال بإيديكي كتبتيه
وقلبي بسهوله منك. ضيعتيه
جرحتي قلبي وانا ال يجرحني
ماببكيش ف يوم عليه
فماترجعيش فى يوم تلوميني
وتعتبي عليا بعد الفراق
نصيحه مني إبعدي وانسيني
لاينفع نكون حبايب أو حتى
أصدقاء...........
محمود عبدالخالق......
2.........ذكرياتك ذكرياتي.......
ذكرياتك ذكرياتي
كانت أجمل سنين حياتي
ليلاتي معايا بتونسيني
فاكرك حبيبتي مابنساكيش
وازاي اعيش ليله ف بعدك
ياحلم لسه جوايا عايش
مفيش لاقبلك ولابعدك
صدقيني غيرك مفيش
حبيتك حب مش عادي
يا أجمل ما ف الدنيا دي
بعدت عنك وفارقتك
لكن هواكِ جوايا بيعيش
عايش حياتي ع الذكري
لا عارف احب بعدك ولا اكره
شايف صورتك بس ف خيالي
وآمالي معاكي مابتنتهيش
يا أجمل صدفه م القدر
ياملاك. برئ بين البشر
نفسي لو اشوفك مره صدفه
والف مره هقولك ماتبعديش
سامحيني ماكانش بإيديا
بعادك كان على عينيا
خوفت عليك من نفسي
وخوفت الدنيا ماترحمنيش
عيوني كانت موعداكي
تعيش الحياه كلها فداكي
معاكي كانت هتحلى أيامي
لكن خوفت اوعدك ماوفيش
ماتزعليش مني في يوم
قلبي عايش بعدك مهموم
بعدك السما مليانه غيوم
والدموع جوايا مابتنتهيش
حلمنا بالفستان والطرحه
والدنيا كانت لينا جارحه
إستكترت علينا الفرحه
وجراحي لسه مابتنطفيش
هعيش حياتي أحلم بيكي
إمبارح وبكرا بردو ليكي
هتعيش معايا دايماً عينيكي
وروحي جواكي دايماً هتعيش.....
محمود عبالخالق....
3........طينه غير طيني.......
حبيتك ايوه مابنكرش
وحبك كان جوايا ماليني
لكن كرهتك وكإني ماحبتش
وكرهك كان باين ف عيني
أول مره ألاقيني بحب واكره
مع إني كان عندي أمل ف بكرا
كنت فاكر إني هانسى أي ذكرى
وهتكون أحلا معاكي سنيني
أتاريني انخدعت بسهوله
وشلت وحدي كل الحموله
مانا طول عمرى بينضحك عليا
حتى من وانا فى سنه أولى
ال فى إيدي دايماً مش ليا
وبضحى بروحي علشان غيري
كنت ناوي أشيلك جوا عينيا
لكن لقيتني لااشبهك ولاتشبهيني
مش انتي ال انا حلمت بيها
لقيتك طينه غير طيني
مش هيا دي اللي عشقتها
وافتكرتها هتكمِّل نص ديني
معقوله ال احبه يطلع كداب
معقوله الضمير ف ثانيه غاب
يعنى أحلامي كلها بقت سراب
هسيبك واوعاكي يوم تلوميني
ومش حزين علشان هسيبك
دا انا قلبي بيرقص م الفرحه
عمري ماهكون يوم حبيبك
ولا هياخدني ليكي مره حنيني
معرفتك كانت مجرد غلطه
والغلطه ماهدتنيش لكن بتقويني
صحيح ضاعت أجمل سنيني
لكن هسيبك علشان لا اشبهك
ولاتشبهيني..
هسيبك وبكرا الأيام هتعلمك
إنك فى يوم بسهوله خسرتيني
وهتعيشي طول العمر تتحسري
وهتتمني لو فى مره تشوفيني.........
محمود عبدالخالق.....
4.......البيت المهجور.......
فى زحمة الدنيا ومرارها
بندم دايماً على طيبتي
الفرحه مابلحقش اشوفها
وبرجع أجر ورايا خيبتي
ياريت الدنيا مره فهمتني
إن الطيب مالوش مكان فيها
لكن الدنيا زيهم سرقتني
وخلتني أكره كل مافيها....
ليه يادنيا بتحبي تجرحيني
وكل يوم على راسي تديني
نفسي أعرف عملت إيه انا فيكي
ونفسي لو مره واحده تجاوبيني
مش عايزك يادنيا تحبيني
ولا عايزك يوم عليا تطبطبي
عايزك بس ف حالي تسبيني
وكفايا فيا تجرحي وتعذبي
قلبي م الجرح بقى مكسور
وماتت جواه آخر طاقة نور
قلبي ال عشق زمان الحب
بقى الحب بالنسباله مجرد
كلام ف سطور....
قلبي والحب بقى بينهم ألف
سور
قلبي بقى خايف يعيش جواه
إنسان
قلبي بقى صعب يرجع تاني زي
زمان
قلبي بقى عامل زي البيت
المهجور...................
........حبيبتي طلعت مش حبيبتي.............5
أيوه ف يوم حلمت بيكي ......
وليكي فرشت الأرض ورد
كنت بعلي دايماً فيكي
نزلتيني من سابع سما لسابع
أرض
اتحملت معاكي ياما حاجات
وكنت بصبَّر دايماً ف نفسي
قولت خليني باقي ع الذكريات
لكن ذكرياتك كسرت نِفْسِي
كنت كل ليله بتأسف لروحي
وياما ندمت على طيبتي
كنت بداري جوايا جروحي
لكن كان بيبان ف عيني خيبتي
حبيبتي طلعت مش حبيبتي
وكان حبها مجرد كلام زايف
كانت عامله نفسها حبيبتي
وفكراني أعمى مش شايف
كنت خايف أقول لنفسي حتى
ف المرايا
كان صعب أقول لأي حد إيه
الحكايه
ومن جوايا كنت كل ثانيه معاها
بتهد
لدرجة إن ملامحي كان صعب
يعرفها أي حد
كل حاجه فيا كانت اتغيرت
العيون زايغه والجسم دبلان
عصفور مكسور بيداري جرحه
والدموع متداريه جوا عينيه
وديان
كنت مجرد هيكل عايش فى
صورة إنسان
الحسره جوا عيني فى الفرح
والجرح كانت بتبان
حقيقي على فراقها عمري ماكتت
ندمان
هانساها وارجع اعيش تاني زي
زمان
أكيد فى يوم هيتداوى جرحي
والفرح بكرا يطرح وثمره يبان
أنا متفاءل رغم القسى والحرمان
إن بكرا هيكون أحسن والنهارده
كأنه ماكان
وهانسى إني في يوم حلمت بيها
و ليها فرشت الأرض ورد
لكن مش هانسى إني كنت بعلِّي
فيها
ونزلتني هيا من سابع سما لسابع
أرض
محمود عبدالخالق.......
أول قصيده فى حياتي ......6
أول قصيده فى حياتي
كانت أول قصيده اكتبهالك
عايش احلم بيكي ليلاتي
وآه لو تعرفي قد إيه روحي
مشتاقه لك
ياحلمي الأول وحبى الكبير
باتمنى دايماً أشوفك بخير
لكني عايش بعدك ضرير
يا أجمل قصيده ف كتابي
إنتي الحاضر وانتي الماضي
عمري بعدك عدى ع الفاضي
لسه عايش حياتي ع الذكرى
ومش قادر بعدك أحب تاني
أوعاكِ قلبك فى يوم ينساني
أنا عارف انك حبتيني بقلبك
وانا كمان فى حبك لسه أناني
مع إن غيري خد مكاني
كان غصب عني وغصب عنك
مافكرتش ف يوم ابعد عنك
كتبت فى عينيكي أول قصيده
اتغزلت ومدحت وشكيت فيها
حالي
وكتبتلك فيها إنك كل أحلامي
كانت القصيده ف ايدي واتكسفت
أديهالك
مانا كنت لما بكلمك كتت ببقى زي
الطفل الصغير قدامك
وكلمة بحبك اتجمدت على لساني
واتكسفت بردو أقولهالك
لقيت وشي فى ثانيه زمهر وفجأه
بقى احمر
وضربات قلبي زادت وكانت كل دقه
بتقولك بحبك
وخت نفسي من قدامك وعلى شط
النيل ومشيت
كنت ساعتها ماشي وبحلم إنك تبقى
لروحي بيت
ورغم الكسوف كنت ماشي والفرحه
مش سايعاني
ورغم كتمان كلمة بحبك كان صوتك
بيرن ف وداني
حبيبتي كلمتني ووقفت معايا شوية
ثواني
كنت حاسس ساعتها إني م الفرحه
طاير وف عالم تاني
حبك كان ولسه مسيطر على كياني
وصورتك فى خيالي عايشه وبردو
مجنناني
ياحلم عشت عمري اتمناه وباتمنى
يرجعلي تاني
مش عارف اعيش ف بعدك ولا عارف
احب بعدك
بحبك......
يا أول قصيده فى حياتي
بحبك
يا أجمل قصيده في كتابي
عايش احلم بيكي ليلاتي
وآه لو تعرفي قد إيه روحي
مشتاقه لك.....
يا أول قصيده في حياتي .....
..............أمي وانا عارفها ........7
أمي وانا عارفها ........
طيبه بطبيعتها
ومهما آجي عليها
أبداً مابتزعلش
متحمله الكبير
قبل الصغير
ولو مره بالصدفه
زعلت
قلبها بيرجع يحن
أمي علمتني يعني
إيه كلمة إبن
ويعني إيه لهفه وخوف
لما تشوف إبنها فى
ضيقه
أمي من جواها طفله
صغيره طيبه وبريئه
ورغم ضعفها تشوفها
من براها تقول عليها
قويه ماتنكسرش
أمي ست ماتتوصفش
ياما اتحملت غدر الأيام
وظلم السنين
تبص في عيونها تلاقي
الفرح وبردو تلاقي الأنين
أمي بتعاني من وانا لسه
جنين
أصبري يا امه ع البلا
كله متسجل عند ربنا
ورغم عذابها ومرضها
صابره اوي وحامده ربها
أمي أكتر واحده قلبي حبها
حاسس إني ماقدرش اعيش
بعدها
بتدعيلي دايماً من قلبها
وبيبان جوا عيونها خوفها
وحبها
دايماً وافقه في ضهري
وبتحس بيا من غير ماقولها
بتشوف في عيوني فرحي
وقهري
هيا قوتي ومن غيرها ينكسر
ضهري
وجودها فى حياتي بيقويني
وكلمه منها وقت حزني بتداويني
وارجع اقف على رجلي من تاني
وبكون كاالجبل مهما الحياه تعاديني
أمي دي أجمل نعمه فى حياتي
لو بإيدي اوهبها حياتي وسنيني
فى عيدك أهديكي يا أمي تحياتي
وتعيشي العمر تاج على جبيني.........
محمود عبدالخالق.....
......جوازه طين........... 8
والنعمه كانت جوازه طين
مش فرق عمر ولافرق سنين
البت طلعت هبله وشعنونه
وامها كمان بنت مجانين
أعمل ايه ياناس قولولي
الناس دول هيجننوني
ضحكوا عليا وثبتوني
والكلام الحلو كان كتير
عملولي م البحر طحينه
نصبوا عليا ولاد اللذين
حسسوني انهم ملايكه
وطلعوا فى الآخر شياطين
أروح فين واجي منين
العيشه معاهم بقت مستحيله
عاملينلي قايمه بفلوس كتيره
وازاي اخلع والحمل كبير
فرح وكوافير وزفه
والعفش كله من دمياط
قولت هتبقى أحلى صدفه
واعوض بقى كل اللي فات
من أول ليله في فرحنا
وبعدي كل يوم فى حاجات
صابر ع القسمه وراضي
كنت فاكره طبع ستات
يوم ورا يوم مفيش تغيير
و اللي بعديه كان مستحيل
أتاري البت طلعت مجنونه
وامها كمان بنت مجانين
أروح فين واجي منين
والنعمه كانت جوازه طين
كنت فاكرهم ياناس ملايكه
أتاريهم طلعوا شياطين......
زجل....
..سـنـيـن راحـت سـنـيـن جــايـه........9
سنين راحت سنين جايه..
تعيش سنه تعيش ميه
سنين العمر معديه
لكن مخلوقه علشانك
هتاخد ايه من الدنيا
لو تشغل بيها حالك
بلاش تزعل يوم فيها
تلاقيها دايماً بتحلالك
سنين بتاخد وراها سنين
إلحق عيشلك فيها يومين
بإيديك تكون الحياه حلوه
والدنيا ترقص قدامك
هتلاقي روحك بتضحكلك
ومفيش حاجه هتعاندك
خليك عايش بس النهارده
وماتحطش بكره ف بالك
ولاتفكر ف كلام الناس
فيه ناس بغيرهم بيتسلوا
ومهما يقولوا يوم عنك
ولايهمك واسرق م الدنيا
أحلامك........
غنائي......
محمود عبدالخالق...........
..........ماتستسلمش للأحزان............ 10
قوم وماتستسلمش يوم
للأحزان
أوعاك تفكر ف ال باع ولا
ف ال خان
وخليك فاكر إن الكل وقت
الشده بيبان
قوم واوعاك يوم تخسر
الرهان.......
مفيش حد فينا خالي م
الأوجاع
مفيش حد فينا خالي م
الهموم
لكن مهما يكتر فى سكتك
الشوك
بعد كل جرح إرجع من تاني
قوم
قوم واصنع من فشلك نجاح
كفاياك تفكر بقا فى ال راح
ومهما تقول الدنيا جرحاني
هتلاقي جرحك هين جنب
ناس مليانه جراح ،
بكرا الأفراح تخبط على بابك
وهتضحكلك الدنيا من تاني
خليك فاكر بس عدوينك من
أحبابك
علشان بابك ما تفتحوش يوم
لخاين
باين لسه فى عينيك القسى
وأحزانك لسه عايشه جواك
إنشل نفسك من بير همومك
إنسى أحزانك تلاقيها تنساك
واوعاك فى يوم تاني تنكسر
خِسر اللي قال عليك مهزوم
بالإراده هترجع أقوى من زمان
وهيرجعلك نفس ذات الإنسان
عارف إنك جبل وياما اتحملت
وشلت هموم الدنيا فوق راسك
دايماًبتعافروعمرك يوم مافشلت
ومش تاعبك أكتر من أحساسك
كلام الناس خليه تحت مداسك
خت إيه انت من الكلام طول
حياتك
أحلامك حطها دايماً قدام عينيك
بإيديك والأمل هتحقق يوم ذاتك
قوم وماتستسلمش يوم ....
للأحزان
أوعاك تفكر ف ال باع ولا
ف ال خان
وخليك فاكر إن الكل وقت
الشده بيبان
قوم واوعاك يوم تخسر
الرهان............
محمود عبدالخالق
......وجع الفراق..... 11
أول ماسيبته حسيت بوجع
الفراق
مع إنه كان باين عليا إني
صلبه وقويه
لكني كنت من جوايا جدا
ضعيفه
وبجد حاجه مخيفه انك تعشقي
وف الآخر تفارقي
لكن ماكانش ينفع مع بعض تاني
نكمل
قلبي الضعيف كان مل وماكانش
قادر يتحمل
وازاي نكمل وقصة حبنا اتبنت
ع الكدب
وانا قلبي فى الحب بيحب يكون
أناني
وهوا بجهله كان على قلبي قاسي
وجاني
قتل جوايا الأحلام ودبح قدام عيني
الأماني
حبه كان مجرد أوهام كلام والسلام
قاله لمية واحده قبلي وهتسمعه مية
واحده بعدي
حقيقي القرب منه كان مرض معدي
وانا كنت فى الحب لسه صغيره
وجاهله
كان سهل ينضحك عليا بكلمة بحبك
ما نا زي أي بنت باحب اسمع كلمتين
حلوين...
مجانين ال يقولوا كل الرجاله
مخلصين
غلابه ال يفتكروا كل الرجاله طيبين
حقيقي مش كلهم ملايكه ومش كلهم
شياطين
فيهم أكيد المخلصين لكنهم في زماننا
قُليلين
معظمهم بيعشمنا بكل حاجه جميله
ويسيبونا ف الآخر مكسورين بعد
الفراق
قدر يقولها سبيني وشوفي غيري
أنا مانفعكيش
ماينفعش نكون حبايب أوحتى
أصدقاء
طيب ليه عشمتني من البدايه
وفى النهايه بتقوللي ماليش حيله ف
بعدنا
طيب راحت فين كل وعودك وراح فين
حبنا
خلاص فهمتك وحقيقتك ف عيني
بانت
هانت عليك كل السنين ال فاتت
أنا كنت ف حياتك مجرد نزوووه
كنت واحده زي أي واحده بيها
بتتسلى
شكراً على كل حاجه حلوه قدمتهالك
إستني رايح فين خد معاك كل
حاجاتك
خد صورك وحبك وقلبك وذكرياتك
ملعون أبو الحب والشوق وملعون
أبو الحنين
لو ف يوم فكر عقلي فيك أورجع
قلبي ليك تاني يدق......
إتفارقنا ومن جوايا كنت حاسه بوجع
الفراق
مع انه كان باين عليا إني صلبه وقويه
لكن كنت من جوايا جداً ضعيفه
وبجد حاجه مخيفه انك تعشقي وف
الآخر تفارقي........
وجع الفراق....
محمود عبدالخالق......
.........ذنـبــِك انـك حبـتـيـه..............12
ذنبك انك حبتيه
سبتيله قلبك وطاوعتيه
كسر قلبك وهجرِِك
بعد مالقاكي عشقتيه
مش كل جرح سهل ونقدر
ندوايه
طب ليه على قلبك آمنتيه
وليه روحك ليه سلمتيه
انجرحتي وياريتك ماحبتيه
مشكلتك انك ف الحب جاهله
وسهل انك تقعي على ملا وشك
شوفي ف حياتك كام واحد
غشك
ولسه بردو قلبك لأي حد يقولك
بحبك بتسلميه
ليه بإيديكي كام مره تكسريه
وبعد كل خيبه تحاولي تداويه
وماتلحقيش تفوقي من وجع
تدخلي على وجع تاني وتجرحيه
حقيقي عذبتيه مش أي حد يقولك
بحبك تصدقيه
الحب مش كلمه بس بتتقال
الحب إحساس واهتمام
واحتواء قبل مايكون أفعال
ميزي مين ينفع يتحب ومين
ينفع يتساب
وماتقوليش مش بإيدي والهوى
غلاب
دا حبيبي وساكن فى وريدي
وعاشقاه مهما الكل فيه عاب
شوفي آمنتي لكام واحد وظنك
فيه خاب
شوفي كام واحد حلفلك انه عايزك
وفجأه ساب
لما تحبي حبي ال يستاهلك
وتستاهليه
وساعتها اوهبيه حياتك حتى لو
الكل فيه عاب
اختاري صح ومش أي حد بكلمتين
تصدقيه
ماهو الكلام ببلاش مابيندفعش ليه
أتعاب
حافظي على روحك وقلبك صونيه
بكرا ييجي ال يحتويه مهما طوِّل
عليكي وغاب......
أوعاكي تقولي قلبي الضعيف مل
وخايفه أعيش وحدي ويفارقني
الكل
بكرا الأيام هتضحلك وتبقى دُنيتِك
فُل
عيشي والأمل ف عينيكي وبكرا
الفرح على بابك هتلاقيه
لكن اوعاكي قلبك لأي حد يقولك
بحبِك تسلميه
اختاري صح ومش أي حد بكلمتين
تصدقيه
ماهو الكلام ببلاش مابيندفعش له
أتعاب
حافظي على روحك وقلبك صونيه
شعر عاميه.....
(....الأمـَــلُ الــجــَمــيـــل......).....13
جُرِحْت ُفَلَم ْيُطبّبـنِي زَمَانِي
وُقَدْ سَـرَّ الْأَعَادِيَ مَا أُعَانِـي
رَمَتْ جَسَدِي بِخَنْجَرِهَا فَسَالَتْ
دُمُوع َالْحُزْنِ تُُبدي مَا دَهَانِـي
فَقَدْ مُزِّقْتُ بينَ حروفِ شِعري
وَنَزْفِي سَالَ تَسْبُقُهُ الْأَمَانِـي
وَمَازَالَ الْهَوَى موّالَ عمْرِي
وَقِيثاري الذي دَوْمَاً يُعَانِـي
وَكَمْ حَلِمَتْ بِهَا رُوحِي وَجَاءَت
بِلَا إِذْنٍ تُشَاطِرُنِي كَيَانـِي
وَكَمْ تَاهَتْ خَيَالَاتِي وَضَلَّتْ
فَأَرجِعُ مِنْ خَيَالٍ قَدْ غَوَانـِي
أَعُودُ فَأَزْرَعُ الْأَملَ احْتسَاباً
وقدْ ترَكَ الرُّبا خُضراً حِصاني
هَجَرْتُ أَحِبَّةً سَكَنُوا فُؤَادِي
وهذَا سهْمُ جفوتِهِم رَمَانِـي
نَعَمْ جُرْحِي تَهَاوَت ْفِيهِ رُوحِي
سَيَبْرَأُ مِنْهُ يَا قَلْبِي زَمَانِـي
بحر الوافر
محمود عبدالخالق.................
........حُـبــِّي لـَـكي إدمــان ........14
ياحُلما مازال يراودُني
وعشقاً يجري بالشريان
يا امرأةً مازالت تسكنُني
ليتني سجين وأنتِ السجان
يا امرأةً غيرت تفاصيلَ حياتي
في هواكي نضُبَتْ أقلامي
ونفذَت لديَّ جميع الكراسات
لأجلِ عينيكي كتبتُ قصائدي
لكنِّ بحور شعري عاجزةً
في وصفِ سيدةً مَلكتْ فؤادي
وعجزَتْ عنْ وصفها الكلمات
ياشمساً تُضئُ أرجاءَ حياتي
أراكي في صَحْوي وفي نومي
أراكي في كلِّ مكانٍ حولي
أراكي في الضياءِ وفي الظُلمات
فأنا مازلتُ في بحرِ عينيكِ غريقاً
ومازال قلبي في هواكي ظمآن
لاتتعجبي لِمَا كل هذا الحب
فأنتي تعلمي أن حبي لكي إدمان
أعلمُ أن بيني وبينكي ألفَ سورٍ
وبحورٍ ومئاتُ الشُطئان
لكنِّي سوفَ أحيا على أملِ اللقاء
فحبُّي لكي خالداً في أي أرضٍ
وتحتَ أي سماء.....
محمود عبدالخالق....
مصر......
شعر حر.....
.........أُمِّــــــــــــــــــــــــــي........... 15
أُمِّي زرَعتْ زرْعَه جميله
كانت اُمِّي بالنسبالها المايَّه
وكانت ليها بردو الضُليله
أمِّي بجدْ ستْ جميله
عاشِت معانا يوم بيوم
كانت هيَّا الدَّفا وقتْ الغيوم
وكانت القوه وقتْ اللزوم
أمِّي أجملْ نِعمَه ياربْ تدوم
طول عُمْرها ستْ رزينَه
كانت ومازالت بتخاف علينا
ورغم اننا كبِرنا كلِّنا وعْلينَا
لسه بردو واهبَه حياتهَا لينا
أمّي شعاع نور وأملْ
بينوَّر طريقنا ويهدينا
أمِّي أقوى من الجبلْ
وقوتهَا دايماً بتقوينَا
بوجودهَا حِلوَه حياتنا
وبيها بتحلى أوقاتنا
ماهو فرحتنَا مابتكمَلشْ
غير بيها
أمي دي ملاك الله عليهَا
بيها هنُدخُل الجنه
ماهو الجنه تحت رجْليهَا
بيها ربنا وصانَا وأمرنَا
نراضيهِا دايماً ونراعيهَا
دي ياما شالت عننا هموم
أمي أجمل نعمه يارب تدوم
وتعيش معانا سنين وسنين
واحنا خدَّامين تحت رجليهَا
محمود عبدالخالق......
22/10/2019
..........تـعــظـيــــم ســـــلام..... 16
تعظيم سلام لل كان
أد المسئوليه
تعظيم سلام لل واقف
ليل نهار نبطشيه
تعظيم سلام لكل
طبيب وممرضه
ولكل روح للعدوى
مُعرضه
تعظيم سلام لكل من
لبى الندا
طول المدى هنفتكر لكم
الجميل
ونحكي عنكم لولادنا جيل
بعد جيل
هنعيش حياتنا بيكم نفتخر
يال فى العالم كله مالكوش
مثيل
الصغير فيكم والكيير
الكل بيخدم وبضمير
بتعملوا علشاننا المستحيل
صامدين بعزيمه وإراده
قويه
إنتم مُش أقل من ال شايل
بندقيه
إنتم ولاد مصر الأبيه
مابتقبلوش أبداً هزيمه
وبتتحدوا أي ظروف
بيكم هنعدى الخطر
بالأمل أكيد هننتصر
ما انتو الأمل ومعاكم
لافيه يأس ولا فيه خوف
تعظيم سلام لكل أسره
مصريه
قدمت ولادها لبلدها
هديه
تعظيم سلام لكل شهيد
ضحى
علشان تعيش مصر عفيه
وتعظيم سلام لل كان
أد المسئوليه
تعظيم سلام لل واقف
ليل نهار نبطشيه.....
عاميه
......عـظـيـمـه يـامـصـر....... 17
هندافع كلنا علشانك
هنحمي ونصون ترابك
يامصر إنتِ اللي باقيه
وعدوك دايماً هالك
إيد واحده شعب وجيش
معاكِ يابلدي ماتخافيش
شعبك أبداً مابينحنيش
وروحه ترخص علشانك
هتبقي على طول الزمان
عظيمه يامصر مهما كان
ولوباعك فى يوم جبان
بالملايين عاشقين ترابك
هنعيش ونموت خُدامك
ولو يموت ف يوم شهيد
هيتولد مكانه مليون جديد
يحموكي لو ف يوم خسيس
خانك
هندافع كلنا علشانك
هنحمي ونصون ترابك
يامصر إنتِ اللي باقيه
وعدوك دايماً هالك
محمود عبدالخالق...................
......هُــــوَّا وهيَّـــــــا...... 18
غلطه وندمان عليها
جلطتتني الله يهديها
كل شويه هات وهات
والنكد خصله فيها ...
أعمل ايه ياناس معاها
قلبي خلاص ماعتش بيهواها
هابعد عنها مش هستناها
تخليني أمشي أكلم نفسي
هيا........
عملت إيه فيك ياعينيا
دا انت شاطر تقرف فيا
واجع راسي كل شويه
الرحمه حلوه دا انا وليه
تاعبني من أول ليله
كنت فاكره الدنيا جميله
جيت لقيتها ياحبيبي نيله
جميله دي عند امي
هوااااا.......
نفسي أعيش يوم مرتاح
قبلك كانت حياتي أفراح
زغرتي على خيبتي يانشراح
إتهببت ودبست نفسي
المدام كرهتني ف عيشتي
بعد ماكانت عامله حبيبتي
ياما نفس أرجع للعزوبيه
والفرحه تملى تاني عينيا
هيا........
دا انا كلي طيبه وحنيه
إتعدل انت ياقلبي شويه
دايماً ظالمني وجاي عليا
شكلك كدا ناوي تجنني
كلمتين خدهم ياحبيبي مني
خليك ف حالك وف حالي سيبني
قانون الأسره تملي ساندني
بلاش تعاندني وكُل عيش
هواااا.....
غلطه وندمان عليها
جلطتتني الله يهديها
كل شويه هات وهات
والنكد خصله فيها
أعمل ايه ياناس معاها
قلبي ماعتش بيهواها
وخلاص مش هستناها
تخليني أمشي أكلم نفسي
خلاص مش هستناها
تخليني أمشي أكلم نفسي.....
محمود عبدالخالق....
زجل........
.......عـمــري مـاكـنـت مـرَّه عــــويـــل......... 19
عـمــري مـاكـنـت مـرَّه عـــويــــــل
ولاهـشـوفـلـي تـانـــي كـفــيـــــــل
خــت خــلاص بـإيــــدي قـــــــرار
وراجـــع مـهـمـــا طـــال الـلــيــــل
مـا انـا مـُش هـمــوت لـوجــيــــت
ولا هـنــام فــى لـيـلــه جــعــــــان
تـعـبــت م الـغــربـــه وحـنــيـــــت
خــلاص راجــع ومـُش نـدمــــــان
سـجـن كـبـيـر مـن غـيـرســجـــان
دوقـت فـيـه طـعــم الـحـرمـــــان
ضاعـت من عـيـونـي الـفـرحـــــه
وعــمــري عــدى كـأنـــه مـاكــــان
الـرجـوع عُـمـره مـاكـان مِـحْـنــَــه
دا المـحنـه إنـي أعـيش مـوجــوع
وهـعـيـش عــمــري كـــــام مـــــرَّه
داالـغربـه مُـرَّه وفـرحـهـا مـمـنـوع
راجــع ومُـش هـتـبـكـي عـيـونـــي
راجـع لنـاس بحـبـهـم ويحـبـونــي
راجـع ولو الكل يا غربه لامـــونـي
مُش هـعـيش الـحـياه مــخـــدوع
سـنـيـن عــدِّت مـن غـيــر أمــــــل
وقـلـبـي كـان جـوايــا مـجـــــروح
الـرجــوع عـُمـره مـاكــان فــشـــل
والـسفـر عُـمـره مـاكـان طـمــــوح
يالـلـي نـاوي فـى يـوم تـسـافـــــر
عـيش فى بـلـدك وارفــع راســــك
إنحَت فيهـا فى الصخر وعـافِــــر
واوعـاك تسـيـب أهـلـك ونـاسَــك
يـمـكــن تـعـيش فـيـهـا فـقــيــــــر
لكن هـتـعيش فـرحـان وسـعــيــد
مُـش كل الـرزق بـيكـون فـلـــوس
ولا كـل الـرزق هـيـكـون بــعـيــــد
كـلــامـي مـُش حــبــر عـلــى ورق
دا كـلام غـريــب عُـمــره اتـســرق
وخــلاص خــت بـإيـــدي قـــــرار
وراجعلك يال قلبي بيكي عليل
اناعُـمـري ماكـنـت مـرَّه عــويـــــل
ولا هـشوفــلـي تـانـــي كـفــيـــــل
خـت خــلاص بـإيـــدي قـــــــــرار
وراجــع مـهـمــا طـــال الـلـيـــــــل
محمود عبدالخالق....................
شعر عاميه.............
............موجوع منك يادنيا.......20
بتصعب دايما عليا نفسي
ليه يادنيا أوفي وانتي تقسي
ليه تكسري قلبي وطيبتي
أوفيلك تبيعني وفى الآخر
تضحكي على خيبتي
سنيني عدت على الفاضي
وانتي الجلاد وانتي القاضي
كنتي تظلمي وانا راضي
لكن خلاص يادنيا مليت...
شبعت منك قسوه واكتفيت
وشربت الظلم منك ألوان لمَّا
ارتويت
وقلبي الطيب خلتيه يبقى حجر
القلب ال كان بيكتب عن الحب ف
ليل المطر........
بقى بيسهر طول الليل يكتب عن
الأحزان
يكتب عن ال ظلم وال باع والخان
يكتب عن الخيانه والغدر والفراق
كسرتي يادنيا ف قلبي أجمل الأشياء
دا حتى أعز الأصدقاء وقت ضعفي
باعوني
ولما كنت بقوتي كانوا ياعم محمود
بينادوني
كانوا من جوا قلوبهم بيحبوني وباين
حبي ف عيونهم
علشان كنت بوفيلهم لكن لما وقعت
لوحدي سابوني
الكل فيكي يادنيا بيقول يلا نفسى
وانا الوحيد فيكي ال كنت بقول التاس
ليه يادنيا تكسري فيا وتقسى
وانتي عارفه إني مابملكش ف حياتي
غير الإحساس
الإخلاص بقى حاجه عجيبه ف زماننا
وعيبه إنك تآمن وتصدق وتخلص
دا المخلص يادنيا بيقولوا عليه عبيط
وانا بقيت واحد من ضمن العبط
المجروحين
ال السنين علمت فى وشوشوهم ألف
خط
ال صدماتهم لو فى جبل كان م الحزن
اتهد
لكن بجد قلبي بقى جواه شرخ صعب
أداويه
قلبي مجروح وجرحه ربنا وحده العالم
بيه...
ماهو أصعب إحساس إنك تنخدع فى
أقرب الناس
دي لوحدها كفيله إن قلبك يعيش العمر
موجوع
وأصعب وجع إنك تشوف الشماته فى عيون
الناس بعنيك
الناس ال كانوا ليك في يوم بيطبلوا علشان
كان جيبك عمران
حقيقي نفسي أرجع عيل زي زمان
وارجع الف شوارع البلد بفانوس رمضان
واعيش دايما متخيل إن كل الناس طيبه
بعيده أو قريبه كلهم ملايكه مفيش فيهم
شيطان.......
رجعوني ومش هحلم بفلوس ولا جاه ولا
سلطان
رجعوني أعيش العمر عيل يمكن الفرحه ف
عيوني تاني تبان
نفسي أرجع اشوف الناس ملايكه مفيش
فيهم شيطان
رجعوني ومش هحلم أكبر تاني زي زمان ......
رجعوني ومش هحلم أكبر تاني زي زمان...............
محمود عبدالخالق......
أمي يا أغلى من ذاتي.....21
أوهبك أنا كل حياتي
ما اقدرش أوفي فى
يوم حقك
لإن حقك عندي يا أمي
كبير
علشاني سهرتي وتعبتي
ربيتي علمتي وكبرتي
وياما علشاني دمَّعتي
واتحمِّلتي معايا كتير
معايا ف المُرَّه والحلوه
ماسبتيش إيدي ولا مَرَّه
دايماً قويه كدا وصابره
ماشوفتش ليكي يا أمي
مثيل
مسنود عليكي طول عمري
وانتي عيني ال بشوف بيها
ف عينيها حطَّاني من صُغري
يارب طول العمر ليا خليها
مابتحلاش الحياه غير بيها
نفسي يوم حقها اوفيها
واعيش العمر تحت رجليها
وليها أرد يوم الجميل
أمي يا أغلى من ذاتي.....
أوهبك أنا كل حياتي
ما اقدرش اوفي فى
يوم حقك
لإن حقك عندي يا أمي
كبير
محمود عبد الخالق......
.....أنا يا أمي جريح...... 22
أنا يا أمي جريح
فكل الدنيا تقاتلني
تعاندني وتقتلُ أحلامي
حتى أصبحتُ كالورقةِ
في مهبِّ الريح
لستُ أعلم لما أنا؟؟؟؟!!!!
ولما تعاندني الحياةُ
ويسرها ألمي...
لست أعلم يا أمي
ماذا فعلتُ فى هذه
الحياه
حتى تعصف بقلبي كل
هذه الصدمات؟؟؟
حتى أصبحت أحيا
مكسورَ الجناح
أبكي كل ليلٍ
كعصفور جريح
يحيا بلا سكنٍ
بلا أملٍ بلا عشٍ
بلا مأوى...
لم أعُد اتحمل
فقد وهنَ عزمي
لكني أتجمل
وأتظاهرُ بأنِّي
أقوي الأقوياء
فالوهن عندنا
لايعرفهُ سوى
الضعفاء.......
لكني أيضاً مازلت
أحيا
مازلتُ أبتسم
مازلت أتعلمُ من
الحياةِ كل يومٍ
درساً جديداً
أحياناً أيأس
غالباً أنكسر
لكني لا أموت
فمن لجأ للإله آواه
ودعواتك يا أمي
دوماً تلازمني
فبها أحارب الحياه
ومهما ابتُليتُ
أصبِّرُ نفسي وأُمنّيها
بأن غداً سيكون أجمل
والحلمُ يوماً سوف
يتحقق
يوماً سيُجبرُ كسر
قلبي
وتبتسمُ مجدداً لروحي
الحياه
وتُشْرِقُ شمسَ عُمري
من جديد.......
حُر...
محمود عبدالخالق...........
.........لاتسألوني عن هويتي.......23
لاتسألوني عن هويتي
لاتسألوني من أنا
ومن أكون
ف بالأمس كنت أعرف
من أنا
وإلى أي وطن أنتمي
كنت أعرف أنني
لدي حصنٌ بهِ أحتمي
اليوم أنا لاشئ
وأنتمى إلى لاشئ
وأحتمي بلا لاشئ
فقد أصبح وطني
الأكبر أصغر شئ
بالأمس قد كان لديَّ
الجواب
فقد كنت بين الأكاسر
مهاب
أما اليوم فليس
لديَّ حقاً أي ٍّجواب
فلاتلوموني إن
نسيت من أنا
وإلى أي بلادٍ
أنتمي....
ربما غداً أو بعد غدٍ
ستعودُ إليَّ الذاكرةُ
مرةً أخرى
وأقولها أنا عربي
وأرددها أنا أيضاً
بلاد العرب أوطاني
وكل العرب إخواني
سأقولها عندما لا
تكون هناك أرضٌ
مغتصبه
عندما لاتكون هناك
نساءٌ مغتصبه
عندما لاتكون هناك
كرامة مغتصبه
عندما لاتكون هناك
حرية مغتصيه
سأقولها عندما تنتهي
في بلادنا الحروب
سأقولها عندما
ننتصر على مخططات
اليهود
سأقولها عندما ينتهي
الظلم
والسلام يعم ويسود
سأقولها عندما نعود
كما كنا أسود
لانضطر إلى عهود
ولاتهددنا وعود
سأقولها عندما أنتصر
على نفسي أولاً
فلا أريد أن أكون لها
أيضاً مجاملاً
فهي كوطني الأكبر
ممزقةٌ وجريحه
تنتظر السلام يوماً
بداخلها يسود
لكنها تريد السلام
دون شروط أو قيود
محمود عبدالخالق
شـبــاب ٌضـائـــع 24
قـضـيـت ُالـعـمــرَ تـائـهــــاً
بـلا شــطٍ ولــا مــَرســــَـى
سـنـيـنٌ قـدْ مـضَـتْ مـنـِّــي
وعـُمـرٌ ضــاعَ بـالـمـنـفـــى
غـريــبٌ غـُربـتـــي نـــَــارٌ
فـلــا خـــِلٌ ولـــامـــــَأوى
شــبــابٌ مــَـرَّ مُــسـرعـــاً
بـلــا حــبٍ فــلــا جــــَدوى
وروحــي داخـِلـي تـنـعِــــي
أمــــالاً أصـبـحـــت ذكـــرى
فـحــلَّ الـحــُزنُ والـيــــأسُ
بــــروحٍ دائـمــاً تـشــقــَـى
لـقــد عـُـذِّبــــت ُلـكـنـِّـــي
ورغــم الـجـُرْحِ لـن ْأنـسـَــى
هــوىً داخـلــي يـســكــــن
وســواه أنــا لــا أهــــــوى
بحر الهزج.....
محمود عبدالخالق......
أغــــلــــى وطــــــن25
كـتـَبـنـا تــاريـخـِـك ......بـالــــدم والــقـَــلــَـم
حـَـرَرنـَـا تُــرابـــِك .....ورفـَعـنَــــا الـعَـــلــــَـم
إحـنـَـا شـَبــابــــِك .....يــــــا أُم الأُمــَـــــــم
حــيـَاتـنـَـا فِــــداكِ .....ولأرضِــــك خــــَــــدَم
قــَالـــوا أصـيــلـَـه .....ويـشـهَـــد الــزمـَــــــن
مـَهــد الـحــضـَـاره.....وأغــلــَـى وطــَـــــــن
ولادِك حـــُرَّاسِــــك.....شَـايـلـيــن الــكــفَـــن
مــعَــاكِ يامــَصـــر.......هـنـعَــدِّي الــمِــحَـــن
وكـُل الـلـِّي بَـاعِــك.....فـى يــُـوم أو ظـَـلــَــم
هَـيـعـرَف مـقَـامِـك.....يـَـــا أرض الـــكـَــــرَم
وكُـل الـلـِّي خَانـِـك.....وبــــَـاع الــــوطــَــــن
هنـبـيـعـُه يامَـصــر......ومــِن غــِيــر تـــَمــَـن
محمود عبدالخالق. ...
غنائي.....
..........الـحــب حـيـــاه........26
لمَّا فى يوم تحب بجد
إفضل إحلم لأبعد حد
حلمك أوعى تفرط فيه
مهما الدنيا تعاند فيك....
لو بتحبك ماتسيبهاش
حافظ عليها وماتبيعهاش
دا الحب دا كل الحياه
ومن غيره حياتنا ماتتعاش
دي فرصه مابتتكررش
لو ضاعت مابتتعوضش
إحلم واحلم .إحلم لبعيد
بالحب حياتك حلوه أكيد
واحده واحده إبنوا حياتكم
بالصبر والإيد فى الإيد
وادعي ربك مايبعدكوش
يقربكم دايماً مايفرقوش
لو بتحبك ماتسيبهاش
حافظ عليها وماتبيعهاش
أكيد هيكْمل المشوار
وتفرح بيها وتفرح بيك
محمود عبدالخالق................
.................أُم الْـعِــيـَــال.............. 27
راح يُخْطُب عبدالعال
بعد ما عجبته البنوته
قال هيَّا دي أم العيال
دخل البيت من بابه
بعد ماشاور العم والخال
خد اصحابه وكل احبابه
وراح يخطب الست نوال
كان قلبه بيدق من الفرحه
قال هاشبك بخاتم وانسيال
على قد لحافك مد رجليك
وبكره يتيسر ياعمي الحال
لارد عمه من تحت ولامن فوق
قال دا ذوق وبيشتري رجال
دخلت ست البيت على طول
وقعد زي الطرطور أبو نوال
يمين يمين شمال شمال
ست طلباتها كتير وعجيبه
كأنه عنده زكايب أموال
عايزا وعايزا وعايزا
إتخض عبدالعال فى الحال
ياست اتكسفي على دمك
ليه كل همك دهب ومال
دا مفيش أجمل من الستر
وانا جايلك طالب الحلال
ولّا بنتك مارلين مونرو
ومفيش زيها ف الجمال
خلاص ياستي خليها جنبك
لا انا عايز جواز ولا عيال
وايه يخليني أعيش متنكِّد
واشيل هموم تهد جبال
ورايح فين وجاي منين
وازاي وليه ياعبدالعال
يامحلاها عشة العزوبيه........
خدني من إيديا ع الباب
ياخال.............
زجل
محمود عبالخالق
..........حبيبتي وضي عينيا........ 28
حبيبتي وضي عينيا
ماقدرش أبعد ثانيه
بيكي بتحلى الدنيا
كإني عايش ف الأحلام
صدفه جمعتني بيكي
سلمت الأمر ليكي
سرقتني نطرة عينيكي
وعرفت معنى الغرام
حبيتك حب مش عادي
يا أجمل مافي الدنيا دي
هاتي إيدك فى إيديا
نسرق م الدنيا أجمل أيام
باوعدك والوعد دين
هاشيلك جوا حبابي العين
يافرحه مستنيها من سنين
وجوايا ليكي أحلى كلام
حبيبتي وضي عينيا
ماقدرش أبعد ثانيه
بيكي بتحلى الدنيا
كإني عايش ف الأحلام.... ........
غنائي
.........إبــكـــي........ 29
خلصت خلاص الحكايه
كانت بدايتنا نهايه
شكراً ياحبيبي كفايه
ضاع الحب ف غمضة عين
سرقت من روحي الفرحه
وكانت روحك ليا جارحه
من قلبي أنا مش مسامحه
شكراً على جرح السنين
خلاص هابعد وانساك
ولا فى يوم هترجااك
مهما ناداني هواك
أو بكيت بدمع العين
إبكي على اللي راح
هاسيبك تدوق طعم
الجراح
لاشموع ولا أفراح
هاسيب قلبك حزين
كنت زمان حبيبي
كنت دوايا وكنت طبيبي
والوقتي مش لاقيا حبيبي
خلاص ياحبيبي متشكرين.....
خلصت خلاص الحكايه
كانت بدايتنا نهايه
شكراً ياحبيبي كفايه
ضاع الحب ف غمضة عين
غنائي.....
محمود عبدالخالق...
..............رساله إلى حبيبتي.............. 30
أراكي في كل مكان حولي
فلاسبيل لقلبي أن ينساكي
تفردتي بكل جوارحي
وجوانحي
وكإني لم يسكن روحي
غيركي من النساء
لا أدري لما كل هذا الحب
رغم البعاد والفراق
لا أدري لما كل هذا الإشتياق
لا أدري ياقلبي لما كل هذا العناء
أحياناً أعاتب نفسي على إثمي
ففي شرعي حبي لكي كان
ظلمٌ لنفسي عظيم
وفراقي لكي كان نصراً لروحي
مبين .....
يامن أشعلتي فؤادي بنار هواكي
لماذا أنتي دون كل النساء كُتبَ
عليّا أن أهواكي
لما ذا أنتي دون نساء الكون عذبني
فراقك
لماذا أصبحت بين يديكي الآثمتين
قتيلاً
فزدتي أعداد الضحايا في هواكي
ضحيةً جديده
أيتها الماكرةُ الداهيةُ المُخادعه
مازلت أحبك ومازال قلبي يهواكي
لكن عقلي قد أصدر فرماناً لقلبي
لكي ينساكي
ومازالت روحي بينهما عليله
تنتظر القلب كي ينسى
وتنتظر العقل كي يتراجع عن قرار
نسيانك
لكن مازال هواكي يشغلُني ويمزقني .
يامن دخلتي حياتي بلا موعد
وخرجتي منها بلا موعد
وبيديكي سطرتي آخر سطر في قصتنا
مازال قلبي إليكي يحن ويشتاق
فقد عذبني لوعة الفراق
ومازالت عيوني تائهه في بحور عينيكي
أرسلت رسالتي وأنتطرك هنا
في نفس المكان الذي فيه التقينا
عودي إليا لنجدد عهد حبنا
ونطوي جروح الماضي في صفحات
النسيان
عودي لقلبي الحاني المشتعل كالبركان
عودي حبيبتي وانقذيني من هذا
الهذيان
فحبك قد تملَّك كل كياني
وأنتي تعلمي أن حبي لكي إدمان.........
عودي حبيبتي وأطفئي هذا البركان....
عودي حبيبتي فأنا مازلتُ في نفسِ
المكان.......
محمود عبدالخالق........
بطاقة الكتاب
-----------------------------------------------------------------------
عنوان المؤَلَّف : وجع الفراق
المؤلِّف : الشاعر/ محمود عبد الخالق
التصنيف : أشعار ( عامية )
رقم الإيداع :
عدد الصفحات : نشر فى منتدى جمعية إبداع الثقافية
رقم الإصدار الداخلى :2020/362
تاريخ الإصدار الداخلى : 10 / 2020 الطبعة الأولى
-------------------------------------------------------------
جميع حقوق الطبع والنشر محفوظة للشاعر، ولا يحق لأى دار نشر طبع ونشر وتوزيع الكتاب الا بموافـقة كتابية وموثـقة من الشاعـــر
41520
وجع الفراق ديوان للشاعر / محمود عبد الخالق
..........ورقة طلاق............
كنت فاكِرك أجمل ........
صدفه م القَدر
وقلبي معاكي عمره
ماهينجرح ولا
هينكسر
كنت فاكرك ملاك فى
دنيا البشَر
وكل القلوب بعد
قلبك أكيد حجَر
كنت شايفك غير
كل الناس
نسمه جميله كلها
رقه وإحساس
حبيتك واخترتك
وانا كلِّى حماس
لكن اختياري كان
غلط م الأساس
الكلام الحلو طلع
كله كدب
وقلبك عمره ماعرف
يوم معنى الحب
مثلتي عليَّا الطيبه
وكان باين عليكي
الغُلب
لكن. لقيت كل الرجاله
فى نظرِك
ولاد ستين كلب
أول مره أحس إني
كنت غلط
وان الطيبه فى زماننا
هيَّا قمة العبط
لقيت اللي زيك مش
هيقدَّر
حتى لو كلت علشانه
زلط
صدقيني قلبي معاكي
كان فاكر انه هينبسط
وازاي قلبي يفرح
وانتِ بإيديكِ جرحتيه
قلبي ال ماتعودش يجرح
بإيديكي غيرتيه وحولتيه
بعد كل اللي شوفته منك
قلبي انزرع القسوه فيه
وأول ماتعلم قلبي يقسى
كان قلبك أول قلب قسيت
عليه
عارفه ليه. لإني حبيتك حب
مايتوصفش
وكنت فى نظرك عبيط وانا
ماعرفش
وياما كتبت فى حبك قصايد
وأشعار
لكن للأسف المخلص فى زماننا
بيقولوا عليه حمار
ماترجعيش فى يوم تلوميني
وتعتبي عليا بعد الفراق
نصيحه مني إبعدي وانسيني
لاينفع نكون حبايب أو حتى
أصدقاء
إحنا عارفين إن نهايتنا ورقة
طلاق
لا انا اشبهك ولا تشبهيني
حقيقي لقيتك طينه غير طيني
سبيني ف حالي وابعدي بلاحب
بلا اشتياق
ماتفكريش إني ظلمتك أنا
عمري ماظلمت حد
انا اللي زيي لما يحب
بيحب بجد
وبردو لما بيكره بيكره بجد
وساعتها سهل يبعد عن أي
حد
إسألي قلبك قلبي حبه قد إيه
الفراق إنتي ال بإيديكي كتبتيه
وقلبي بسهوله منك. ضيعتيه
جرحتي قلبي وانا ال يجرحني
ماببكيش ف يوم عليه
فماترجعيش فى يوم تلوميني
وتعتبي عليا بعد الفراق
نصيحه مني إبعدي وانسيني
لاينفع نكون حبايب أو حتى
أصدقاء...........
محمود عبدالخالق......
2.........ذكرياتك ذكرياتي.......
ذكرياتك ذكرياتي
كانت أجمل سنين حياتي
ليلاتي معايا بتونسيني
فاكرك حبيبتي مابنساكيش
وازاي اعيش ليله ف بعدك
ياحلم لسه جوايا عايش
مفيش لاقبلك ولابعدك
صدقيني غيرك مفيش
حبيتك حب مش عادي
يا أجمل ما ف الدنيا دي
بعدت عنك وفارقتك
لكن هواكِ جوايا بيعيش
عايش حياتي ع الذكري
لا عارف احب بعدك ولا اكره
شايف صورتك بس ف خيالي
وآمالي معاكي مابتنتهيش
يا أجمل صدفه م القدر
ياملاك. برئ بين البشر
نفسي لو اشوفك مره صدفه
والف مره هقولك ماتبعديش
سامحيني ماكانش بإيديا
بعادك كان على عينيا
خوفت عليك من نفسي
وخوفت الدنيا ماترحمنيش
عيوني كانت موعداكي
تعيش الحياه كلها فداكي
معاكي كانت هتحلى أيامي
لكن خوفت اوعدك ماوفيش
ماتزعليش مني في يوم
قلبي عايش بعدك مهموم
بعدك السما مليانه غيوم
والدموع جوايا مابتنتهيش
حلمنا بالفستان والطرحه
والدنيا كانت لينا جارحه
إستكترت علينا الفرحه
وجراحي لسه مابتنطفيش
هعيش حياتي أحلم بيكي
إمبارح وبكرا بردو ليكي
هتعيش معايا دايماً عينيكي
وروحي جواكي دايماً هتعيش.....
محمود عبالخالق....
3........طينه غير طيني.......
حبيتك ايوه مابنكرش
وحبك كان جوايا ماليني
لكن كرهتك وكإني ماحبتش
وكرهك كان باين ف عيني
أول مره ألاقيني بحب واكره
مع إني كان عندي أمل ف بكرا
كنت فاكر إني هانسى أي ذكرى
وهتكون أحلا معاكي سنيني
أتاريني انخدعت بسهوله
وشلت وحدي كل الحموله
مانا طول عمرى بينضحك عليا
حتى من وانا فى سنه أولى
ال فى إيدي دايماً مش ليا
وبضحى بروحي علشان غيري
كنت ناوي أشيلك جوا عينيا
لكن لقيتني لااشبهك ولاتشبهيني
مش انتي ال انا حلمت بيها
لقيتك طينه غير طيني
مش هيا دي اللي عشقتها
وافتكرتها هتكمِّل نص ديني
معقوله ال احبه يطلع كداب
معقوله الضمير ف ثانيه غاب
يعنى أحلامي كلها بقت سراب
هسيبك واوعاكي يوم تلوميني
ومش حزين علشان هسيبك
دا انا قلبي بيرقص م الفرحه
عمري ماهكون يوم حبيبك
ولا هياخدني ليكي مره حنيني
معرفتك كانت مجرد غلطه
والغلطه ماهدتنيش لكن بتقويني
صحيح ضاعت أجمل سنيني
لكن هسيبك علشان لا اشبهك
ولاتشبهيني..
هسيبك وبكرا الأيام هتعلمك
إنك فى يوم بسهوله خسرتيني
وهتعيشي طول العمر تتحسري
وهتتمني لو فى مره تشوفيني.........
محمود عبدالخالق.....
4.......البيت المهجور.......
فى زحمة الدنيا ومرارها
بندم دايماً على طيبتي
الفرحه مابلحقش اشوفها
وبرجع أجر ورايا خيبتي
ياريت الدنيا مره فهمتني
إن الطيب مالوش مكان فيها
لكن الدنيا زيهم سرقتني
وخلتني أكره كل مافيها....
ليه يادنيا بتحبي تجرحيني
وكل يوم على راسي تديني
نفسي أعرف عملت إيه انا فيكي
ونفسي لو مره واحده تجاوبيني
مش عايزك يادنيا تحبيني
ولا عايزك يوم عليا تطبطبي
عايزك بس ف حالي تسبيني
وكفايا فيا تجرحي وتعذبي
قلبي م الجرح بقى مكسور
وماتت جواه آخر طاقة نور
قلبي ال عشق زمان الحب
بقى الحب بالنسباله مجرد
كلام ف سطور....
قلبي والحب بقى بينهم ألف
سور
قلبي بقى خايف يعيش جواه
إنسان
قلبي بقى صعب يرجع تاني زي
زمان
قلبي بقى عامل زي البيت
المهجور...................
........حبيبتي طلعت مش حبيبتي.............5
أيوه ف يوم حلمت بيكي ......
وليكي فرشت الأرض ورد
كنت بعلي دايماً فيكي
نزلتيني من سابع سما لسابع
أرض
اتحملت معاكي ياما حاجات
وكنت بصبَّر دايماً ف نفسي
قولت خليني باقي ع الذكريات
لكن ذكرياتك كسرت نِفْسِي
كنت كل ليله بتأسف لروحي
وياما ندمت على طيبتي
كنت بداري جوايا جروحي
لكن كان بيبان ف عيني خيبتي
حبيبتي طلعت مش حبيبتي
وكان حبها مجرد كلام زايف
كانت عامله نفسها حبيبتي
وفكراني أعمى مش شايف
كنت خايف أقول لنفسي حتى
ف المرايا
كان صعب أقول لأي حد إيه
الحكايه
ومن جوايا كنت كل ثانيه معاها
بتهد
لدرجة إن ملامحي كان صعب
يعرفها أي حد
كل حاجه فيا كانت اتغيرت
العيون زايغه والجسم دبلان
عصفور مكسور بيداري جرحه
والدموع متداريه جوا عينيه
وديان
كنت مجرد هيكل عايش فى
صورة إنسان
الحسره جوا عيني فى الفرح
والجرح كانت بتبان
حقيقي على فراقها عمري ماكتت
ندمان
هانساها وارجع اعيش تاني زي
زمان
أكيد فى يوم هيتداوى جرحي
والفرح بكرا يطرح وثمره يبان
أنا متفاءل رغم القسى والحرمان
إن بكرا هيكون أحسن والنهارده
كأنه ماكان
وهانسى إني في يوم حلمت بيها
و ليها فرشت الأرض ورد
لكن مش هانسى إني كنت بعلِّي
فيها
ونزلتني هيا من سابع سما لسابع
أرض
محمود عبدالخالق.......
أول قصيده فى حياتي ......6
أول قصيده فى حياتي
كانت أول قصيده اكتبهالك
عايش احلم بيكي ليلاتي
وآه لو تعرفي قد إيه روحي
مشتاقه لك
ياحلمي الأول وحبى الكبير
باتمنى دايماً أشوفك بخير
لكني عايش بعدك ضرير
يا أجمل قصيده ف كتابي
إنتي الحاضر وانتي الماضي
عمري بعدك عدى ع الفاضي
لسه عايش حياتي ع الذكرى
ومش قادر بعدك أحب تاني
أوعاكِ قلبك فى يوم ينساني
أنا عارف انك حبتيني بقلبك
وانا كمان فى حبك لسه أناني
مع إن غيري خد مكاني
كان غصب عني وغصب عنك
مافكرتش ف يوم ابعد عنك
كتبت فى عينيكي أول قصيده
اتغزلت ومدحت وشكيت فيها
حالي
وكتبتلك فيها إنك كل أحلامي
كانت القصيده ف ايدي واتكسفت
أديهالك
مانا كنت لما بكلمك كتت ببقى زي
الطفل الصغير قدامك
وكلمة بحبك اتجمدت على لساني
واتكسفت بردو أقولهالك
لقيت وشي فى ثانيه زمهر وفجأه
بقى احمر
وضربات قلبي زادت وكانت كل دقه
بتقولك بحبك
وخت نفسي من قدامك وعلى شط
النيل ومشيت
كنت ساعتها ماشي وبحلم إنك تبقى
لروحي بيت
ورغم الكسوف كنت ماشي والفرحه
مش سايعاني
ورغم كتمان كلمة بحبك كان صوتك
بيرن ف وداني
حبيبتي كلمتني ووقفت معايا شوية
ثواني
كنت حاسس ساعتها إني م الفرحه
طاير وف عالم تاني
حبك كان ولسه مسيطر على كياني
وصورتك فى خيالي عايشه وبردو
مجنناني
ياحلم عشت عمري اتمناه وباتمنى
يرجعلي تاني
مش عارف اعيش ف بعدك ولا عارف
احب بعدك
بحبك......
يا أول قصيده فى حياتي
بحبك
يا أجمل قصيده في كتابي
عايش احلم بيكي ليلاتي
وآه لو تعرفي قد إيه روحي
مشتاقه لك.....
يا أول قصيده في حياتي .....
..............أمي وانا عارفها ........7
أمي وانا عارفها ........
طيبه بطبيعتها
ومهما آجي عليها
أبداً مابتزعلش
متحمله الكبير
قبل الصغير
ولو مره بالصدفه
زعلت
قلبها بيرجع يحن
أمي علمتني يعني
إيه كلمة إبن
ويعني إيه لهفه وخوف
لما تشوف إبنها فى
ضيقه
أمي من جواها طفله
صغيره طيبه وبريئه
ورغم ضعفها تشوفها
من براها تقول عليها
قويه ماتنكسرش
أمي ست ماتتوصفش
ياما اتحملت غدر الأيام
وظلم السنين
تبص في عيونها تلاقي
الفرح وبردو تلاقي الأنين
أمي بتعاني من وانا لسه
جنين
أصبري يا امه ع البلا
كله متسجل عند ربنا
ورغم عذابها ومرضها
صابره اوي وحامده ربها
أمي أكتر واحده قلبي حبها
حاسس إني ماقدرش اعيش
بعدها
بتدعيلي دايماً من قلبها
وبيبان جوا عيونها خوفها
وحبها
دايماً وافقه في ضهري
وبتحس بيا من غير ماقولها
بتشوف في عيوني فرحي
وقهري
هيا قوتي ومن غيرها ينكسر
ضهري
وجودها فى حياتي بيقويني
وكلمه منها وقت حزني بتداويني
وارجع اقف على رجلي من تاني
وبكون كاالجبل مهما الحياه تعاديني
أمي دي أجمل نعمه فى حياتي
لو بإيدي اوهبها حياتي وسنيني
فى عيدك أهديكي يا أمي تحياتي
وتعيشي العمر تاج على جبيني.........
محمود عبدالخالق.....
......جوازه طين........... 8
والنعمه كانت جوازه طين
مش فرق عمر ولافرق سنين
البت طلعت هبله وشعنونه
وامها كمان بنت مجانين
أعمل ايه ياناس قولولي
الناس دول هيجننوني
ضحكوا عليا وثبتوني
والكلام الحلو كان كتير
عملولي م البحر طحينه
نصبوا عليا ولاد اللذين
حسسوني انهم ملايكه
وطلعوا فى الآخر شياطين
أروح فين واجي منين
العيشه معاهم بقت مستحيله
عاملينلي قايمه بفلوس كتيره
وازاي اخلع والحمل كبير
فرح وكوافير وزفه
والعفش كله من دمياط
قولت هتبقى أحلى صدفه
واعوض بقى كل اللي فات
من أول ليله في فرحنا
وبعدي كل يوم فى حاجات
صابر ع القسمه وراضي
كنت فاكره طبع ستات
يوم ورا يوم مفيش تغيير
و اللي بعديه كان مستحيل
أتاري البت طلعت مجنونه
وامها كمان بنت مجانين
أروح فين واجي منين
والنعمه كانت جوازه طين
كنت فاكرهم ياناس ملايكه
أتاريهم طلعوا شياطين......
زجل....
..سـنـيـن راحـت سـنـيـن جــايـه........9
سنين راحت سنين جايه..
تعيش سنه تعيش ميه
سنين العمر معديه
لكن مخلوقه علشانك
هتاخد ايه من الدنيا
لو تشغل بيها حالك
بلاش تزعل يوم فيها
تلاقيها دايماً بتحلالك
سنين بتاخد وراها سنين
إلحق عيشلك فيها يومين
بإيديك تكون الحياه حلوه
والدنيا ترقص قدامك
هتلاقي روحك بتضحكلك
ومفيش حاجه هتعاندك
خليك عايش بس النهارده
وماتحطش بكره ف بالك
ولاتفكر ف كلام الناس
فيه ناس بغيرهم بيتسلوا
ومهما يقولوا يوم عنك
ولايهمك واسرق م الدنيا
أحلامك........
غنائي......
محمود عبدالخالق...........
..........ماتستسلمش للأحزان............ 10
قوم وماتستسلمش يوم
للأحزان
أوعاك تفكر ف ال باع ولا
ف ال خان
وخليك فاكر إن الكل وقت
الشده بيبان
قوم واوعاك يوم تخسر
الرهان.......
مفيش حد فينا خالي م
الأوجاع
مفيش حد فينا خالي م
الهموم
لكن مهما يكتر فى سكتك
الشوك
بعد كل جرح إرجع من تاني
قوم
قوم واصنع من فشلك نجاح
كفاياك تفكر بقا فى ال راح
ومهما تقول الدنيا جرحاني
هتلاقي جرحك هين جنب
ناس مليانه جراح ،
بكرا الأفراح تخبط على بابك
وهتضحكلك الدنيا من تاني
خليك فاكر بس عدوينك من
أحبابك
علشان بابك ما تفتحوش يوم
لخاين
باين لسه فى عينيك القسى
وأحزانك لسه عايشه جواك
إنشل نفسك من بير همومك
إنسى أحزانك تلاقيها تنساك
واوعاك فى يوم تاني تنكسر
خِسر اللي قال عليك مهزوم
بالإراده هترجع أقوى من زمان
وهيرجعلك نفس ذات الإنسان
عارف إنك جبل وياما اتحملت
وشلت هموم الدنيا فوق راسك
دايماًبتعافروعمرك يوم مافشلت
ومش تاعبك أكتر من أحساسك
كلام الناس خليه تحت مداسك
خت إيه انت من الكلام طول
حياتك
أحلامك حطها دايماً قدام عينيك
بإيديك والأمل هتحقق يوم ذاتك
قوم وماتستسلمش يوم ....
للأحزان
أوعاك تفكر ف ال باع ولا
ف ال خان
وخليك فاكر إن الكل وقت
الشده بيبان
قوم واوعاك يوم تخسر
الرهان............
محمود عبدالخالق
......وجع الفراق..... 11
أول ماسيبته حسيت بوجع
الفراق
مع إنه كان باين عليا إني
صلبه وقويه
لكني كنت من جوايا جدا
ضعيفه
وبجد حاجه مخيفه انك تعشقي
وف الآخر تفارقي
لكن ماكانش ينفع مع بعض تاني
نكمل
قلبي الضعيف كان مل وماكانش
قادر يتحمل
وازاي نكمل وقصة حبنا اتبنت
ع الكدب
وانا قلبي فى الحب بيحب يكون
أناني
وهوا بجهله كان على قلبي قاسي
وجاني
قتل جوايا الأحلام ودبح قدام عيني
الأماني
حبه كان مجرد أوهام كلام والسلام
قاله لمية واحده قبلي وهتسمعه مية
واحده بعدي
حقيقي القرب منه كان مرض معدي
وانا كنت فى الحب لسه صغيره
وجاهله
كان سهل ينضحك عليا بكلمة بحبك
ما نا زي أي بنت باحب اسمع كلمتين
حلوين...
مجانين ال يقولوا كل الرجاله
مخلصين
غلابه ال يفتكروا كل الرجاله طيبين
حقيقي مش كلهم ملايكه ومش كلهم
شياطين
فيهم أكيد المخلصين لكنهم في زماننا
قُليلين
معظمهم بيعشمنا بكل حاجه جميله
ويسيبونا ف الآخر مكسورين بعد
الفراق
قدر يقولها سبيني وشوفي غيري
أنا مانفعكيش
ماينفعش نكون حبايب أوحتى
أصدقاء
طيب ليه عشمتني من البدايه
وفى النهايه بتقوللي ماليش حيله ف
بعدنا
طيب راحت فين كل وعودك وراح فين
حبنا
خلاص فهمتك وحقيقتك ف عيني
بانت
هانت عليك كل السنين ال فاتت
أنا كنت ف حياتك مجرد نزوووه
كنت واحده زي أي واحده بيها
بتتسلى
شكراً على كل حاجه حلوه قدمتهالك
إستني رايح فين خد معاك كل
حاجاتك
خد صورك وحبك وقلبك وذكرياتك
ملعون أبو الحب والشوق وملعون
أبو الحنين
لو ف يوم فكر عقلي فيك أورجع
قلبي ليك تاني يدق......
إتفارقنا ومن جوايا كنت حاسه بوجع
الفراق
مع انه كان باين عليا إني صلبه وقويه
لكن كنت من جوايا جداً ضعيفه
وبجد حاجه مخيفه انك تعشقي وف
الآخر تفارقي........
وجع الفراق....
محمود عبدالخالق......
.........ذنـبــِك انـك حبـتـيـه..............12
ذنبك انك حبتيه
سبتيله قلبك وطاوعتيه
كسر قلبك وهجرِِك
بعد مالقاكي عشقتيه
مش كل جرح سهل ونقدر
ندوايه
طب ليه على قلبك آمنتيه
وليه روحك ليه سلمتيه
انجرحتي وياريتك ماحبتيه
مشكلتك انك ف الحب جاهله
وسهل انك تقعي على ملا وشك
شوفي ف حياتك كام واحد
غشك
ولسه بردو قلبك لأي حد يقولك
بحبك بتسلميه
ليه بإيديكي كام مره تكسريه
وبعد كل خيبه تحاولي تداويه
وماتلحقيش تفوقي من وجع
تدخلي على وجع تاني وتجرحيه
حقيقي عذبتيه مش أي حد يقولك
بحبك تصدقيه
الحب مش كلمه بس بتتقال
الحب إحساس واهتمام
واحتواء قبل مايكون أفعال
ميزي مين ينفع يتحب ومين
ينفع يتساب
وماتقوليش مش بإيدي والهوى
غلاب
دا حبيبي وساكن فى وريدي
وعاشقاه مهما الكل فيه عاب
شوفي آمنتي لكام واحد وظنك
فيه خاب
شوفي كام واحد حلفلك انه عايزك
وفجأه ساب
لما تحبي حبي ال يستاهلك
وتستاهليه
وساعتها اوهبيه حياتك حتى لو
الكل فيه عاب
اختاري صح ومش أي حد بكلمتين
تصدقيه
ماهو الكلام ببلاش مابيندفعش ليه
أتعاب
حافظي على روحك وقلبك صونيه
بكرا ييجي ال يحتويه مهما طوِّل
عليكي وغاب......
أوعاكي تقولي قلبي الضعيف مل
وخايفه أعيش وحدي ويفارقني
الكل
بكرا الأيام هتضحلك وتبقى دُنيتِك
فُل
عيشي والأمل ف عينيكي وبكرا
الفرح على بابك هتلاقيه
لكن اوعاكي قلبك لأي حد يقولك
بحبِك تسلميه
اختاري صح ومش أي حد بكلمتين
تصدقيه
ماهو الكلام ببلاش مابيندفعش له
أتعاب
حافظي على روحك وقلبك صونيه
شعر عاميه.....
(....الأمـَــلُ الــجــَمــيـــل......).....13
جُرِحْت ُفَلَم ْيُطبّبـنِي زَمَانِي
وُقَدْ سَـرَّ الْأَعَادِيَ مَا أُعَانِـي
رَمَتْ جَسَدِي بِخَنْجَرِهَا فَسَالَتْ
دُمُوع َالْحُزْنِ تُُبدي مَا دَهَانِـي
فَقَدْ مُزِّقْتُ بينَ حروفِ شِعري
وَنَزْفِي سَالَ تَسْبُقُهُ الْأَمَانِـي
وَمَازَالَ الْهَوَى موّالَ عمْرِي
وَقِيثاري الذي دَوْمَاً يُعَانِـي
وَكَمْ حَلِمَتْ بِهَا رُوحِي وَجَاءَت
بِلَا إِذْنٍ تُشَاطِرُنِي كَيَانـِي
وَكَمْ تَاهَتْ خَيَالَاتِي وَضَلَّتْ
فَأَرجِعُ مِنْ خَيَالٍ قَدْ غَوَانـِي
أَعُودُ فَأَزْرَعُ الْأَملَ احْتسَاباً
وقدْ ترَكَ الرُّبا خُضراً حِصاني
هَجَرْتُ أَحِبَّةً سَكَنُوا فُؤَادِي
وهذَا سهْمُ جفوتِهِم رَمَانِـي
نَعَمْ جُرْحِي تَهَاوَت ْفِيهِ رُوحِي
سَيَبْرَأُ مِنْهُ يَا قَلْبِي زَمَانِـي
بحر الوافر
محمود عبدالخالق.................
........حُـبــِّي لـَـكي إدمــان ........14
ياحُلما مازال يراودُني
وعشقاً يجري بالشريان
يا امرأةً مازالت تسكنُني
ليتني سجين وأنتِ السجان
يا امرأةً غيرت تفاصيلَ حياتي
في هواكي نضُبَتْ أقلامي
ونفذَت لديَّ جميع الكراسات
لأجلِ عينيكي كتبتُ قصائدي
لكنِّ بحور شعري عاجزةً
في وصفِ سيدةً مَلكتْ فؤادي
وعجزَتْ عنْ وصفها الكلمات
ياشمساً تُضئُ أرجاءَ حياتي
أراكي في صَحْوي وفي نومي
أراكي في كلِّ مكانٍ حولي
أراكي في الضياءِ وفي الظُلمات
فأنا مازلتُ في بحرِ عينيكِ غريقاً
ومازال قلبي في هواكي ظمآن
لاتتعجبي لِمَا كل هذا الحب
فأنتي تعلمي أن حبي لكي إدمان
أعلمُ أن بيني وبينكي ألفَ سورٍ
وبحورٍ ومئاتُ الشُطئان
لكنِّي سوفَ أحيا على أملِ اللقاء
فحبُّي لكي خالداً في أي أرضٍ
وتحتَ أي سماء.....
محمود عبدالخالق....
مصر......
شعر حر.....
.........أُمِّــــــــــــــــــــــــــي........... 15
أُمِّي زرَعتْ زرْعَه جميله
كانت اُمِّي بالنسبالها المايَّه
وكانت ليها بردو الضُليله
أمِّي بجدْ ستْ جميله
عاشِت معانا يوم بيوم
كانت هيَّا الدَّفا وقتْ الغيوم
وكانت القوه وقتْ اللزوم
أمِّي أجملْ نِعمَه ياربْ تدوم
طول عُمْرها ستْ رزينَه
كانت ومازالت بتخاف علينا
ورغم اننا كبِرنا كلِّنا وعْلينَا
لسه بردو واهبَه حياتهَا لينا
أمّي شعاع نور وأملْ
بينوَّر طريقنا ويهدينا
أمِّي أقوى من الجبلْ
وقوتهَا دايماً بتقوينَا
بوجودهَا حِلوَه حياتنا
وبيها بتحلى أوقاتنا
ماهو فرحتنَا مابتكمَلشْ
غير بيها
أمي دي ملاك الله عليهَا
بيها هنُدخُل الجنه
ماهو الجنه تحت رجْليهَا
بيها ربنا وصانَا وأمرنَا
نراضيهِا دايماً ونراعيهَا
دي ياما شالت عننا هموم
أمي أجمل نعمه يارب تدوم
وتعيش معانا سنين وسنين
واحنا خدَّامين تحت رجليهَا
محمود عبدالخالق......
22/10/2019
..........تـعــظـيــــم ســـــلام..... 16
تعظيم سلام لل كان
أد المسئوليه
تعظيم سلام لل واقف
ليل نهار نبطشيه
تعظيم سلام لكل
طبيب وممرضه
ولكل روح للعدوى
مُعرضه
تعظيم سلام لكل من
لبى الندا
طول المدى هنفتكر لكم
الجميل
ونحكي عنكم لولادنا جيل
بعد جيل
هنعيش حياتنا بيكم نفتخر
يال فى العالم كله مالكوش
مثيل
الصغير فيكم والكيير
الكل بيخدم وبضمير
بتعملوا علشاننا المستحيل
صامدين بعزيمه وإراده
قويه
إنتم مُش أقل من ال شايل
بندقيه
إنتم ولاد مصر الأبيه
مابتقبلوش أبداً هزيمه
وبتتحدوا أي ظروف
بيكم هنعدى الخطر
بالأمل أكيد هننتصر
ما انتو الأمل ومعاكم
لافيه يأس ولا فيه خوف
تعظيم سلام لكل أسره
مصريه
قدمت ولادها لبلدها
هديه
تعظيم سلام لكل شهيد
ضحى
علشان تعيش مصر عفيه
وتعظيم سلام لل كان
أد المسئوليه
تعظيم سلام لل واقف
ليل نهار نبطشيه.....
عاميه
......عـظـيـمـه يـامـصـر....... 17
هندافع كلنا علشانك
هنحمي ونصون ترابك
يامصر إنتِ اللي باقيه
وعدوك دايماً هالك
إيد واحده شعب وجيش
معاكِ يابلدي ماتخافيش
شعبك أبداً مابينحنيش
وروحه ترخص علشانك
هتبقي على طول الزمان
عظيمه يامصر مهما كان
ولوباعك فى يوم جبان
بالملايين عاشقين ترابك
هنعيش ونموت خُدامك
ولو يموت ف يوم شهيد
هيتولد مكانه مليون جديد
يحموكي لو ف يوم خسيس
خانك
هندافع كلنا علشانك
هنحمي ونصون ترابك
يامصر إنتِ اللي باقيه
وعدوك دايماً هالك
محمود عبدالخالق...................
......هُــــوَّا وهيَّـــــــا...... 18
غلطه وندمان عليها
جلطتتني الله يهديها
كل شويه هات وهات
والنكد خصله فيها ...
أعمل ايه ياناس معاها
قلبي خلاص ماعتش بيهواها
هابعد عنها مش هستناها
تخليني أمشي أكلم نفسي
هيا........
عملت إيه فيك ياعينيا
دا انت شاطر تقرف فيا
واجع راسي كل شويه
الرحمه حلوه دا انا وليه
تاعبني من أول ليله
كنت فاكره الدنيا جميله
جيت لقيتها ياحبيبي نيله
جميله دي عند امي
هوااااا.......
نفسي أعيش يوم مرتاح
قبلك كانت حياتي أفراح
زغرتي على خيبتي يانشراح
إتهببت ودبست نفسي
المدام كرهتني ف عيشتي
بعد ماكانت عامله حبيبتي
ياما نفس أرجع للعزوبيه
والفرحه تملى تاني عينيا
هيا........
دا انا كلي طيبه وحنيه
إتعدل انت ياقلبي شويه
دايماً ظالمني وجاي عليا
شكلك كدا ناوي تجنني
كلمتين خدهم ياحبيبي مني
خليك ف حالك وف حالي سيبني
قانون الأسره تملي ساندني
بلاش تعاندني وكُل عيش
هواااا.....
غلطه وندمان عليها
جلطتتني الله يهديها
كل شويه هات وهات
والنكد خصله فيها
أعمل ايه ياناس معاها
قلبي ماعتش بيهواها
وخلاص مش هستناها
تخليني أمشي أكلم نفسي
خلاص مش هستناها
تخليني أمشي أكلم نفسي.....
محمود عبدالخالق....
زجل........
.......عـمــري مـاكـنـت مـرَّه عــــويـــل......... 19
عـمــري مـاكـنـت مـرَّه عـــويــــــل
ولاهـشـوفـلـي تـانـــي كـفــيـــــــل
خــت خــلاص بـإيــــدي قـــــــرار
وراجـــع مـهـمـــا طـــال الـلــيــــل
مـا انـا مـُش هـمــوت لـوجــيــــت
ولا هـنــام فــى لـيـلــه جــعــــــان
تـعـبــت م الـغــربـــه وحـنــيـــــت
خــلاص راجــع ومـُش نـدمــــــان
سـجـن كـبـيـر مـن غـيـرســجـــان
دوقـت فـيـه طـعــم الـحـرمـــــان
ضاعـت من عـيـونـي الـفـرحـــــه
وعــمــري عــدى كـأنـــه مـاكــــان
الـرجـوع عُـمـره مـاكـان مِـحْـنــَــه
دا المـحنـه إنـي أعـيش مـوجــوع
وهـعـيـش عــمــري كـــــام مـــــرَّه
داالـغربـه مُـرَّه وفـرحـهـا مـمـنـوع
راجــع ومُـش هـتـبـكـي عـيـونـــي
راجـع لنـاس بحـبـهـم ويحـبـونــي
راجـع ولو الكل يا غربه لامـــونـي
مُش هـعـيش الـحـياه مــخـــدوع
سـنـيـن عــدِّت مـن غـيــر أمــــــل
وقـلـبـي كـان جـوايــا مـجـــــروح
الـرجــوع عـُمـره مـاكــان فــشـــل
والـسفـر عُـمـره مـاكـان طـمــــوح
يالـلـي نـاوي فـى يـوم تـسـافـــــر
عـيش فى بـلـدك وارفــع راســــك
إنحَت فيهـا فى الصخر وعـافِــــر
واوعـاك تسـيـب أهـلـك ونـاسَــك
يـمـكــن تـعـيش فـيـهـا فـقــيــــــر
لكن هـتـعيش فـرحـان وسـعــيــد
مُـش كل الـرزق بـيكـون فـلـــوس
ولا كـل الـرزق هـيـكـون بــعـيــــد
كـلــامـي مـُش حــبــر عـلــى ورق
دا كـلام غـريــب عُـمــره اتـســرق
وخــلاص خــت بـإيـــدي قـــــرار
وراجعلك يال قلبي بيكي عليل
اناعُـمـري ماكـنـت مـرَّه عــويـــــل
ولا هـشوفــلـي تـانـــي كـفــيـــــل
خـت خــلاص بـإيـــدي قـــــــــرار
وراجــع مـهـمــا طـــال الـلـيـــــــل
محمود عبدالخالق....................
شعر عاميه.............
............موجوع منك يادنيا.......20
بتصعب دايما عليا نفسي
ليه يادنيا أوفي وانتي تقسي
ليه تكسري قلبي وطيبتي
أوفيلك تبيعني وفى الآخر
تضحكي على خيبتي
سنيني عدت على الفاضي
وانتي الجلاد وانتي القاضي
كنتي تظلمي وانا راضي
لكن خلاص يادنيا مليت...
شبعت منك قسوه واكتفيت
وشربت الظلم منك ألوان لمَّا
ارتويت
وقلبي الطيب خلتيه يبقى حجر
القلب ال كان بيكتب عن الحب ف
ليل المطر........
بقى بيسهر طول الليل يكتب عن
الأحزان
يكتب عن ال ظلم وال باع والخان
يكتب عن الخيانه والغدر والفراق
كسرتي يادنيا ف قلبي أجمل الأشياء
دا حتى أعز الأصدقاء وقت ضعفي
باعوني
ولما كنت بقوتي كانوا ياعم محمود
بينادوني
كانوا من جوا قلوبهم بيحبوني وباين
حبي ف عيونهم
علشان كنت بوفيلهم لكن لما وقعت
لوحدي سابوني
الكل فيكي يادنيا بيقول يلا نفسى
وانا الوحيد فيكي ال كنت بقول التاس
ليه يادنيا تكسري فيا وتقسى
وانتي عارفه إني مابملكش ف حياتي
غير الإحساس
الإخلاص بقى حاجه عجيبه ف زماننا
وعيبه إنك تآمن وتصدق وتخلص
دا المخلص يادنيا بيقولوا عليه عبيط
وانا بقيت واحد من ضمن العبط
المجروحين
ال السنين علمت فى وشوشوهم ألف
خط
ال صدماتهم لو فى جبل كان م الحزن
اتهد
لكن بجد قلبي بقى جواه شرخ صعب
أداويه
قلبي مجروح وجرحه ربنا وحده العالم
بيه...
ماهو أصعب إحساس إنك تنخدع فى
أقرب الناس
دي لوحدها كفيله إن قلبك يعيش العمر
موجوع
وأصعب وجع إنك تشوف الشماته فى عيون
الناس بعنيك
الناس ال كانوا ليك في يوم بيطبلوا علشان
كان جيبك عمران
حقيقي نفسي أرجع عيل زي زمان
وارجع الف شوارع البلد بفانوس رمضان
واعيش دايما متخيل إن كل الناس طيبه
بعيده أو قريبه كلهم ملايكه مفيش فيهم
شيطان.......
رجعوني ومش هحلم بفلوس ولا جاه ولا
سلطان
رجعوني أعيش العمر عيل يمكن الفرحه ف
عيوني تاني تبان
نفسي أرجع اشوف الناس ملايكه مفيش
فيهم شيطان
رجعوني ومش هحلم أكبر تاني زي زمان ......
رجعوني ومش هحلم أكبر تاني زي زمان...............
محمود عبدالخالق......
أمي يا أغلى من ذاتي.....21
أوهبك أنا كل حياتي
ما اقدرش أوفي فى
يوم حقك
لإن حقك عندي يا أمي
كبير
علشاني سهرتي وتعبتي
ربيتي علمتي وكبرتي
وياما علشاني دمَّعتي
واتحمِّلتي معايا كتير
معايا ف المُرَّه والحلوه
ماسبتيش إيدي ولا مَرَّه
دايماً قويه كدا وصابره
ماشوفتش ليكي يا أمي
مثيل
مسنود عليكي طول عمري
وانتي عيني ال بشوف بيها
ف عينيها حطَّاني من صُغري
يارب طول العمر ليا خليها
مابتحلاش الحياه غير بيها
نفسي يوم حقها اوفيها
واعيش العمر تحت رجليها
وليها أرد يوم الجميل
أمي يا أغلى من ذاتي.....
أوهبك أنا كل حياتي
ما اقدرش اوفي فى
يوم حقك
لإن حقك عندي يا أمي
كبير
محمود عبد الخالق......
.....أنا يا أمي جريح...... 22
أنا يا أمي جريح
فكل الدنيا تقاتلني
تعاندني وتقتلُ أحلامي
حتى أصبحتُ كالورقةِ
في مهبِّ الريح
لستُ أعلم لما أنا؟؟؟؟!!!!
ولما تعاندني الحياةُ
ويسرها ألمي...
لست أعلم يا أمي
ماذا فعلتُ فى هذه
الحياه
حتى تعصف بقلبي كل
هذه الصدمات؟؟؟
حتى أصبحت أحيا
مكسورَ الجناح
أبكي كل ليلٍ
كعصفور جريح
يحيا بلا سكنٍ
بلا أملٍ بلا عشٍ
بلا مأوى...
لم أعُد اتحمل
فقد وهنَ عزمي
لكني أتجمل
وأتظاهرُ بأنِّي
أقوي الأقوياء
فالوهن عندنا
لايعرفهُ سوى
الضعفاء.......
لكني أيضاً مازلت
أحيا
مازلتُ أبتسم
مازلت أتعلمُ من
الحياةِ كل يومٍ
درساً جديداً
أحياناً أيأس
غالباً أنكسر
لكني لا أموت
فمن لجأ للإله آواه
ودعواتك يا أمي
دوماً تلازمني
فبها أحارب الحياه
ومهما ابتُليتُ
أصبِّرُ نفسي وأُمنّيها
بأن غداً سيكون أجمل
والحلمُ يوماً سوف
يتحقق
يوماً سيُجبرُ كسر
قلبي
وتبتسمُ مجدداً لروحي
الحياه
وتُشْرِقُ شمسَ عُمري
من جديد.......
حُر...
محمود عبدالخالق...........
.........لاتسألوني عن هويتي.......23
لاتسألوني عن هويتي
لاتسألوني من أنا
ومن أكون
ف بالأمس كنت أعرف
من أنا
وإلى أي وطن أنتمي
كنت أعرف أنني
لدي حصنٌ بهِ أحتمي
اليوم أنا لاشئ
وأنتمى إلى لاشئ
وأحتمي بلا لاشئ
فقد أصبح وطني
الأكبر أصغر شئ
بالأمس قد كان لديَّ
الجواب
فقد كنت بين الأكاسر
مهاب
أما اليوم فليس
لديَّ حقاً أي ٍّجواب
فلاتلوموني إن
نسيت من أنا
وإلى أي بلادٍ
أنتمي....
ربما غداً أو بعد غدٍ
ستعودُ إليَّ الذاكرةُ
مرةً أخرى
وأقولها أنا عربي
وأرددها أنا أيضاً
بلاد العرب أوطاني
وكل العرب إخواني
سأقولها عندما لا
تكون هناك أرضٌ
مغتصبه
عندما لاتكون هناك
نساءٌ مغتصبه
عندما لاتكون هناك
كرامة مغتصبه
عندما لاتكون هناك
حرية مغتصيه
سأقولها عندما تنتهي
في بلادنا الحروب
سأقولها عندما
ننتصر على مخططات
اليهود
سأقولها عندما ينتهي
الظلم
والسلام يعم ويسود
سأقولها عندما نعود
كما كنا أسود
لانضطر إلى عهود
ولاتهددنا وعود
سأقولها عندما أنتصر
على نفسي أولاً
فلا أريد أن أكون لها
أيضاً مجاملاً
فهي كوطني الأكبر
ممزقةٌ وجريحه
تنتظر السلام يوماً
بداخلها يسود
لكنها تريد السلام
دون شروط أو قيود
محمود عبدالخالق
شـبــاب ٌضـائـــع 24قـضـيـت ُالـعـمــرَ تـائـهــــاً
بـلا شــطٍ ولــا مــَرســــَـى
سـنـيـنٌ قـدْ مـضَـتْ مـنـِّــي
وعـُمـرٌ ضــاعَ بـالـمـنـفـــى
غـريــبٌ غـُربـتـــي نـــَــارٌ
فـلــا خـــِلٌ ولـــامـــــَأوى
شــبــابٌ مــَـرَّ مُــسـرعـــاً
بـلــا حــبٍ فــلــا جــــَدوى
وروحــي داخـِلـي تـنـعِــــي
أمــــالاً أصـبـحـــت ذكـــرى
فـحــلَّ الـحــُزنُ والـيــــأسُ
بــــروحٍ دائـمــاً تـشــقــَـى
لـقــد عـُـذِّبــــت ُلـكـنـِّـــي
ورغــم الـجـُرْحِ لـن ْأنـسـَــى
هــوىً داخـلــي يـســكــــن
وســواه أنــا لــا أهــــــوى
بحر الهزج.....
محمود عبدالخالق......
أغــــلــــى وطــــــن25كـتـَبـنـا تــاريـخـِـك ......بـالــــدم والــقـَــلــَـم
حـَـرَرنـَـا تُــرابـــِك .....ورفـَعـنَــــا الـعَـــلــــَـم
إحـنـَـا شـَبــابــــِك .....يــــــا أُم الأُمــَـــــــم
حــيـَاتـنـَـا فِــــداكِ .....ولأرضِــــك خــــَــــدَم
قــَالـــوا أصـيــلـَـه .....ويـشـهَـــد الــزمـَــــــن
مـَهــد الـحــضـَـاره.....وأغــلــَـى وطــَـــــــن
ولادِك حـــُرَّاسِــــك.....شَـايـلـيــن الــكــفَـــن
مــعَــاكِ يامــَصـــر.......هـنـعَــدِّي الــمِــحَـــن
وكـُل الـلـِّي بَـاعِــك.....فـى يــُـوم أو ظـَـلــَــم
هَـيـعـرَف مـقَـامِـك.....يـَـــا أرض الـــكـَــــرَم
وكُـل الـلـِّي خَانـِـك.....وبــــَـاع الــــوطــَــــن
هنـبـيـعـُه يامَـصــر......ومــِن غــِيــر تـــَمــَـن
محمود عبدالخالق. ...
غنائي.....
..........الـحــب حـيـــاه........26
لمَّا فى يوم تحب بجد
إفضل إحلم لأبعد حد
حلمك أوعى تفرط فيه
مهما الدنيا تعاند فيك....
لو بتحبك ماتسيبهاش
حافظ عليها وماتبيعهاش
دا الحب دا كل الحياه
ومن غيره حياتنا ماتتعاش
دي فرصه مابتتكررش
لو ضاعت مابتتعوضش
إحلم واحلم .إحلم لبعيد
بالحب حياتك حلوه أكيد
واحده واحده إبنوا حياتكم
بالصبر والإيد فى الإيد
وادعي ربك مايبعدكوش
يقربكم دايماً مايفرقوش
لو بتحبك ماتسيبهاش
حافظ عليها وماتبيعهاش
أكيد هيكْمل المشوار
وتفرح بيها وتفرح بيك
محمود عبدالخالق................
.................أُم الْـعِــيـَــال.............. 27
راح يُخْطُب عبدالعال
بعد ما عجبته البنوته
قال هيَّا دي أم العيال
دخل البيت من بابه
بعد ماشاور العم والخال
خد اصحابه وكل احبابه
وراح يخطب الست نوال
كان قلبه بيدق من الفرحه
قال هاشبك بخاتم وانسيال
على قد لحافك مد رجليك
وبكره يتيسر ياعمي الحال
لارد عمه من تحت ولامن فوق
قال دا ذوق وبيشتري رجال
دخلت ست البيت على طول
وقعد زي الطرطور أبو نوال
يمين يمين شمال شمال
ست طلباتها كتير وعجيبه
كأنه عنده زكايب أموال
عايزا وعايزا وعايزا
إتخض عبدالعال فى الحال
ياست اتكسفي على دمك
ليه كل همك دهب ومال
دا مفيش أجمل من الستر
وانا جايلك طالب الحلال
ولّا بنتك مارلين مونرو
ومفيش زيها ف الجمال
خلاص ياستي خليها جنبك
لا انا عايز جواز ولا عيال
وايه يخليني أعيش متنكِّد
واشيل هموم تهد جبال
ورايح فين وجاي منين
وازاي وليه ياعبدالعال
يامحلاها عشة العزوبيه........
خدني من إيديا ع الباب
ياخال.............
زجل
محمود عبالخالق
..........حبيبتي وضي عينيا........ 28
حبيبتي وضي عينيا
ماقدرش أبعد ثانيه
بيكي بتحلى الدنيا
كإني عايش ف الأحلام
صدفه جمعتني بيكي
سلمت الأمر ليكي
سرقتني نطرة عينيكي
وعرفت معنى الغرام
حبيتك حب مش عادي
يا أجمل مافي الدنيا دي
هاتي إيدك فى إيديا
نسرق م الدنيا أجمل أيام
باوعدك والوعد دين
هاشيلك جوا حبابي العين
يافرحه مستنيها من سنين
وجوايا ليكي أحلى كلام
حبيبتي وضي عينيا
ماقدرش أبعد ثانيه
بيكي بتحلى الدنيا
كإني عايش ف الأحلام.... ........
غنائي
.........إبــكـــي........ 29
خلصت خلاص الحكايه
كانت بدايتنا نهايه
شكراً ياحبيبي كفايه
ضاع الحب ف غمضة عين
سرقت من روحي الفرحه
وكانت روحك ليا جارحه
من قلبي أنا مش مسامحه
شكراً على جرح السنين
خلاص هابعد وانساك
ولا فى يوم هترجااك
مهما ناداني هواك
أو بكيت بدمع العين
إبكي على اللي راح
هاسيبك تدوق طعم
الجراح
لاشموع ولا أفراح
هاسيب قلبك حزين
كنت زمان حبيبي
كنت دوايا وكنت طبيبي
والوقتي مش لاقيا حبيبي
خلاص ياحبيبي متشكرين.....
خلصت خلاص الحكايه
كانت بدايتنا نهايه
شكراً ياحبيبي كفايه
ضاع الحب ف غمضة عين
غنائي.....
محمود عبدالخالق...
..............رساله إلى حبيبتي.............. 30
أراكي في كل مكان حولي
فلاسبيل لقلبي أن ينساكي
تفردتي بكل جوارحي
وجوانحي
وكإني لم يسكن روحي
غيركي من النساء
لا أدري لما كل هذا الحب
رغم البعاد والفراق
لا أدري لما كل هذا الإشتياق
لا أدري ياقلبي لما كل هذا العناء
أحياناً أعاتب نفسي على إثمي
ففي شرعي حبي لكي كان
ظلمٌ لنفسي عظيم
وفراقي لكي كان نصراً لروحي
مبين .....
يامن أشعلتي فؤادي بنار هواكي
لماذا أنتي دون كل النساء كُتبَ
عليّا أن أهواكي
لما ذا أنتي دون نساء الكون عذبني
فراقك
لماذا أصبحت بين يديكي الآثمتين
قتيلاً
فزدتي أعداد الضحايا في هواكي
ضحيةً جديده
أيتها الماكرةُ الداهيةُ المُخادعه
مازلت أحبك ومازال قلبي يهواكي
لكن عقلي قد أصدر فرماناً لقلبي
لكي ينساكي
ومازالت روحي بينهما عليله
تنتظر القلب كي ينسى
وتنتظر العقل كي يتراجع عن قرار
نسيانك
لكن مازال هواكي يشغلُني ويمزقني .
يامن دخلتي حياتي بلا موعد
وخرجتي منها بلا موعد
وبيديكي سطرتي آخر سطر في قصتنا
مازال قلبي إليكي يحن ويشتاق
فقد عذبني لوعة الفراق
ومازالت عيوني تائهه في بحور عينيكي
أرسلت رسالتي وأنتطرك هنا
في نفس المكان الذي فيه التقينا
عودي إليا لنجدد عهد حبنا
ونطوي جروح الماضي في صفحات
النسيان
عودي لقلبي الحاني المشتعل كالبركان
عودي حبيبتي وانقذيني من هذا
الهذيان
فحبك قد تملَّك كل كياني
وأنتي تعلمي أن حبي لكي إدمان.........
عودي حبيبتي وأطفئي هذا البركان....
عودي حبيبتي فأنا مازلتُ في نفسِ
المكان.......
محمود عبدالخالق........
بطاقة الكتاب
-----------------------------------------------------------------------
عنوان المؤَلَّف : وجع الفراق
المؤلِّف : الشاعر/ محمود عبد الخالق
التصنيف : أشعار ( عامية )
رقم الإيداع :
عدد الصفحات : نشر فى منتدى جمعية إبداع الثقافية
رقم الإصدار الداخلى :2020/362
تاريخ الإصدار الداخلى : 10 / 2020 الطبعة الأولى
-------------------------------------------------------------
جميع حقوق الطبع والنشر محفوظة للشاعر، ولا يحق لأى دار نشر طبع ونشر وتوزيع الكتاب الا بموافـقة كتابية وموثـقة من الشاعـــر
