الرئيسية
ديوان
أحلام شاعر
للشاعر
السيد محمد صابر
إهداء
إلى روح أبى الذى علمنى كيف تكون الحياة
إلى أمى الغالية أطال الله لنا فى عمرها وأبقاها لنا رمزا للحنان والطيبة
إلى أحفاد الأعزاء ونور عينى سيف وسجى ويوسف وساندى
إلى أبنائى وزوجتى
إلى أخوتى الأحبة وأولادهم وأحفادهم
إلى كل من تروق له كلماتى
أهديكم أحرفى محملة بالحب
فتقبلوها بحب
الشاعر
(1)
عزاء واجب
=====
ولسه فى عقول غبية
وقلوب مريضة متختشيش
بيفرحوا لحزنك ياغالية
بتقتلك علشان تعيش
لسه فى إيدين شيطانة
كارهة يبقى ليكى جيش
وفى عز أزمة الكورونا
بيفجروا داااا أكل عيش
باعوا كل شئ يأمى
أنت فى نظرهم ما تساويش
بس أنت مش هتنسى
ومش هننسى ما تخافيش
دم شهدائك أمانة
أقسم بربى لو مش هاعيش
حق الشهيد لابد راجع
وجيشك هيفضل أأقوى جيش
======
(2)
ياكاتب كتاب التاريح
خلى الكتاب مفتوح
راقب بحرص وأمانة
لحظة طلوع الروح
يمكن ساعاتى الأخيرة
شيلالى مجد كبير
أو حتى يمكن تجود
وتداوى بعض جروح
,,,,,,,,,,,,,,,,,,,,,,,, عجبى
===========================
بين العيون والضى
قصة غرام تتقال
غرام وماله زى
ولا يوصفه الموال
لو مرة فارق النور
تبقى العيون عامية
ولو تغمض عنيك
هتدوق مر السؤال
.................................. عجبى
=============================
وبعد يومين هودعكم
وأكون راحل
ياريت ذكرايا وياكم
تعيش بينكم
وتكون الذكرى تستاهل
=====================
(3)
أمال لوكانوا كارهينك ؟
========
وانت حنينة دايما
طب ليه الخلق
ظالمينك
بيروا عطشهم من دمعك
ولأخر نقطة
عصرينك
بيتغنوا بأوجاعك
بألامك
وف لحظة يقولوا
عشقينك
أمال لوكانوا كارهينك ؟؟؟
بيجروا كتير
على الغربة
وهناك بيقولوا
وحشانا
سافرنا ياغالية
م الحاجة
وحبك باقى جوانا
ونشتقالك
ونقول لو لحظة نرجعلك
ندوق الشهد من نيلك
وحشانا كتير مواويلك
وفيك تحلى لمتنا
ماأحنا بجد عشقينك
ولما يزيد فى إيدهم مال
ويتبدل كتير الحال
يشوفوا الصورة معكوسة
ماليكى القرع والكوسة
والكلمة فيك محبوسة
أزاى الخلق طيقينك ؟
دا احنا بجد عشقينك
أمال لوكانوا كارهينك ؟؟؟
وغيرهم راحوا للتوهة
وخلطوا الحق بالباطل
ما هم برضو عشقينك
حبوكى بس شايفينك
ناسية تعاليم ربك
على خيال الظل صلبينك
وبإيديهم كمان سكين
بكل حماسة دبحينك
ولما تزيد قساوتهم
بلهيب النار كويينك
ويقولوا بجد عشقينك
أمال لوكانوا كارهينك ؟
=====================
(4)
أغنية ودا المقسوم
===========
رميت قلبى عشان خاطرك
فى وسط النار
وروحى لما تشتاقلك
ساقيتها مرار
رضيت ظلمى وقلت خلاص
بلاها الحب والإخلاص
ولهيب الغدر من قلبك
خلانى أعيش وأنا راضى
ودا المقسوم
لا عمرى احب من تانى
ولا قلبى يدق فى يوم تانى
واعيش العمر وأنا راضى
وصالح بكره وزمانى
وأقول عنك لكل الناس
حبيب فى الماضى بكانى
ولهيب الغدر من قلبك
خلانى أعيش وأنا راضى
ودا المقسوم
خلاص أبعد وأنا هنساك
وهاجبر قلبى ينسى هواك
وجرحى مسيره يتداوى
ولا فى حلمى هكون وياك
عيونى والجفون شاهدة
لاتشكى بدمعى فى يوم وحدة
ولا طيفك ليها مرة يزور
دلهيب الغدر من قلبك
خلانى أعيش وأنا راضى
ودا المقسوم
====================
(5)
بفرح لما بشوفك
===========
بفرح لما بشوفك
وأموت فى خجلك وكسوفك
يا ابو العيون كلها طيبة
وروحك هادية وقريبة
أنا عطشان ......
لهمسة تقولها بشفايفك
ولمسة حلوة من إيدك
وطلة حب من عينك
بكون هيمان ....
انا عاشق وكلى حنين
بشوف الشمس فى جبينك
يابدر فى السما عالى
ونجوم الليل مصحبينك
وأنا سهران ...
ليلاتى بشوف فى أحلامى
حاجات بتذيد فى ألامى
فى بعدك وأنت قدامى
كما المجنون ...
ياريت القلب يلاقيها
فى قلبك وانت حاسس بيها
نعشها فى حبنا حقيقة
متكونش ظنون ...
عاهدتك يوم بإخلاصى
وحبك للفؤاد بكره
وبفتكرك ومش ناسى
دانت لعقلى الفكرة
وانا المفتون ..
وبفرح لما بشوفك
وبموت فى خجلك وكسوفك
وأحلى عيون .
========================
(6)
ليه؟؟؟
====
ليه بنخلى الفرحة تملى
بطعم المر
ليه ليالينا بتطحن فينا
وتعد العمر
ليه أيامنا شايلة عذابنا
ووخدة الصبر
أنا لو قلبى كان يتحمل
كانت هتهون
بس دا قلبى ضعيف وصغير
مش حتة صخر
ليه فى عيونا وتحت جفونا
تسكنها دموع
وقلبى تملى رغم حنانه
يبات موجوع
عشت بضحى وابيع أحلامى
وقيد فى شموع
بس لاقتنى عشت مصدق
وأنا مخدوع
=========================
(7)
إللى بينا مكنش حب
==============
إللى بينا مكنش حب
مكنش حب من الأساس
إللى بنا كان ياعمرى
لعبة ماليها الحماس
كان حكاية كل يوم
كلمة حلوة ونظرة أحلى
وضحكة طايرة بجناحين
كان مقابلة فى الجناين
وحلم باهت للحياة
رسمة خايبة لسهم جارح
فى قلب مرسوم ع الورق
شئ خيالى جه بلمسة للإيدين
إللى بينا مكنش حب
إللى بينا كان كأنه شئ طفولى
إحساس وجودك جنب منى إداهولى
ولما تبعد عنى أرجع للحقيقة
وبخيالى أرجع أسرح من جديد
أشوف غرامى ويا فارس فوق حصان
ولبسة أبيض
أيوه فارس معاه بحس بالأمان
إللى بينا مكنش حب
مكنش حب من الأساس
إللى بنا كان ياعمرى
لعبة ماليها الحماس
=============================
(
قلبى إتصدم !!!!!!!!!!
===========
أنا مهما قولت عليك ملاك
ومهما حلمى أكون معاك
قلبى إتصدم فى حبه ليك
بعتوه ليه دا كان شاريك
وكان ياروحى كل المنى
تحضنى نظرة من عينيك
والاقى يوم حلو ف هواك
أنا كنت بحلم بدنيتك
وإنى ماشى سكتك
ونبض قلبى نغمة حلوة
بترقص عليها خطوتك
ونسيت عشانك دنيتى
وقلت عليها ذكريات
وقلت انى معاك يا عمرى
قلبى هيندم ع اللى فات
لكن هوايا لما أتصدم
فى لحظة واحدة لاقيته ماااااااااااات
=============================
(
دا يطلع إيه
=======
لما عيونك تكره نورها
لما حياتك تفقد دورها
لما تشوف الخير والشر
بمنظور واحد يبقى
دا أيه؟
ياللى بتهتف ضد حياتك
وكاره بكره فى كل حالاتك
ومسمى نفسك بشباب حر
قولى بربك دا يطلع أيه؟
مصر هتكبر أيوه هتكبر
وأحنا هنفضل كلنا عسكر
إيد واحدة فى وش الشر
مهما بفكرك قولت عليه !!
قال متعلم وخريج جامعة
وأنت الجهل بكل أشكاله
فكر مضلم وودان سامعة
صوت الظلم وبتدعى إليه
قولى بربك دا يطلع إيه؟
========================
(9)
من أوبريت (أحنا مين )
=======
أحد الشباب : قمت يا شعب وقولت نغير
طب ماحنا كمان لازم نتغير
سلبياتنا وسلوكياتنا أفة
شعب كبير وصغير
======
شاب أخر: اللى يقول أنا وحدى بعانى
يبقى صحيح جاهل متحير
إحنا الشعب بكل فئاته
لازم نلحق بكتير فاته
ان كان فى الصحة أو التعليم
الكل عارف ايه ذلاته
=======
شاب أخر: وفى الدواوين تلاقى موظف
ناسى ضميره فى كل حياته
ياخد رشوة بكل بجاحة
ويقول غلبان على قد حالاته
======
شاب أخر: أكله حرام وشربه حرام
وواقف يهتف وجانبه مراته
لما نكون احنا الفاسدين
لو نتغير هنبنى بلدنا
=====
شاب أخر: ليه بنحارب كل نجاح
ليه بنقتل كل كفاح
ونقول بكره لجل ولادنا
======
شاب أخر: التغير مش ثورة تقوم
ولا ميدان وهتاف هيدوم
التغير تعليم وقواعد
.لازم بيها الكل يساعد
=======
شاب أخر: يلا نجمع كل أيادى
ونتعب نعرق لجل بلادى
انت تصحح سلبياتك
وانا اعدل سلوكياتى
هتبقى الدنيا جنة ياصحبى
لجل ولادك وكمان اولادى
نبدر بذرة خير ونعلى
صرح حضارة لكل أحفادى
======
شاب أخر: أيوه صحيح طب مانت فلول
لازم ترمى علينا الذنب
ودا إخوان ودا سلفى يقول
علمانى بيهتف ضد الشعب
========
شاب أخر: لو هنادى بالتغيير
لازم نتوحد فى الصف
لازم نبدأ صفحة جديدة
مفهاش لا لون ولا صنف
========
شاب أخر: مصر عظيمة مصر كريمة
وبأولادها كتير تتفاخر
لما يكونوا إيد واحدة تلاقى
الكل يضحى عشان الاخر
======
شاب أخر: واكبر مثل جيشنا الغالى
حامى حدودنا بكل بسالة
وايد بتعمر تصنع تزرع
وفى أزماتنا صحيح رجالة
========
شاب أخر: ايوه قول مانت سيساوى
وللتطبيل طول عمرك غاوى
فاكر يعنى كده هتفوز
ولا جنابه فى رأيك حاوى
========
شاب أخر: ايوه رئيسنا إحنا إخترناه
وب قلوبنا واقفين وياه
أصل البطل معروف بتاريخه
وحبه لشعبه إحنا لمسناه
=========
شاب أخر: السيسى رئيس بتاريخ وأصالة
حامل هم الشعب بجد
والجندية مصنع رجالة
فى التضحية ملهاش حد
=======
(10)
مجرد وجهة نظر
=============
بنقول أشعاركده ف الأسعار
وكأن الثورة بيض وخيار
وكأن سنين الوكسة بحالها
عدت خالية من أى دمار
قمنا بثورة وقلنا نغير
كل حياتنا ونعيش أفكار
قلنا الثورة لجل ولادنا
أجيال جاااية ونمحى مرار
ليه دلوقتي كدة بنولول
ليه بنعدد بنزين وسولار
وكل حاجةااهي غليت طبعاً
وتقوا شلة من الأشرار
طب لو نبني بكره وبعده
أزاي نبني بدون أعزار
أزاي نخلق دنيا جديده
أزاي مصر هتبقى عمار
لو هنضحي ونتعب حبة
يمكن بكره نلقى ثمار
لكن لو عايزينها تولع
شعلل فيها ألفين نار
دمر فجر خرب فيها
واخلع عنك أي وقار
أصل الدرس اللي انت قرائته
وأتعلمته كانه بخار
لما قولنا هنبني بلدنا
لجل ولأدنا
ف الميادين كان الثوار
ووقف الشعب كله يطالب
بزيادة جامدة وبإصرار
في وقت كانت كل مصانع
كل مزارع تحت حصار
الكل عايز ينهب فيها
من غير جهد ولا أفكار
لحد ما كانت يوم هتفلس
والكل واقف فيها محتار
ولما كرمنا ربنا فيها
وظهرت فيها بصيص أنوار
رجعنا لنغمة اللي بايعها
واللي خانقها
واللي سرقها ف عز نهار
نفسي نفكر بس ونصبر
نفسي عملنا يكون جبار
نفسي ضميرنا يصحى شوية
علشان نبني بجد الدار
=====================
(11)
========
يا مصر اتظلمتى
==========
يا مصر اتظلمتى بجهل العباد
وطولة لسانهم وفظاظة الولاد
وثورة بتسرح داخل جتتهم
سرطان و نشره حثالة البلاد
مؤمرة وبانت خطوطها كمان
والكل سلم هيضيع الأمان
ومصر هتشحت ويقل خيرها
لازم نجمع كل اللى شارد
لازم نقرب كل اللى باعد
والكل يبنى صروح الوداد
وزينة شبابك وخيرة جنودنا
وراجل فداكى وضحى عشانك
قالوا دا باعوا ترابك ياغالية
ورئيسك بطلنا فى لحظة خانك
قولنا يا خلق دا شئ محال
دا رمز البطولة وزينة الرجال
بس الحقيقة ندور عليها
هاتوا الوثائق وشوفوا التاريخ
بلاش نردد فى كل حتة
كلام الجهالة وشغل العيال
قالوا بلدنا وتراب بلدنا
وكل اللى قالوا عايز يعيش
فى حتة ضلة وتحت المكيف
لاشاف حدودنا ولا خش جيش
بيسب البيادة طب مالها البيادة
عمر البيادة ما ترمز لجيش
بيصنع حضارة ويصنع تاريخ
ونصره وتاريخه ما يتنسيش
لكن بجهلك وطولة لسانك
وعشان انت سافل ما بتختشيش
بترمز لجيشك قال بالبيادة
وتقول عنه باع وتقول عنه خان
وتحلف بربك وتقسم كمان
وكأنك جنابك بتفهم سياسة
وكأنك جنابك بتعرف تاريخ
وكأنك حاميها وحارس حدودها
وكأنك ف كل الحروب اللى فاتت
رافع رايتها وواقف تحارب وسط الجنود
وانت البعيد تخاف من خيالك
والهوس اللى جالك لأنك جبان
لكن يا أغبى من كل الحمير
مصر بكرامة بترفض كتير
ممكن تضحى علشان العروبة
ممكن تواجه ممكن تحارب
ممكن تشيل همومنا فى قارب
وهموم العروبة دا واجب الكبير
بس تطمع فى ارض غيرها
لا يمكن لايمكن ياخلفة حمير
===========================
(12)
دخلوا المدارس
==============
دخلوا المدارس
للعلم لكن متعلموش
قالوا المناهج
حشو وحكومة مابيفهموش
وكبروا بفشلهم
دبلومات وجامعة
وحتى اللى خادله كام دكتوراة
كبر دماغه وما بيسمعوش
عشان م البداية
دول حبة تيران
الفذ فيهم شاهد عيان
على كل خيبة
ومهما توضح ما بيشوفوش
القصد يا سادة
قالوا البيادة ...
معناها جيشنا
رمز البطولة
ورمز البسالة
أصل دى عالم مابيختشوش
صحيوا فى ليلة
م النوم ينادوا
يسقط مبارك ..
يسقط دا خاين
ويسقط معاه كل اللى عاون
لعبوا بعقول الناس الغلابة
قالوا دا حزبه شوية ديابة
ثارت معاهم كل الفئات
وبانت كصرخة من كل الصدور
شعب وقالها ولازم يغور
وغار اللى قالوا عليه الحكاوى
واللى عشانه كانت غناوى
تمجد تهلل
وتمدح كمان
واتلم كله ف اللومان
وقامت محاكمة يذكرها التاريخ
مبارك فى قفصه معاه الولاد
الشعب طالب بشنق الجميع
لازم يموتوا دا حكم عادل
وعشان قانونهم قالوا يماطل
بس المحاكمة أخدت سنين
وحكم البراءة كان فى الميعاد
شيوخ الطريقة ثوار الميدان
هتفوا وقالوا يسقط كمان
كل اللى حكموا عليه بالبراءة
وجاتنا فى لحظة شلة جراد
هجموا علينا ومسكوا البلاد
قالوا مشايخ وعارفة الإله
برغم تاريخهم وبرغم المأسى
لاقيناهم ملكوا كل الكراسى
حتى اللى قاعد على باب حضانة
أخوان يا عالم وواخد حصانة
خلاصة الحكاية الشعب فاق
وشاف بعينه وحس المصيبة
قالوا نجدد ثورة ياعالم
تنادى جيشنا يرد المظالم
وياخد بإيدنا لبر الأمان
ونادوا قائدنا يقود السفينة
وقالوا يخدنا على اى مينا
معاكم يا جيشنا عرفنا الأمان
ولما حقق كل الأمانى
ورجعت بلادنا لإيدينا تانى
كان لازم نضحى ونتعب ونبنى
والكل يرفع راية الكفاح
حبك لبلدك مش بس كلمة
تقولها وترفع عليها السلاح
كانت جماعة الجراد اللى غاروا
ليها ديول فى كل حتة
خلايا تسرطن وتبيد فى لحظة
كان لازم نحارب كل الديول
والحرب كلمة لكن حكاية
لازم نضحى كدا م البداية
لازم نبنى بإيدينا بضمير
ونساعد جنودنا حتى النهاية
طلعوا التيران بشئ جديد
قالوا دا باعوا الأرض بلاش
جزيرتين فى بحر بقالهم سنين
علشان حماية أمن البلاد
جيشنا شاغيلهم بحبة أسود
لكن ياعالم فين الحدود
دول بره أرضى وما يخصنيش
وهما فى حمايا عشان احنا جيش
بنحمى العروبة قدرنا ياناس
ولا لتاريخكم ما تعرفوش
=====================
(13)
فلاسفة العصر
========
كل الفلاسفة أتجمعوا
وطلعوا ياناس بيان
كتبوا كلامهم وقعوا
وقالوا أرضنا من زمان
طب هى فين؟
حدودها ايه ؟
إشرحوالنا المكان
ولا هى بس ظيطة
من جاهل خسيس جبان
تعرفوا تقروا التاريخ
شاطرين تقولوا بس خان
باع ترابها ومجدها
دم الشهيد يا خلق هان
بطلوا شعارات عبيطة
كدابين ماشيين فى ظيطة
افهموا معنى الخريطة
تعرفوا حجم الأمان
=====================
(14)
الوشوش متغيروش
=======
الغريبة كل اللى عارض
فى الحكاية ماشفش جيش
تعرف كلامه منه فارط
فى وسط شلة بياكلوا عيش
تسخين تلاقى تخوين تلاقى
تلميح بمكر ما بحبهوش
وعشان يبانوا قال ثورجية
فهمين وهما مابيفهموش
يقولوا ع الجيش بيادة
فعلا يا خلق ما بيختشوش
والغريبة فكر واحد لمهم
والوشوش نفس الوشوش
=========================
(15)
لابد نصفى جوانا
===========
وعشان السكة نمشيها
ونوصل للجميل فيها
لابد نصفى جوانا
وننسى كل اللى مالينا
نشمر بالهمة ونعمر
ونخلى بكره اللى مش لينا
بعزم وقوة فى ايدينا
بلاش نبكى ونووح
ونقول الخير اهو مروح
ونوصف دول بأسيادنا
ونبكى مجد اجدادنا
بكانا يفرح أعادينا
بلدنا ملك لولادنا
وأحفادنا هيتحاكوا بغناوينا
لما يسمعوا الأطلال
وسيرة الحب من ثومة
ويلاقوا العندليب بيقول
وصباح الخير يا سينا
وراية تملى مرفوعة
وخضرة فوق تربها بساط
وميادينا وشوارعنا
ضميرنا نبض يحييها
وكلمة حق ترفعنا
ونظرة شوق لأمل ساطع
وصوتنا أذان يناديها
لا نكتم صوتنا جوانا
ولا يموت الأمل فينا
=====
(16)
حلم الشهيد
===========
ولما كان حلم اللى مات
يكون بطل ويكون شهيد
وإنه يسجل فى التاريخ
صفحة جديدة ملونة
لأحلى عيد
وإنه يصحى فينا الضمير
كان حلم صادق حققه
لما بدمه كتب لنا
ميلاد جديد
===============
(17)
بقايا همسات
=======
عشان قلبى اللى مش قلبى
هجر صدرى وراح ويااااك
بدارى الجــــــــــرح وبخبى
وبدعى المولى فى يوم أنساك
===============
عشان بيك كتير بأحلم
وأأقول يمكن فى يوم جايز
ألاقيك بالهجر تصدمنى
وقلبك هو إللى مش عايز
===============
وكل ما أأقول بتوحشــنى
تزيد فى البــعد وتعـــــاند
وليلاتى عقلى بيلــــومنى
ويقول دلعـــها شئ زايـــد
=================
ظلمنى كتير هواك وانت
قصاد عينى وبشتاق لك
وفاكــــرك وأنت ناسينى
وقلبى كماااااان بينده لك
=================
عشان حبك سكن قلبى
سألت الناس على دارك
قالولى الناس أوام إبعد
إزاى يابدر هاكون جارك
================
عشان حبك سبب جرحى
داريت عن أهلى أحزانى
ورويت بالدمع أزهارى
علشان مليش حبيب تانى
=================
عشقت الدمعـــــة والأنة
وسهدى ف ليلى وأسايا
وقلت يمكن فى يوم قلبى
يفــــــــــــرح وأنت ويايا
=============
جميل منك تقول إنك
لاقيت الفرحة فى عيونى
وأنا ف سنى اللى مش سنك
طب ليه الناس يلومونى
==================
ويسألنى كتير قلبى
لو كان الحب يوم زارك
أأقول أنك ولا بتسأل
وضحايا كتير فى مشوارك
=================
أول ما أشوفك قدامى
يخطفنى من روحى حنينى
تحضن عيونى أوام طيفك
حبك يبان على حبينى
==================
تخاصمنى ليه وتغيب عنى
والشوق إليك هيجننى
لو كنت يوم تزعل منى
أفديك بعمرى وسنينى
====================
يا جرح غدر فى قلب كان صافى
يا حمل هموم مرسوم على كتافى
يا نظرة شوق فى ليل مخنوق بضلامه
إرحم ضعيف ضناه الخوف ودا كافى
=======================
(18)
سكت الكلام
==========
سكت الكلام
وسط الغيام
وسط البكا
الكل شارد والدموع
بتحكى حكايات
رغم السكات
بتصرخ تقول
الدين حياة ...
للدم حرمة يا ناس ياهوووه
حكم الإله
أه الألام أه الوجع
مش أى أه
الكل فاكر إنه عايش ع السراط
وإن الجنة داره ومنتهاه
كل اللى خالف فكره حتى ومذهبه
مش بس دينه
يبقى كافر بالإله
لابد أنه ينتهى
وتتسلب منه الحياة
لازم يموت
جهل وضلال
وفكر متفصل عشان
نعيش بخوف
والخوف منا أو علينا
أصبح خلاص
من غير كسوف
إسلوب حياة
ذكرى ميلاد المصطفى
عايزانة بس نفتكر
خلق النبى
فعله وكلامه لأمته
أزاى نعامل بعضنا
إزاى نعيش
مسلم بيعبد ربنا
مابيفتريش
الدين معاملة
دا كلام خير البشر
مقلش فجر وإنتحر
وقول جهاد
مقلش إرهب ليل نهار
كل العباد
مقلش فجر فى الكنايس
وأقتل أخوك
إخوك وجارك فى الوطن
سندك وضهرك فى المحن
إيده بإيدك فى العبور
واقف معانا فى الطابور
شايل معانا همها
ماهو إبنها زيك تمام
والأرض أرضه
سكت الكلام ..
====
(19)
الشعب واحد
===========
الشعب واحد
مهما حاولوا يفرقوه
مسلم مسيحى
كل أخ فى ايد أخوه
بيبنوا مجدك من زمن
والتاريخ بيسطروه
دم واحد ع التراب
ورمل سينا
بكل فخر حرروه
واللى فاكر أنه قادر
فى يوم يفرق مرة بينهم
كل شعبك يلعنوه
ليه تشوف نفسك ملاك
وكل حد ليك مخالف
بيكون مصيره الهلاك
والضحايا بالألاف
والجميع لازم يخاف
أرهاب خسيس والإسم دين
والدين رسالة للحياة
ازاى يكون
قتل ودمار يا كدبين
الدين وفاء محبة وإخاء
الدين أمان الدين سلام
وأنتم بجد غدرين
ومصر باقية مهما كان
وشعب واحد للأبد
أأقباط كانوا ومسلمين
======================
(20)
موتوا فيكوا الشيطان
=============
الشيطان مهما كان
إنسى يعنى ولا جان
لازم يكون له الف وش
لازم يكون حلو اللسان
يوهم جنابك بالأمان
لجل القلوب تعيش فى غش
الشيطان بيكون صديق
شكله مخلص أو برئ
بس يهدم ألف عش
الشيطان بيكون حبيب
بس حبه كتير غريب
لا بينكسف ولا يوم يكش
الشيطان عايش مابينا
بألف حالة
نعرفه ونعرف مكانه
الكل منا وله شيطان
الكل منا وفيه شيطان
ونعترف دى الإستحالة
بتكون شيطان
لما بتخون الأمانة
لما تكشف سر كان
ولا تشعل نار وفتنة
لما بتسيب اللسان
بدون لجام
لما تغلط بالكلام
وتفتكر إن احنا متنا
بتكون شيطان
بتكون شيطان
لما بتفرق صحاب
لما بتكون وانت بينهم
حمل وديع
والخناجر بإيدك بتطعن
والشعار أنك تبيع
كل شئ واى حد
ما انت فى الاساس وضيع
بتكون شيطان
لما تلبس توب ملاك
بس لما الناس تشوفك
وانت وحدك فى المكان
دعوتك للناس هلاك
كل شئ
بيكون فى فعلك
بس ليك
الكون دا مفهوش سواك
الشيطان فى الإنس أكتر
فعله بين الناس بيكتر
موتوا فيكوا الشيطان
موتوا فيكوا الشيطان
===== ====================
(21)
تكريم المعلم يوم المعاش
=======
المعلم مهما عاش
سنه مايجيبش المعاش
المعلم فكر باقى
مهما غاب ما بيتنساش
المعلم نور تنور
بيه ظلمات العقول
المعلم طيف محبة
بين جدران الفصول
المعلم له رسالة
هو ليها يا ناس رسول
المعلم لكل فكر
جميل بداية
ورمز واضح للشمول
هو بانى كل جيل
وتتبنى عليه الحكاية
المعلم فى الأساس
للحياة هو الأساس
المربى والمعلم
وأب صالح أو صديق
المعلم لو نتوه
بيكون دليلنا فى الطريق
كل خطوة من خطاه
شمس بكره تكون معاه
بتمحى فينا أى ضيق
والنهارده بينا واحد
بفكره ربى أجيال كتير
منهم أطبة
ورجال قضاء
والمهندس والوزير
والمقاتل والمناضل
الكل لفضله أسير
بينا واحد كان معلم
كان مربى وبضمير
بالمحبة والصداقة
بيبنى صرح للعلاقة
النهارده فى خطوة تانية
نتمنى تكون إنطلاقة
دور جديد ضمن الرسالة
مش نهاية لا بداية
والعطاء مالوش نهاية
دا المعلم مهما عاش
سنه ما يجيبش المعاش
==== =======================
(22)
لحظة سكوت ...
============
لحظة سكوت ...
الكل واقف منتبه
لجنازة فايتة وفى احترام
من غير تبوت
لقلب عاشق اتظلم
وفضل يموت ..
القلب كان عايش عشان
يعشق حبيب
وف لحظة جاله من بعيد
طعنة فى مقتل
الحبيب قرر يغيب
قرر خلاص
يرحل بعيد وف سكوت ....
القلب كان علشان ضعيف
رسم حياته حلم قال
هيعيش معاه
أمن بأن القرب منه وبهواه
هى الحياه
ولما غاب عنه قام
فى لحظة مات
وف سكات
القلب مات وادفن
دفنوه خلاص
من غير كفن
وجنازته هى من غير تبوت
فى لحظة سكوت
============
(23)
خلفة شيطان
=========
من كلامك شخص تانى
شخص يشبه الملاك
شخص طيب مش أنانى
ما فى خير فى الكون سواك
من كلامك ومن دموعك
بتبقى كل الناس معاك
مهما كان الغدر باين
والحقيقة بجد واضحة
بالدموع والأه ورغم
نظرة عيونك بتبقى فاضحة
كل شئ بيعود كأنه
جرح جالك من هواك
والحقيقة إنك أنت
فى الأساس خلفة شيطان
معجون بغدروالخداع
شئ اساس فى دماك
===================
(24)
جرب بعدى
=======
لما لاقيتك عايز تنسى
عايز تهجر عايز تبعد
وقلبك طاوعك إنك تأسى
ورغم رجايا عمال تعند
قولت أسيبك أنت وراحتك
جرب بعدى .....
هقول لعيونى عليك تنساك
وأمسح صورتك إللى شايلها كمان فى جفونى
وأقول للقلب إللى بيهواك
داوى جراحك أنت بنفسك دارى شجونى
ياللى ظلمت القلب ببعدك
روح وأنسانى
لومقدرتش أنا أعيش بعدك
وزاد حرمانى
هادعيلك ليل ونهار
ماف يوم قلبك يحس مرار
لحظة فى بعدى
أبعد عنى وعيش وأتهنى
حب ونول ما بتتمنى
كل سعادة الدنيا عشانك
بتمنالك وانت فى بعدى
=======================
(25)
إحساس جميل
=========
إحساس جميل ..
إنك تحس إنك حبيب
إن القلوب تعشق هواك
ولك تميل
إحساااااس جميل
إحساس جميل لما تشوف
قلب واقف جمب منك
وبكل صدق بينصحك
وكله خوف
طبعا عليك
إحسااااس جميل
لما تلاقى كل كلمة من لسانه
من غير زواق
ومهما تأسى فى يوم عليه
فاجئة تلاقيه
فى لحظة راق
إحساااس جميل
أنك تشوف منه الوفا
كل الوفا ومش كلام
أأأأه ياسلام
إحساس جميل
فتح عنيك ......
دا مش حقيقة دا فى الخيال
دا أصبح ياسيدى م المحال
أنك تلاقى قلب مخلص
إنك تلاقى إنسان بيخلص
دا مستحيل
الكل عايز يملكك
تصبح فى لحظة عبد ليه
إن كان غريب وإن كان قريب
الكل قال أنه الحبيب
من غير دليل
الكل يشكى إنك فظيع
خسيس وضيع
بتبيع تخون كل الحاجات
بيوهبوك كل شئ
وأنت بتوهب الأهااات
فتح عيونك بص شوف
أنت لوحدك ودول ألوف
مهما يا غالى تكون شجاع
لازم تحس ببعض خوف
والخوف ساعات
إحساس جميل
=======================
(26)
صحيح شيطان !!!
==========
إتجمعوا ....
حوالين وليمة
فيها الكلام
أكبر غنيمة
عزف الشيطان لحن الهوى
الكل قام يرقص عليه
طب بس ليه
الكلمة بتهوى فى الجحيم
سبعين خريف
والفعل مهما يكون خسيس
من أهله مايبقاش
ظريف
متجمعين دايما عشان
العيش حرام
والكل شركا فى الرغيف
قام الشيطان يخطب زعيم
والجمع كله خسيس لئيم
كان الكلام ...
فى بدايته حلم بيترسم
وسط الكلام
وصف النجاح
وكأنه جرح من الجراح
وبكل بجاحة بيتهم
قالوا بنينا الحلم دا
والجهد كان بالشكل دا
مابخلينا عليها يوم بمال
والحلم قرب م الخيال
واقع وبيكيد العدا
قام اللئيم
عمل زعيم
نكر الجمايل والفدا
قال النجاح حقى أنا
والكل يرحل من هنا
وكان الشيطان
بالدمع بيغلف كلمته
الكل شافه بالودان
مظلوم ودارى دمعته
قالوا اللئيم ...
هيشوف سواد فى دنيته
ظالم وناكر للجميل
أما الشيطان ...
دا حمل وديع
عمره ما فكر يوم يبيع
ولا مرة خان
صحيح شيطان ..
========== ===============
(27)
م البداية ...
==========
م البداية ...
فى ناس بتحلم بالنهاية
الوش شايل ألف بسمة
والقلب أسود م الخداع
فكرة شيطان
فرق ما بين الخلق لكن
مسيره يوم للناس يبان
أصل الشيطان
مهما غير فى الصور
هيفضل شيطان
ياقلوب مغلفها السواد
من غير عناد
من غير وجع
البعد عنكم خير كبير
وكل واحد له ميعاد
ومهما زاد الحقد بينكم
هتلاقوه
فى كل خطوة أو طريق
نبتة شيطان
======= =====================
(28)
حكاية غرام
=========
فى الغرام ..
حكايات كتيرة
مؤلمة
وقلوب كتير
متألمة
وعيون بتسهر ليل طويل
ووشوش كئيبة مبلمة
وأنا فى الغرام
مجرد حكاية
عيون بتحلم بالمستحيل
شفايفى تبان متبسمة
والقلب غارق فى الألم
والعقل بيقاسى الندم
نهار وليل
فى الغرام ...
تلقى السهام
تجرح قلوب
وقلوب تعانى م الفراق
ولا يوم تتوب
تلقى الأهات
أغنية على لحن الشجن
معذوفة من وحى الوهن
لكن يا دووب
متنغمة
=============================
(29)
ليه يا صاحبى
===========
وكأنى بشوفك أول مرة
مغرور كداب وأنانى
بياع بتبيع بكلام معسول
ووعود بتقول
إنك مشغول
لكن فى الحلم أكيد بانى
ويمر الوقت وقلت خلاص
هيبان المعدن والإخلاص
أتاريك بتحارب بكل حماس
بتهد بإيدك فى كيانى
وأنا فاكر إن مفيش غيرك
ومستنى كمان فضلت خيرك
تشيل بإيديك وتكون مع أخوك
وأنت مفهمنى وقولت باعوك
وفاتوك فى المركب وحدانى
وعشت كتير مستنى تعود
وتنفذ شئ من بعض ووعود
وتغيب وتغيب وتقول موجود
أأمر وأنا أجيلك فى ثوانى
وتمر أيام وشهور وسنين
ولا تسأل حتى بنظرة عين
وإن مرة سألت وقولت دا فين
ألقى أعذارك سبقانى
فهمنى وقولى نويت على إيه
ويوم عن يوم بتبعد ليه
لوكنت خلاص بايع ما تقول
أكيد هيكون إنسان تانى
الحلم حلمته وعشته كمان
ويوم عن يوم بقى اسمه كيان
والكل بيحلف بكل نجاح
نادر تلاقيه فى زمانى
أحبابه كتير فى كل مكان
والكل سعيد جدا فرحان
وانا خايف ااقول انك غيران
وكلامك لسه فى ودانى
لو عايز تكبر وحدك قول
وبلاش توهمنى إنك مشغول
خليك صريح وتعالى على طول
دا نجاحك يبدد أحزانى
أنا أفرح لما تكون أستاذ
ويكون لك ميت مليون إنجاز
ولا أزعل أبدا مهما يكون
دانت من أهلى وخلانى
دانت من أهلى وخلانى
==============================
(30)
إياك تسامح
=========
إياك تسامح قلب حبك
مهما كان منه إعتذار
إياك تسامح قلب داب
فى البعد قاسى شوق ونار
إياك تحن مرة واحدة
أو يكون له إختيار
لازم تبيع إياك تعود
لازم تبيع كل الوعود
لازم يحس بذنبه أنه
فى لحظة حس أنه فى كيانك
وكل حلمه يكون عشانك
فى بكره أيوه ودا القرار
إياك تسامح أو تحن
خلى هجرك له جزاء
ليه يحبك حب عمر
حب عقله منه جن
شمسه طالعة ليل نهار
دوس بقوة بكل عزم
على قلب حبك وإنكوى
دوس وجرح مهما كان
اديله درس فى الهوى
علمه ازاى يكون
حلمه يوم نكون سوا
إياك تحن أو يكون منك سماح
لقلب بيعشق خطوتك
انسى وارحل عنه كمل
كمل حبيبى فى سكتك
سيبه يندم ع اللى راح
سيبه يبكى ويشتكى
سيبه يشرب م المرار
إياك تسامح أو تحن
======== ==================
(31)
عايشة ف وهم
=======
مافيش بينا شئ أصلا
ولا بسهر ولا أتألم
ولا باحلم في يوم بيكى
ولا فى الهجر بتكلم
رسمتى لوحة فى خيالك
وقولتى الخلق تتعلم
من قصة حب حراقة
وقولتى مسيرى راح أسلم
صبرت عليكى كتير ياما
لكن دلوقتى هتكلم
سنين مرت وأنا ساكت
واقول بكره أكيد هتفوق
ويوم عن يوم تروح منك
وحالتك ليه ما راضية تروق
بشوف ف عنيك كتير غيرة
وانا من غيرتك انا مخنوق
ااقول يمكن ف يوم تفهم
حدود بنا كتير قايمة
لقيتك عايشة دور ليلى
وليل ونهار كدا عايمة
فى وهم عشش كدا ف عقلك
فى حلم صعب يتحقق
ومهما قولت ف يوم ليك
كلام لابد يتصدق
ودانك سامعة صوت شيطان
عايزنى فى بحرك انا أغرق
ف لحظة ضعف كان غلطى
قولت كلام بيرضيكى
وقولت اعيش فى الاوهام
قصدى كان أنا اهديك
لقيته للجميع منشور
بيحكى انى بدوب فيكى
طب فين حبك المزعوم
وفين الشوق وألامه
وفين الصدق فى كلامك
فى رب هتقفى قدامه
======== ======================
(32)
بوح .....
=========
وعشان العشق جوانا
بنحكى عن الألم مرات
مرة نبكى بدموعنا
ومرة الشكوى بالأنات
ومرة نكتبه قصة
ومرة قصيدة وحروفها
نزيف الدم والأهات
بيسمعها وتسمعها
سنين عدت وعمر فات
ولما نبوح بأوجعنا
ونرسم صورة تجمعنا
مع العاشق والمعشوق
بتهدى دغرى جوانا
براكين ثارت ولحظة نفوق
نلاقى كل شئ عدى
وكل ثورة يا ناس تهدى
ونرجع نحب من تانى
وتتجدد كدا جرحنا
ونتألم ما نتعلم
من اللى فات
عشان العشق جوانا
بنحكى عن الألم مرات
============ ================
(33)
عايش على الهامش
===========
لا مجنى عليه ولا جانى
و انا عايش ع الهامش
وقلبى تملى خلانى
كما الريشة ف عز الريح
أجرى عليكوا بالمشوار
أوام أرجع بقلب جريح
وحتى لما أتململ
وأتألم وأقول الأه
بتمنعونى من التصريح
واعيش ليلى جماد ساكن
وجوايا سواد داكن
وحزن كبير وشوق جارف
وقلب أصيل لكن خايف
وأعمى كمان ماهوش شايف
طريقه منين
وتمر سنين وراها سنين
ويفنى العمر عن أخره
مايبقى غير يادوب ساعتين
الاقى الدمعة فى عيونكم
ونظرة حزن جواها
وتنهيدة بطعم مرار
كأنى كنت وياكم ....
كأنى كنت صحيح عايش
مابين أهلى وخلانى
ولا عمرى كنت ع الهامش
ولا قلبى تملى خلانى
كما الريشة ف عز الريح
وأسمعكم بتدعولى
تفوت ساعة وأنا مذهول
وأقول لنفسى معقولة
ترد تقولى مش معقول
سنين العمر خلاص مرت
وباقى منه يادوب لحظات
وقبل ما ينتهى قولها
أسمعها منهم بصوت عالى
خلاص فاتنا .. خلاص
ماااااااااااااااااااااااات
======= ======================
(34)
مابين اللحظة واللحظة
============
مابين اللحظة واللحظة
سنين بتمر
وحاجات العقل بيشوفها
يتوه فيها ما يعرفها
والقلب كمان بيتألم
ياريتنى ااقدر أحذفها
وطول العمر
قولت الصبر موالى
راضى تملى عن حالى
ولجل العيشة تحلالى
صاحبت الصبر
لكنى بلاقى أيامى
تملى واقفة أدامى
شايلة الجرح والأسوة
بتخنق بيها أحلامى
بطعم المر
قولت احاسب ف يوم نفسى
واراجع كل افعالى
لاقيتنى فى الحياة ظالم
لجميع أهلى وخلينى
وظلمى أنى مع صبرى
نسيت أحاسب الجانى
دا كل الأمر
=============================
(35)
أبى ...
========
مر وقت كتير يا غالى
من يوم غيابك
وأنت فينا
لسه باقى ...
لسه ساكن
وف قلوبنا كمان مالينا
كنت طيبة
وحنان ورحمة
كل حاجة حلوة لينا
كنت فرحة
وبسمة طارحة
كنت غنوة ولحن صافى
كنت نور وحضن دافى
كنت عين تسهر علينا
من يوم غيابك واحنا لسه
حاسين وجودك
كل لحظة بتمر بينا
عايشين بصوتك
أنت عايش رغم موتك
ذكرى بتجدد وجودك
كل لحظة
==== ======================
(36)
أمى ...
========
كلمة واحدة بس فيها
كل معنى للحنان
حضن دافى مهما نبعد
نلقى فيه كل الأمان
دعوة واصلة بقلب طاهر
مستجابة م الرحمن
أمى هى نور حياتنا
هى بكره واللى كان
قالوا عنها وغنوا ليها
أمى هى .... الجنان
لو هنوصف بس فيها
مفيش كلام راح يوفى
هى أمى بس أمى
كلمة يعرفها الزمان
شهور تعانى حمل قاسى
بس فرحة ف قلبها
ووضع مؤلم وف أهاته
حلم جالها وحبها
بيتولد لحظة ميلادى
جاى يكمل فرحها
اول حضن كان بيحكى
شوق ولهفة ف صدرها
نظرة واحدة من عنيها
رسمة فرحة عمرها
هى أمى بس أمى
ليل طويل كانت بتسهر
لما أقول من تعبى أأأأأه
تدعى ربى بكل نبرة
تتوهب ليا الحياة
ولما قومت عشان أخطى
برجلى خطوات الضعيف
تاتا تاتا خطى يابنى
دوس وأمشى بكره تجرى
بكره هتكون السند
نفسى أشوفك بكره شايل
حلم بلدى إللى اتولد
يوم ميلادك
نفسى أشوفك زرع طارح
والثمر هيكون ولادك
أمى هى بس أمى
========= ====================
(37)
مات الضمير
=========
أصبح خلاص
كل شئ بين البشر
إلا الوفا
مات الضمير
أصبح خلاص
توب الخيانة للجميع
والغدر دا أصبح طريق
أصبح مصير
الكل عارف خطوته
أو طعنته
فى ضهر مين
صاحب أمين
صديق متين
أو أخ يمكن والسؤال
أأقول يا مين ؟
الكل عارف علته
الزيف محاوط كل شئ
الضحكة سم فى الشفايف
النظرة خنجر م العيون
الكلمة شرارة غدر
تحرق كمان فى المحبة
وتكتر وتكتر بالظنون
وكل شئ بين البشر
ممكن يهون
زمان لما كان فى بشر
وكان فى دم
وكان فى نظر
كانت حاجات كتير
جميلة فى الحياة
كان الجيران فعلا جيران
كان الصحاب
متجمعة فى كل وقت وكل شئ
كان القرايب وقتها
تعرف تصون
===================================
(38)
وقت الشدايد
=========
وقت الشدايد تظهر معادن
حتى كل الأقنعة ممكن تدوب
تظهر وشوش متلونة
بأحمر خدود
لون يادوب
وشوش بجد ميتة
أحساس مفيش
باردة زى التلج لكن
بتقول نعيش
بالغدر جايز والخداع
بضمير ميت من زمن
والكل باع
وقت الشدايد
تظهر معادن النفوس
ازاى تكون مخلص قوى
وف يوم تدوس
على كل شئ وبدون سبب
تنسى اللى شالك
تنسى اللى عانك
تنسى اللى خلا ضحكتك
بعد ماكانت دمعتك
هى الأساس
تنسى اللى نور سكتك
وخد بإيدك
تنسى اللى كنت بتحسبه
وكأنه سيدك
وقت الشدايد تظهر معادن البشر
خيالات بتمشى وسطنا
عاملين بشر
دا معدنه يادوب ورق
ودا من بعيد تحس أنه
من دهب
يقرب كمان تكتشف
أنه صفيح
ودا عامل جنابه محترم
والعنطظة والفشخرة
دى لعبته
ولما تعامله تعرفه
كوز وإتخرم
الكل عايش بالدهان
الوان كتير
وقت الشدايد يظهر يبان
كل الحقايق خادعة
حتى أنا إيه معدنى ؟؟؟
معقول أكون أنا زيهم
عايش بوش غير الحقيقة
نظرة عيونى للجميع
نظرة خبيثة ومش بريئة
قلبى زى قلوب كتير
شايل مخبى
ولا عايش فى وهم دام
سنين كتير
وهو قلبى
وقت الشدايد كنت انا
دايما فى كل الأزمنة
كنت انا
وش واحد ... قلب واحد
فعلى دايما للكل باين
لما أكره غدر صاحب
يبقى عمرى ما كنت غادر
لما ارفض يوم خيانة
يبقى عمرى ما كنت خاين
لما باطالب الصفا
بين الجميع
لما عايز الوفا يكون قانون
وأن عيشى وملحى
مايوم يهون
أزاى أكون أنا زيهم
أزاى أكون ؟
======== =================
(39)
انت الحب
======
ياللى الحب عشانك عشته
و كل الشهد ...
بحلاوة الشهد معاك شريته
ياللى الفرح معاك لاقيته
وألام الجرح ياروحى دويته
وفات من عمرى سنين وسنين
صرح الحب لاقيتنى بنيته
بس ياروحى
كلام الحب له ألوانه
مرة بيفرح
مرة بيبكى
مرة يئن القلب عشانه
مرة أشتاق
مرة يحس ألام وفراق
مرة الوصل يزين أيامه
بس الحب تملى بيكبر
عمره فى مرة ما قل مقامه
حلوة حياتنا بكل ما فيها
فرحة ودمعة دا محليها
ولما نمر بظرف عصيب
بتبقى ياروحى اعز حبيب
قلب حنين ...
عقل كبير ....
ايد بتطبط ....
عين بتسمى بإسم الله
عمرى ما اقول فى لحظة الأه
ويبقى الحزن تملى غريب
أما ولادنا أحلى هدية من الرحمن
وكمان أحفدنا
خلوا حياتنا جنان فى جنان
كلمة جدو يقولهالى سيف
فى عز البرد بحس بصيف
والأمورة سجى السنيورة
اجمل طلة ودم خفيف
هم نعيم الدنيا بحالها
جددوا عمرى بعد خريف
انت شاركتى القلب بكاه
قبل الفرح
انت داويتى يا عمرى الامه
انت الشجرة بكل الضل
انت الفرحة وست الكل
انت الزوجة وانت الام
انت يابوحة كل احلامه
عنوان الكتاب : أحلام شاعر
النوع : شعر عامية
الكاتب : السيد محمد صابر
اسم الشهرة : المقاتل الشجاع
الطبعة : الاولي
رقم الايداع : 11/2020
منتدى جمعية إبداع الثقافية
أحلام شاعر
للشاعر
السيد محمد صابر
إهداء
إلى روح أبى الذى علمنى كيف تكون الحياة
إلى أمى الغالية أطال الله لنا فى عمرها وأبقاها لنا رمزا للحنان والطيبة
إلى أحفاد الأعزاء ونور عينى سيف وسجى ويوسف وساندى
إلى أبنائى وزوجتى
إلى أخوتى الأحبة وأولادهم وأحفادهم
إلى كل من تروق له كلماتى
أهديكم أحرفى محملة بالحب
فتقبلوها بحب
الشاعر
(1)
عزاء واجب
=====
ولسه فى عقول غبية
وقلوب مريضة متختشيش
بيفرحوا لحزنك ياغالية
بتقتلك علشان تعيش
لسه فى إيدين شيطانة
كارهة يبقى ليكى جيش
وفى عز أزمة الكورونا
بيفجروا داااا أكل عيش
باعوا كل شئ يأمى
أنت فى نظرهم ما تساويش
بس أنت مش هتنسى
ومش هننسى ما تخافيش
دم شهدائك أمانة
أقسم بربى لو مش هاعيش
حق الشهيد لابد راجع
وجيشك هيفضل أأقوى جيش
======
(2)
ياكاتب كتاب التاريح
خلى الكتاب مفتوح
راقب بحرص وأمانة
لحظة طلوع الروح
يمكن ساعاتى الأخيرة
شيلالى مجد كبير
أو حتى يمكن تجود
وتداوى بعض جروح
,,,,,,,,,,,,,,,,,,,,,,,, عجبى
===========================
بين العيون والضى
قصة غرام تتقال
غرام وماله زى
ولا يوصفه الموال
لو مرة فارق النور
تبقى العيون عامية
ولو تغمض عنيك
هتدوق مر السؤال
.................................. عجبى
=============================
وبعد يومين هودعكم
وأكون راحل
ياريت ذكرايا وياكم
تعيش بينكم
وتكون الذكرى تستاهل
=====================
(3)
أمال لوكانوا كارهينك ؟
========
وانت حنينة دايما
طب ليه الخلق
ظالمينك
بيروا عطشهم من دمعك
ولأخر نقطة
عصرينك
بيتغنوا بأوجاعك
بألامك
وف لحظة يقولوا
عشقينك
أمال لوكانوا كارهينك ؟؟؟
بيجروا كتير
على الغربة
وهناك بيقولوا
وحشانا
سافرنا ياغالية
م الحاجة
وحبك باقى جوانا
ونشتقالك
ونقول لو لحظة نرجعلك
ندوق الشهد من نيلك
وحشانا كتير مواويلك
وفيك تحلى لمتنا
ماأحنا بجد عشقينك
ولما يزيد فى إيدهم مال
ويتبدل كتير الحال
يشوفوا الصورة معكوسة
ماليكى القرع والكوسة
والكلمة فيك محبوسة
أزاى الخلق طيقينك ؟
دا احنا بجد عشقينك
أمال لوكانوا كارهينك ؟؟؟
وغيرهم راحوا للتوهة
وخلطوا الحق بالباطل
ما هم برضو عشقينك
حبوكى بس شايفينك
ناسية تعاليم ربك
على خيال الظل صلبينك
وبإيديهم كمان سكين
بكل حماسة دبحينك
ولما تزيد قساوتهم
بلهيب النار كويينك
ويقولوا بجد عشقينك
أمال لوكانوا كارهينك ؟
=====================
(4)
أغنية ودا المقسوم
===========
رميت قلبى عشان خاطرك
فى وسط النار
وروحى لما تشتاقلك
ساقيتها مرار
رضيت ظلمى وقلت خلاص
بلاها الحب والإخلاص
ولهيب الغدر من قلبك
خلانى أعيش وأنا راضى
ودا المقسوم
لا عمرى احب من تانى
ولا قلبى يدق فى يوم تانى
واعيش العمر وأنا راضى
وصالح بكره وزمانى
وأقول عنك لكل الناس
حبيب فى الماضى بكانى
ولهيب الغدر من قلبك
خلانى أعيش وأنا راضى
ودا المقسوم
خلاص أبعد وأنا هنساك
وهاجبر قلبى ينسى هواك
وجرحى مسيره يتداوى
ولا فى حلمى هكون وياك
عيونى والجفون شاهدة
لاتشكى بدمعى فى يوم وحدة
ولا طيفك ليها مرة يزور
دلهيب الغدر من قلبك
خلانى أعيش وأنا راضى
ودا المقسوم
====================
(5)
بفرح لما بشوفك
===========
بفرح لما بشوفك
وأموت فى خجلك وكسوفك
يا ابو العيون كلها طيبة
وروحك هادية وقريبة
أنا عطشان ......
لهمسة تقولها بشفايفك
ولمسة حلوة من إيدك
وطلة حب من عينك
بكون هيمان ....
انا عاشق وكلى حنين
بشوف الشمس فى جبينك
يابدر فى السما عالى
ونجوم الليل مصحبينك
وأنا سهران ...
ليلاتى بشوف فى أحلامى
حاجات بتذيد فى ألامى
فى بعدك وأنت قدامى
كما المجنون ...
ياريت القلب يلاقيها
فى قلبك وانت حاسس بيها
نعشها فى حبنا حقيقة
متكونش ظنون ...
عاهدتك يوم بإخلاصى
وحبك للفؤاد بكره
وبفتكرك ومش ناسى
دانت لعقلى الفكرة
وانا المفتون ..
وبفرح لما بشوفك
وبموت فى خجلك وكسوفك
وأحلى عيون .
========================
(6)
ليه؟؟؟
====
ليه بنخلى الفرحة تملى
بطعم المر
ليه ليالينا بتطحن فينا
وتعد العمر
ليه أيامنا شايلة عذابنا
ووخدة الصبر
أنا لو قلبى كان يتحمل
كانت هتهون
بس دا قلبى ضعيف وصغير
مش حتة صخر
ليه فى عيونا وتحت جفونا
تسكنها دموع
وقلبى تملى رغم حنانه
يبات موجوع
عشت بضحى وابيع أحلامى
وقيد فى شموع
بس لاقتنى عشت مصدق
وأنا مخدوع
=========================
(7)
إللى بينا مكنش حب
==============
إللى بينا مكنش حب
مكنش حب من الأساس
إللى بنا كان ياعمرى
لعبة ماليها الحماس
كان حكاية كل يوم
كلمة حلوة ونظرة أحلى
وضحكة طايرة بجناحين
كان مقابلة فى الجناين
وحلم باهت للحياة
رسمة خايبة لسهم جارح
فى قلب مرسوم ع الورق
شئ خيالى جه بلمسة للإيدين
إللى بينا مكنش حب
إللى بينا كان كأنه شئ طفولى
إحساس وجودك جنب منى إداهولى
ولما تبعد عنى أرجع للحقيقة
وبخيالى أرجع أسرح من جديد
أشوف غرامى ويا فارس فوق حصان
ولبسة أبيض
أيوه فارس معاه بحس بالأمان
إللى بينا مكنش حب
مكنش حب من الأساس
إللى بنا كان ياعمرى
لعبة ماليها الحماس
=============================
(
قلبى إتصدم !!!!!!!!!!
===========
أنا مهما قولت عليك ملاك
ومهما حلمى أكون معاك
قلبى إتصدم فى حبه ليك
بعتوه ليه دا كان شاريك
وكان ياروحى كل المنى
تحضنى نظرة من عينيك
والاقى يوم حلو ف هواك
أنا كنت بحلم بدنيتك
وإنى ماشى سكتك
ونبض قلبى نغمة حلوة
بترقص عليها خطوتك
ونسيت عشانك دنيتى
وقلت عليها ذكريات
وقلت انى معاك يا عمرى
قلبى هيندم ع اللى فات
لكن هوايا لما أتصدم
فى لحظة واحدة لاقيته ماااااااااااات
=============================
(
دا يطلع إيه
=======
لما عيونك تكره نورها
لما حياتك تفقد دورها
لما تشوف الخير والشر
بمنظور واحد يبقى
دا أيه؟
ياللى بتهتف ضد حياتك
وكاره بكره فى كل حالاتك
ومسمى نفسك بشباب حر
قولى بربك دا يطلع أيه؟
مصر هتكبر أيوه هتكبر
وأحنا هنفضل كلنا عسكر
إيد واحدة فى وش الشر
مهما بفكرك قولت عليه !!
قال متعلم وخريج جامعة
وأنت الجهل بكل أشكاله
فكر مضلم وودان سامعة
صوت الظلم وبتدعى إليه
قولى بربك دا يطلع إيه؟
========================
(9)
من أوبريت (أحنا مين )
=======
أحد الشباب : قمت يا شعب وقولت نغير
طب ماحنا كمان لازم نتغير
سلبياتنا وسلوكياتنا أفة
شعب كبير وصغير
======
شاب أخر: اللى يقول أنا وحدى بعانى
يبقى صحيح جاهل متحير
إحنا الشعب بكل فئاته
لازم نلحق بكتير فاته
ان كان فى الصحة أو التعليم
الكل عارف ايه ذلاته
=======
شاب أخر: وفى الدواوين تلاقى موظف
ناسى ضميره فى كل حياته
ياخد رشوة بكل بجاحة
ويقول غلبان على قد حالاته
======
شاب أخر: أكله حرام وشربه حرام
وواقف يهتف وجانبه مراته
لما نكون احنا الفاسدين
لو نتغير هنبنى بلدنا
=====
شاب أخر: ليه بنحارب كل نجاح
ليه بنقتل كل كفاح
ونقول بكره لجل ولادنا
======
شاب أخر: التغير مش ثورة تقوم
ولا ميدان وهتاف هيدوم
التغير تعليم وقواعد
.لازم بيها الكل يساعد
=======
شاب أخر: يلا نجمع كل أيادى
ونتعب نعرق لجل بلادى
انت تصحح سلبياتك
وانا اعدل سلوكياتى
هتبقى الدنيا جنة ياصحبى
لجل ولادك وكمان اولادى
نبدر بذرة خير ونعلى
صرح حضارة لكل أحفادى
======
شاب أخر: أيوه صحيح طب مانت فلول
لازم ترمى علينا الذنب
ودا إخوان ودا سلفى يقول
علمانى بيهتف ضد الشعب
========
شاب أخر: لو هنادى بالتغيير
لازم نتوحد فى الصف
لازم نبدأ صفحة جديدة
مفهاش لا لون ولا صنف
========
شاب أخر: مصر عظيمة مصر كريمة
وبأولادها كتير تتفاخر
لما يكونوا إيد واحدة تلاقى
الكل يضحى عشان الاخر
======
شاب أخر: واكبر مثل جيشنا الغالى
حامى حدودنا بكل بسالة
وايد بتعمر تصنع تزرع
وفى أزماتنا صحيح رجالة
========
شاب أخر: ايوه قول مانت سيساوى
وللتطبيل طول عمرك غاوى
فاكر يعنى كده هتفوز
ولا جنابه فى رأيك حاوى
========
شاب أخر: ايوه رئيسنا إحنا إخترناه
وب قلوبنا واقفين وياه
أصل البطل معروف بتاريخه
وحبه لشعبه إحنا لمسناه
=========
شاب أخر: السيسى رئيس بتاريخ وأصالة
حامل هم الشعب بجد
والجندية مصنع رجالة
فى التضحية ملهاش حد
=======
(10)
مجرد وجهة نظر
=============
بنقول أشعاركده ف الأسعار
وكأن الثورة بيض وخيار
وكأن سنين الوكسة بحالها
عدت خالية من أى دمار
قمنا بثورة وقلنا نغير
كل حياتنا ونعيش أفكار
قلنا الثورة لجل ولادنا
أجيال جاااية ونمحى مرار
ليه دلوقتي كدة بنولول
ليه بنعدد بنزين وسولار
وكل حاجةااهي غليت طبعاً
وتقوا شلة من الأشرار
طب لو نبني بكره وبعده
أزاي نبني بدون أعزار
أزاي نخلق دنيا جديده
أزاي مصر هتبقى عمار
لو هنضحي ونتعب حبة
يمكن بكره نلقى ثمار
لكن لو عايزينها تولع
شعلل فيها ألفين نار
دمر فجر خرب فيها
واخلع عنك أي وقار
أصل الدرس اللي انت قرائته
وأتعلمته كانه بخار
لما قولنا هنبني بلدنا
لجل ولأدنا
ف الميادين كان الثوار
ووقف الشعب كله يطالب
بزيادة جامدة وبإصرار
في وقت كانت كل مصانع
كل مزارع تحت حصار
الكل عايز ينهب فيها
من غير جهد ولا أفكار
لحد ما كانت يوم هتفلس
والكل واقف فيها محتار
ولما كرمنا ربنا فيها
وظهرت فيها بصيص أنوار
رجعنا لنغمة اللي بايعها
واللي خانقها
واللي سرقها ف عز نهار
نفسي نفكر بس ونصبر
نفسي عملنا يكون جبار
نفسي ضميرنا يصحى شوية
علشان نبني بجد الدار
=====================
(11)
========
يا مصر اتظلمتى
==========
يا مصر اتظلمتى بجهل العباد
وطولة لسانهم وفظاظة الولاد
وثورة بتسرح داخل جتتهم
سرطان و نشره حثالة البلاد
مؤمرة وبانت خطوطها كمان
والكل سلم هيضيع الأمان
ومصر هتشحت ويقل خيرها
لازم نجمع كل اللى شارد
لازم نقرب كل اللى باعد
والكل يبنى صروح الوداد
وزينة شبابك وخيرة جنودنا
وراجل فداكى وضحى عشانك
قالوا دا باعوا ترابك ياغالية
ورئيسك بطلنا فى لحظة خانك
قولنا يا خلق دا شئ محال
دا رمز البطولة وزينة الرجال
بس الحقيقة ندور عليها
هاتوا الوثائق وشوفوا التاريخ
بلاش نردد فى كل حتة
كلام الجهالة وشغل العيال
قالوا بلدنا وتراب بلدنا
وكل اللى قالوا عايز يعيش
فى حتة ضلة وتحت المكيف
لاشاف حدودنا ولا خش جيش
بيسب البيادة طب مالها البيادة
عمر البيادة ما ترمز لجيش
بيصنع حضارة ويصنع تاريخ
ونصره وتاريخه ما يتنسيش
لكن بجهلك وطولة لسانك
وعشان انت سافل ما بتختشيش
بترمز لجيشك قال بالبيادة
وتقول عنه باع وتقول عنه خان
وتحلف بربك وتقسم كمان
وكأنك جنابك بتفهم سياسة
وكأنك جنابك بتعرف تاريخ
وكأنك حاميها وحارس حدودها
وكأنك ف كل الحروب اللى فاتت
رافع رايتها وواقف تحارب وسط الجنود
وانت البعيد تخاف من خيالك
والهوس اللى جالك لأنك جبان
لكن يا أغبى من كل الحمير
مصر بكرامة بترفض كتير
ممكن تضحى علشان العروبة
ممكن تواجه ممكن تحارب
ممكن تشيل همومنا فى قارب
وهموم العروبة دا واجب الكبير
بس تطمع فى ارض غيرها
لا يمكن لايمكن ياخلفة حمير
===========================
(12)
دخلوا المدارس
==============
دخلوا المدارس
للعلم لكن متعلموش
قالوا المناهج
حشو وحكومة مابيفهموش
وكبروا بفشلهم
دبلومات وجامعة
وحتى اللى خادله كام دكتوراة
كبر دماغه وما بيسمعوش
عشان م البداية
دول حبة تيران
الفذ فيهم شاهد عيان
على كل خيبة
ومهما توضح ما بيشوفوش
القصد يا سادة
قالوا البيادة ...
معناها جيشنا
رمز البطولة
ورمز البسالة
أصل دى عالم مابيختشوش
صحيوا فى ليلة
م النوم ينادوا
يسقط مبارك ..
يسقط دا خاين
ويسقط معاه كل اللى عاون
لعبوا بعقول الناس الغلابة
قالوا دا حزبه شوية ديابة
ثارت معاهم كل الفئات
وبانت كصرخة من كل الصدور
شعب وقالها ولازم يغور
وغار اللى قالوا عليه الحكاوى
واللى عشانه كانت غناوى
تمجد تهلل
وتمدح كمان
واتلم كله ف اللومان
وقامت محاكمة يذكرها التاريخ
مبارك فى قفصه معاه الولاد
الشعب طالب بشنق الجميع
لازم يموتوا دا حكم عادل
وعشان قانونهم قالوا يماطل
بس المحاكمة أخدت سنين
وحكم البراءة كان فى الميعاد
شيوخ الطريقة ثوار الميدان
هتفوا وقالوا يسقط كمان
كل اللى حكموا عليه بالبراءة
وجاتنا فى لحظة شلة جراد
هجموا علينا ومسكوا البلاد
قالوا مشايخ وعارفة الإله
برغم تاريخهم وبرغم المأسى
لاقيناهم ملكوا كل الكراسى
حتى اللى قاعد على باب حضانة
أخوان يا عالم وواخد حصانة
خلاصة الحكاية الشعب فاق
وشاف بعينه وحس المصيبة
قالوا نجدد ثورة ياعالم
تنادى جيشنا يرد المظالم
وياخد بإيدنا لبر الأمان
ونادوا قائدنا يقود السفينة
وقالوا يخدنا على اى مينا
معاكم يا جيشنا عرفنا الأمان
ولما حقق كل الأمانى
ورجعت بلادنا لإيدينا تانى
كان لازم نضحى ونتعب ونبنى
والكل يرفع راية الكفاح
حبك لبلدك مش بس كلمة
تقولها وترفع عليها السلاح
كانت جماعة الجراد اللى غاروا
ليها ديول فى كل حتة
خلايا تسرطن وتبيد فى لحظة
كان لازم نحارب كل الديول
والحرب كلمة لكن حكاية
لازم نضحى كدا م البداية
لازم نبنى بإيدينا بضمير
ونساعد جنودنا حتى النهاية
طلعوا التيران بشئ جديد
قالوا دا باعوا الأرض بلاش
جزيرتين فى بحر بقالهم سنين
علشان حماية أمن البلاد
جيشنا شاغيلهم بحبة أسود
لكن ياعالم فين الحدود
دول بره أرضى وما يخصنيش
وهما فى حمايا عشان احنا جيش
بنحمى العروبة قدرنا ياناس
ولا لتاريخكم ما تعرفوش
=====================
(13)
فلاسفة العصر
========
كل الفلاسفة أتجمعوا
وطلعوا ياناس بيان
كتبوا كلامهم وقعوا
وقالوا أرضنا من زمان
طب هى فين؟
حدودها ايه ؟
إشرحوالنا المكان
ولا هى بس ظيطة
من جاهل خسيس جبان
تعرفوا تقروا التاريخ
شاطرين تقولوا بس خان
باع ترابها ومجدها
دم الشهيد يا خلق هان
بطلوا شعارات عبيطة
كدابين ماشيين فى ظيطة
افهموا معنى الخريطة
تعرفوا حجم الأمان
=====================
(14)
الوشوش متغيروش
=======
الغريبة كل اللى عارض
فى الحكاية ماشفش جيش
تعرف كلامه منه فارط
فى وسط شلة بياكلوا عيش
تسخين تلاقى تخوين تلاقى
تلميح بمكر ما بحبهوش
وعشان يبانوا قال ثورجية
فهمين وهما مابيفهموش
يقولوا ع الجيش بيادة
فعلا يا خلق ما بيختشوش
والغريبة فكر واحد لمهم
والوشوش نفس الوشوش
=========================
(15)
لابد نصفى جوانا
===========
وعشان السكة نمشيها
ونوصل للجميل فيها
لابد نصفى جوانا
وننسى كل اللى مالينا
نشمر بالهمة ونعمر
ونخلى بكره اللى مش لينا
بعزم وقوة فى ايدينا
بلاش نبكى ونووح
ونقول الخير اهو مروح
ونوصف دول بأسيادنا
ونبكى مجد اجدادنا
بكانا يفرح أعادينا
بلدنا ملك لولادنا
وأحفادنا هيتحاكوا بغناوينا
لما يسمعوا الأطلال
وسيرة الحب من ثومة
ويلاقوا العندليب بيقول
وصباح الخير يا سينا
وراية تملى مرفوعة
وخضرة فوق تربها بساط
وميادينا وشوارعنا
ضميرنا نبض يحييها
وكلمة حق ترفعنا
ونظرة شوق لأمل ساطع
وصوتنا أذان يناديها
لا نكتم صوتنا جوانا
ولا يموت الأمل فينا
=====
(16)
حلم الشهيد
===========
ولما كان حلم اللى مات
يكون بطل ويكون شهيد
وإنه يسجل فى التاريخ
صفحة جديدة ملونة
لأحلى عيد
وإنه يصحى فينا الضمير
كان حلم صادق حققه
لما بدمه كتب لنا
ميلاد جديد
===============
(17)
بقايا همسات
=======
عشان قلبى اللى مش قلبى
هجر صدرى وراح ويااااك
بدارى الجــــــــــرح وبخبى
وبدعى المولى فى يوم أنساك
===============
عشان بيك كتير بأحلم
وأأقول يمكن فى يوم جايز
ألاقيك بالهجر تصدمنى
وقلبك هو إللى مش عايز
===============
وكل ما أأقول بتوحشــنى
تزيد فى البــعد وتعـــــاند
وليلاتى عقلى بيلــــومنى
ويقول دلعـــها شئ زايـــد
=================
ظلمنى كتير هواك وانت
قصاد عينى وبشتاق لك
وفاكــــرك وأنت ناسينى
وقلبى كماااااان بينده لك
=================
عشان حبك سكن قلبى
سألت الناس على دارك
قالولى الناس أوام إبعد
إزاى يابدر هاكون جارك
================
عشان حبك سبب جرحى
داريت عن أهلى أحزانى
ورويت بالدمع أزهارى
علشان مليش حبيب تانى
=================
عشقت الدمعـــــة والأنة
وسهدى ف ليلى وأسايا
وقلت يمكن فى يوم قلبى
يفــــــــــــرح وأنت ويايا
=============
جميل منك تقول إنك
لاقيت الفرحة فى عيونى
وأنا ف سنى اللى مش سنك
طب ليه الناس يلومونى
==================
ويسألنى كتير قلبى
لو كان الحب يوم زارك
أأقول أنك ولا بتسأل
وضحايا كتير فى مشوارك
=================
أول ما أشوفك قدامى
يخطفنى من روحى حنينى
تحضن عيونى أوام طيفك
حبك يبان على حبينى
==================
تخاصمنى ليه وتغيب عنى
والشوق إليك هيجننى
لو كنت يوم تزعل منى
أفديك بعمرى وسنينى
====================
يا جرح غدر فى قلب كان صافى
يا حمل هموم مرسوم على كتافى
يا نظرة شوق فى ليل مخنوق بضلامه
إرحم ضعيف ضناه الخوف ودا كافى
=======================
(18)
سكت الكلام
==========
سكت الكلام
وسط الغيام
وسط البكا
الكل شارد والدموع
بتحكى حكايات
رغم السكات
بتصرخ تقول
الدين حياة ...
للدم حرمة يا ناس ياهوووه
حكم الإله
أه الألام أه الوجع
مش أى أه
الكل فاكر إنه عايش ع السراط
وإن الجنة داره ومنتهاه
كل اللى خالف فكره حتى ومذهبه
مش بس دينه
يبقى كافر بالإله
لابد أنه ينتهى
وتتسلب منه الحياة
لازم يموت
جهل وضلال
وفكر متفصل عشان
نعيش بخوف
والخوف منا أو علينا
أصبح خلاص
من غير كسوف
إسلوب حياة
ذكرى ميلاد المصطفى
عايزانة بس نفتكر
خلق النبى
فعله وكلامه لأمته
أزاى نعامل بعضنا
إزاى نعيش
مسلم بيعبد ربنا
مابيفتريش
الدين معاملة
دا كلام خير البشر
مقلش فجر وإنتحر
وقول جهاد
مقلش إرهب ليل نهار
كل العباد
مقلش فجر فى الكنايس
وأقتل أخوك
إخوك وجارك فى الوطن
سندك وضهرك فى المحن
إيده بإيدك فى العبور
واقف معانا فى الطابور
شايل معانا همها
ماهو إبنها زيك تمام
والأرض أرضه
سكت الكلام ..
====
(19)
الشعب واحد
===========
الشعب واحد
مهما حاولوا يفرقوه
مسلم مسيحى
كل أخ فى ايد أخوه
بيبنوا مجدك من زمن
والتاريخ بيسطروه
دم واحد ع التراب
ورمل سينا
بكل فخر حرروه
واللى فاكر أنه قادر
فى يوم يفرق مرة بينهم
كل شعبك يلعنوه
ليه تشوف نفسك ملاك
وكل حد ليك مخالف
بيكون مصيره الهلاك
والضحايا بالألاف
والجميع لازم يخاف
أرهاب خسيس والإسم دين
والدين رسالة للحياة
ازاى يكون
قتل ودمار يا كدبين
الدين وفاء محبة وإخاء
الدين أمان الدين سلام
وأنتم بجد غدرين
ومصر باقية مهما كان
وشعب واحد للأبد
أأقباط كانوا ومسلمين
======================
(20)
موتوا فيكوا الشيطان
=============
الشيطان مهما كان
إنسى يعنى ولا جان
لازم يكون له الف وش
لازم يكون حلو اللسان
يوهم جنابك بالأمان
لجل القلوب تعيش فى غش
الشيطان بيكون صديق
شكله مخلص أو برئ
بس يهدم ألف عش
الشيطان بيكون حبيب
بس حبه كتير غريب
لا بينكسف ولا يوم يكش
الشيطان عايش مابينا
بألف حالة
نعرفه ونعرف مكانه
الكل منا وله شيطان
الكل منا وفيه شيطان
ونعترف دى الإستحالة
بتكون شيطان
لما بتخون الأمانة
لما تكشف سر كان
ولا تشعل نار وفتنة
لما بتسيب اللسان
بدون لجام
لما تغلط بالكلام
وتفتكر إن احنا متنا
بتكون شيطان
بتكون شيطان
لما بتفرق صحاب
لما بتكون وانت بينهم
حمل وديع
والخناجر بإيدك بتطعن
والشعار أنك تبيع
كل شئ واى حد
ما انت فى الاساس وضيع
بتكون شيطان
لما تلبس توب ملاك
بس لما الناس تشوفك
وانت وحدك فى المكان
دعوتك للناس هلاك
كل شئ
بيكون فى فعلك
بس ليك
الكون دا مفهوش سواك
الشيطان فى الإنس أكتر
فعله بين الناس بيكتر
موتوا فيكوا الشيطان
موتوا فيكوا الشيطان
===== ====================
(21)
تكريم المعلم يوم المعاش
=======
المعلم مهما عاش
سنه مايجيبش المعاش
المعلم فكر باقى
مهما غاب ما بيتنساش
المعلم نور تنور
بيه ظلمات العقول
المعلم طيف محبة
بين جدران الفصول
المعلم له رسالة
هو ليها يا ناس رسول
المعلم لكل فكر
جميل بداية
ورمز واضح للشمول
هو بانى كل جيل
وتتبنى عليه الحكاية
المعلم فى الأساس
للحياة هو الأساس
المربى والمعلم
وأب صالح أو صديق
المعلم لو نتوه
بيكون دليلنا فى الطريق
كل خطوة من خطاه
شمس بكره تكون معاه
بتمحى فينا أى ضيق
والنهارده بينا واحد
بفكره ربى أجيال كتير
منهم أطبة
ورجال قضاء
والمهندس والوزير
والمقاتل والمناضل
الكل لفضله أسير
بينا واحد كان معلم
كان مربى وبضمير
بالمحبة والصداقة
بيبنى صرح للعلاقة
النهارده فى خطوة تانية
نتمنى تكون إنطلاقة
دور جديد ضمن الرسالة
مش نهاية لا بداية
والعطاء مالوش نهاية
دا المعلم مهما عاش
سنه ما يجيبش المعاش
==== =======================
(22)
لحظة سكوت ...
============
لحظة سكوت ...
الكل واقف منتبه
لجنازة فايتة وفى احترام
من غير تبوت
لقلب عاشق اتظلم
وفضل يموت ..
القلب كان عايش عشان
يعشق حبيب
وف لحظة جاله من بعيد
طعنة فى مقتل
الحبيب قرر يغيب
قرر خلاص
يرحل بعيد وف سكوت ....
القلب كان علشان ضعيف
رسم حياته حلم قال
هيعيش معاه
أمن بأن القرب منه وبهواه
هى الحياه
ولما غاب عنه قام
فى لحظة مات
وف سكات
القلب مات وادفن
دفنوه خلاص
من غير كفن
وجنازته هى من غير تبوت
فى لحظة سكوت
============
(23)
خلفة شيطان
=========
من كلامك شخص تانى
شخص يشبه الملاك
شخص طيب مش أنانى
ما فى خير فى الكون سواك
من كلامك ومن دموعك
بتبقى كل الناس معاك
مهما كان الغدر باين
والحقيقة بجد واضحة
بالدموع والأه ورغم
نظرة عيونك بتبقى فاضحة
كل شئ بيعود كأنه
جرح جالك من هواك
والحقيقة إنك أنت
فى الأساس خلفة شيطان
معجون بغدروالخداع
شئ اساس فى دماك
===================
(24)
جرب بعدى
=======
لما لاقيتك عايز تنسى
عايز تهجر عايز تبعد
وقلبك طاوعك إنك تأسى
ورغم رجايا عمال تعند
قولت أسيبك أنت وراحتك
جرب بعدى .....
هقول لعيونى عليك تنساك
وأمسح صورتك إللى شايلها كمان فى جفونى
وأقول للقلب إللى بيهواك
داوى جراحك أنت بنفسك دارى شجونى
ياللى ظلمت القلب ببعدك
روح وأنسانى
لومقدرتش أنا أعيش بعدك
وزاد حرمانى
هادعيلك ليل ونهار
ماف يوم قلبك يحس مرار
لحظة فى بعدى
أبعد عنى وعيش وأتهنى
حب ونول ما بتتمنى
كل سعادة الدنيا عشانك
بتمنالك وانت فى بعدى
=======================
(25)
إحساس جميل
=========
إحساس جميل ..
إنك تحس إنك حبيب
إن القلوب تعشق هواك
ولك تميل
إحساااااس جميل
إحساس جميل لما تشوف
قلب واقف جمب منك
وبكل صدق بينصحك
وكله خوف
طبعا عليك
إحسااااس جميل
لما تلاقى كل كلمة من لسانه
من غير زواق
ومهما تأسى فى يوم عليه
فاجئة تلاقيه
فى لحظة راق
إحساااس جميل
أنك تشوف منه الوفا
كل الوفا ومش كلام
أأأأه ياسلام
إحساس جميل
فتح عنيك ......
دا مش حقيقة دا فى الخيال
دا أصبح ياسيدى م المحال
أنك تلاقى قلب مخلص
إنك تلاقى إنسان بيخلص
دا مستحيل
الكل عايز يملكك
تصبح فى لحظة عبد ليه
إن كان غريب وإن كان قريب
الكل قال أنه الحبيب
من غير دليل
الكل يشكى إنك فظيع
خسيس وضيع
بتبيع تخون كل الحاجات
بيوهبوك كل شئ
وأنت بتوهب الأهااات
فتح عيونك بص شوف
أنت لوحدك ودول ألوف
مهما يا غالى تكون شجاع
لازم تحس ببعض خوف
والخوف ساعات
إحساس جميل
=======================
(26)
صحيح شيطان !!!
==========
إتجمعوا ....
حوالين وليمة
فيها الكلام
أكبر غنيمة
عزف الشيطان لحن الهوى
الكل قام يرقص عليه
طب بس ليه
الكلمة بتهوى فى الجحيم
سبعين خريف
والفعل مهما يكون خسيس
من أهله مايبقاش
ظريف
متجمعين دايما عشان
العيش حرام
والكل شركا فى الرغيف
قام الشيطان يخطب زعيم
والجمع كله خسيس لئيم
كان الكلام ...
فى بدايته حلم بيترسم
وسط الكلام
وصف النجاح
وكأنه جرح من الجراح
وبكل بجاحة بيتهم
قالوا بنينا الحلم دا
والجهد كان بالشكل دا
مابخلينا عليها يوم بمال
والحلم قرب م الخيال
واقع وبيكيد العدا
قام اللئيم
عمل زعيم
نكر الجمايل والفدا
قال النجاح حقى أنا
والكل يرحل من هنا
وكان الشيطان
بالدمع بيغلف كلمته
الكل شافه بالودان
مظلوم ودارى دمعته
قالوا اللئيم ...
هيشوف سواد فى دنيته
ظالم وناكر للجميل
أما الشيطان ...
دا حمل وديع
عمره ما فكر يوم يبيع
ولا مرة خان
صحيح شيطان ..
========== ===============
(27)
م البداية ...
==========
م البداية ...
فى ناس بتحلم بالنهاية
الوش شايل ألف بسمة
والقلب أسود م الخداع
فكرة شيطان
فرق ما بين الخلق لكن
مسيره يوم للناس يبان
أصل الشيطان
مهما غير فى الصور
هيفضل شيطان
ياقلوب مغلفها السواد
من غير عناد
من غير وجع
البعد عنكم خير كبير
وكل واحد له ميعاد
ومهما زاد الحقد بينكم
هتلاقوه
فى كل خطوة أو طريق
نبتة شيطان
======= =====================
(28)
حكاية غرام
=========
فى الغرام ..
حكايات كتيرة
مؤلمة
وقلوب كتير
متألمة
وعيون بتسهر ليل طويل
ووشوش كئيبة مبلمة
وأنا فى الغرام
مجرد حكاية
عيون بتحلم بالمستحيل
شفايفى تبان متبسمة
والقلب غارق فى الألم
والعقل بيقاسى الندم
نهار وليل
فى الغرام ...
تلقى السهام
تجرح قلوب
وقلوب تعانى م الفراق
ولا يوم تتوب
تلقى الأهات
أغنية على لحن الشجن
معذوفة من وحى الوهن
لكن يا دووب
متنغمة
=============================
(29)
ليه يا صاحبى
===========
وكأنى بشوفك أول مرة
مغرور كداب وأنانى
بياع بتبيع بكلام معسول
ووعود بتقول
إنك مشغول
لكن فى الحلم أكيد بانى
ويمر الوقت وقلت خلاص
هيبان المعدن والإخلاص
أتاريك بتحارب بكل حماس
بتهد بإيدك فى كيانى
وأنا فاكر إن مفيش غيرك
ومستنى كمان فضلت خيرك
تشيل بإيديك وتكون مع أخوك
وأنت مفهمنى وقولت باعوك
وفاتوك فى المركب وحدانى
وعشت كتير مستنى تعود
وتنفذ شئ من بعض ووعود
وتغيب وتغيب وتقول موجود
أأمر وأنا أجيلك فى ثوانى
وتمر أيام وشهور وسنين
ولا تسأل حتى بنظرة عين
وإن مرة سألت وقولت دا فين
ألقى أعذارك سبقانى
فهمنى وقولى نويت على إيه
ويوم عن يوم بتبعد ليه
لوكنت خلاص بايع ما تقول
أكيد هيكون إنسان تانى
الحلم حلمته وعشته كمان
ويوم عن يوم بقى اسمه كيان
والكل بيحلف بكل نجاح
نادر تلاقيه فى زمانى
أحبابه كتير فى كل مكان
والكل سعيد جدا فرحان
وانا خايف ااقول انك غيران
وكلامك لسه فى ودانى
لو عايز تكبر وحدك قول
وبلاش توهمنى إنك مشغول
خليك صريح وتعالى على طول
دا نجاحك يبدد أحزانى
أنا أفرح لما تكون أستاذ
ويكون لك ميت مليون إنجاز
ولا أزعل أبدا مهما يكون
دانت من أهلى وخلانى
دانت من أهلى وخلانى
==============================
(30)
إياك تسامح
=========
إياك تسامح قلب حبك
مهما كان منه إعتذار
إياك تسامح قلب داب
فى البعد قاسى شوق ونار
إياك تحن مرة واحدة
أو يكون له إختيار
لازم تبيع إياك تعود
لازم تبيع كل الوعود
لازم يحس بذنبه أنه
فى لحظة حس أنه فى كيانك
وكل حلمه يكون عشانك
فى بكره أيوه ودا القرار
إياك تسامح أو تحن
خلى هجرك له جزاء
ليه يحبك حب عمر
حب عقله منه جن
شمسه طالعة ليل نهار
دوس بقوة بكل عزم
على قلب حبك وإنكوى
دوس وجرح مهما كان
اديله درس فى الهوى
علمه ازاى يكون
حلمه يوم نكون سوا
إياك تحن أو يكون منك سماح
لقلب بيعشق خطوتك
انسى وارحل عنه كمل
كمل حبيبى فى سكتك
سيبه يندم ع اللى راح
سيبه يبكى ويشتكى
سيبه يشرب م المرار
إياك تسامح أو تحن
======== ==================
(31)
عايشة ف وهم
=======
مافيش بينا شئ أصلا
ولا بسهر ولا أتألم
ولا باحلم في يوم بيكى
ولا فى الهجر بتكلم
رسمتى لوحة فى خيالك
وقولتى الخلق تتعلم
من قصة حب حراقة
وقولتى مسيرى راح أسلم
صبرت عليكى كتير ياما
لكن دلوقتى هتكلم
سنين مرت وأنا ساكت
واقول بكره أكيد هتفوق
ويوم عن يوم تروح منك
وحالتك ليه ما راضية تروق
بشوف ف عنيك كتير غيرة
وانا من غيرتك انا مخنوق
ااقول يمكن ف يوم تفهم
حدود بنا كتير قايمة
لقيتك عايشة دور ليلى
وليل ونهار كدا عايمة
فى وهم عشش كدا ف عقلك
فى حلم صعب يتحقق
ومهما قولت ف يوم ليك
كلام لابد يتصدق
ودانك سامعة صوت شيطان
عايزنى فى بحرك انا أغرق
ف لحظة ضعف كان غلطى
قولت كلام بيرضيكى
وقولت اعيش فى الاوهام
قصدى كان أنا اهديك
لقيته للجميع منشور
بيحكى انى بدوب فيكى
طب فين حبك المزعوم
وفين الشوق وألامه
وفين الصدق فى كلامك
فى رب هتقفى قدامه
======== ======================
(32)
بوح .....
=========
وعشان العشق جوانا
بنحكى عن الألم مرات
مرة نبكى بدموعنا
ومرة الشكوى بالأنات
ومرة نكتبه قصة
ومرة قصيدة وحروفها
نزيف الدم والأهات
بيسمعها وتسمعها
سنين عدت وعمر فات
ولما نبوح بأوجعنا
ونرسم صورة تجمعنا
مع العاشق والمعشوق
بتهدى دغرى جوانا
براكين ثارت ولحظة نفوق
نلاقى كل شئ عدى
وكل ثورة يا ناس تهدى
ونرجع نحب من تانى
وتتجدد كدا جرحنا
ونتألم ما نتعلم
من اللى فات
عشان العشق جوانا
بنحكى عن الألم مرات
============ ================
(33)
عايش على الهامش
===========
لا مجنى عليه ولا جانى
و انا عايش ع الهامش
وقلبى تملى خلانى
كما الريشة ف عز الريح
أجرى عليكوا بالمشوار
أوام أرجع بقلب جريح
وحتى لما أتململ
وأتألم وأقول الأه
بتمنعونى من التصريح
واعيش ليلى جماد ساكن
وجوايا سواد داكن
وحزن كبير وشوق جارف
وقلب أصيل لكن خايف
وأعمى كمان ماهوش شايف
طريقه منين
وتمر سنين وراها سنين
ويفنى العمر عن أخره
مايبقى غير يادوب ساعتين
الاقى الدمعة فى عيونكم
ونظرة حزن جواها
وتنهيدة بطعم مرار
كأنى كنت وياكم ....
كأنى كنت صحيح عايش
مابين أهلى وخلانى
ولا عمرى كنت ع الهامش
ولا قلبى تملى خلانى
كما الريشة ف عز الريح
وأسمعكم بتدعولى
تفوت ساعة وأنا مذهول
وأقول لنفسى معقولة
ترد تقولى مش معقول
سنين العمر خلاص مرت
وباقى منه يادوب لحظات
وقبل ما ينتهى قولها
أسمعها منهم بصوت عالى
خلاص فاتنا .. خلاص
ماااااااااااااااااااااااات
======= ======================
(34)
مابين اللحظة واللحظة
============
مابين اللحظة واللحظة
سنين بتمر
وحاجات العقل بيشوفها
يتوه فيها ما يعرفها
والقلب كمان بيتألم
ياريتنى ااقدر أحذفها
وطول العمر
قولت الصبر موالى
راضى تملى عن حالى
ولجل العيشة تحلالى
صاحبت الصبر
لكنى بلاقى أيامى
تملى واقفة أدامى
شايلة الجرح والأسوة
بتخنق بيها أحلامى
بطعم المر
قولت احاسب ف يوم نفسى
واراجع كل افعالى
لاقيتنى فى الحياة ظالم
لجميع أهلى وخلينى
وظلمى أنى مع صبرى
نسيت أحاسب الجانى
دا كل الأمر
=============================
(35)
أبى ...
========
مر وقت كتير يا غالى
من يوم غيابك
وأنت فينا
لسه باقى ...
لسه ساكن
وف قلوبنا كمان مالينا
كنت طيبة
وحنان ورحمة
كل حاجة حلوة لينا
كنت فرحة
وبسمة طارحة
كنت غنوة ولحن صافى
كنت نور وحضن دافى
كنت عين تسهر علينا
من يوم غيابك واحنا لسه
حاسين وجودك
كل لحظة بتمر بينا
عايشين بصوتك
أنت عايش رغم موتك
ذكرى بتجدد وجودك
كل لحظة
==== ======================
(36)
أمى ...
========
كلمة واحدة بس فيها
كل معنى للحنان
حضن دافى مهما نبعد
نلقى فيه كل الأمان
دعوة واصلة بقلب طاهر
مستجابة م الرحمن
أمى هى نور حياتنا
هى بكره واللى كان
قالوا عنها وغنوا ليها
أمى هى .... الجنان
لو هنوصف بس فيها
مفيش كلام راح يوفى
هى أمى بس أمى
كلمة يعرفها الزمان
شهور تعانى حمل قاسى
بس فرحة ف قلبها
ووضع مؤلم وف أهاته
حلم جالها وحبها
بيتولد لحظة ميلادى
جاى يكمل فرحها
اول حضن كان بيحكى
شوق ولهفة ف صدرها
نظرة واحدة من عنيها
رسمة فرحة عمرها
هى أمى بس أمى
ليل طويل كانت بتسهر
لما أقول من تعبى أأأأأه
تدعى ربى بكل نبرة
تتوهب ليا الحياة
ولما قومت عشان أخطى
برجلى خطوات الضعيف
تاتا تاتا خطى يابنى
دوس وأمشى بكره تجرى
بكره هتكون السند
نفسى أشوفك بكره شايل
حلم بلدى إللى اتولد
يوم ميلادك
نفسى أشوفك زرع طارح
والثمر هيكون ولادك
أمى هى بس أمى
========= ====================
(37)
مات الضمير
=========
أصبح خلاص
كل شئ بين البشر
إلا الوفا
مات الضمير
أصبح خلاص
توب الخيانة للجميع
والغدر دا أصبح طريق
أصبح مصير
الكل عارف خطوته
أو طعنته
فى ضهر مين
صاحب أمين
صديق متين
أو أخ يمكن والسؤال
أأقول يا مين ؟
الكل عارف علته
الزيف محاوط كل شئ
الضحكة سم فى الشفايف
النظرة خنجر م العيون
الكلمة شرارة غدر
تحرق كمان فى المحبة
وتكتر وتكتر بالظنون
وكل شئ بين البشر
ممكن يهون
زمان لما كان فى بشر
وكان فى دم
وكان فى نظر
كانت حاجات كتير
جميلة فى الحياة
كان الجيران فعلا جيران
كان الصحاب
متجمعة فى كل وقت وكل شئ
كان القرايب وقتها
تعرف تصون
===================================
(38)
وقت الشدايد
=========
وقت الشدايد تظهر معادن
حتى كل الأقنعة ممكن تدوب
تظهر وشوش متلونة
بأحمر خدود
لون يادوب
وشوش بجد ميتة
أحساس مفيش
باردة زى التلج لكن
بتقول نعيش
بالغدر جايز والخداع
بضمير ميت من زمن
والكل باع
وقت الشدايد
تظهر معادن النفوس
ازاى تكون مخلص قوى
وف يوم تدوس
على كل شئ وبدون سبب
تنسى اللى شالك
تنسى اللى عانك
تنسى اللى خلا ضحكتك
بعد ماكانت دمعتك
هى الأساس
تنسى اللى نور سكتك
وخد بإيدك
تنسى اللى كنت بتحسبه
وكأنه سيدك
وقت الشدايد تظهر معادن البشر
خيالات بتمشى وسطنا
عاملين بشر
دا معدنه يادوب ورق
ودا من بعيد تحس أنه
من دهب
يقرب كمان تكتشف
أنه صفيح
ودا عامل جنابه محترم
والعنطظة والفشخرة
دى لعبته
ولما تعامله تعرفه
كوز وإتخرم
الكل عايش بالدهان
الوان كتير
وقت الشدايد يظهر يبان
كل الحقايق خادعة
حتى أنا إيه معدنى ؟؟؟
معقول أكون أنا زيهم
عايش بوش غير الحقيقة
نظرة عيونى للجميع
نظرة خبيثة ومش بريئة
قلبى زى قلوب كتير
شايل مخبى
ولا عايش فى وهم دام
سنين كتير
وهو قلبى
وقت الشدايد كنت انا
دايما فى كل الأزمنة
كنت انا
وش واحد ... قلب واحد
فعلى دايما للكل باين
لما أكره غدر صاحب
يبقى عمرى ما كنت غادر
لما ارفض يوم خيانة
يبقى عمرى ما كنت خاين
لما باطالب الصفا
بين الجميع
لما عايز الوفا يكون قانون
وأن عيشى وملحى
مايوم يهون
أزاى أكون أنا زيهم
أزاى أكون ؟
======== =================
(39)
انت الحب
======
ياللى الحب عشانك عشته
و كل الشهد ...
بحلاوة الشهد معاك شريته
ياللى الفرح معاك لاقيته
وألام الجرح ياروحى دويته
وفات من عمرى سنين وسنين
صرح الحب لاقيتنى بنيته
بس ياروحى
كلام الحب له ألوانه
مرة بيفرح
مرة بيبكى
مرة يئن القلب عشانه
مرة أشتاق
مرة يحس ألام وفراق
مرة الوصل يزين أيامه
بس الحب تملى بيكبر
عمره فى مرة ما قل مقامه
حلوة حياتنا بكل ما فيها
فرحة ودمعة دا محليها
ولما نمر بظرف عصيب
بتبقى ياروحى اعز حبيب
قلب حنين ...
عقل كبير ....
ايد بتطبط ....
عين بتسمى بإسم الله
عمرى ما اقول فى لحظة الأه
ويبقى الحزن تملى غريب
أما ولادنا أحلى هدية من الرحمن
وكمان أحفدنا
خلوا حياتنا جنان فى جنان
كلمة جدو يقولهالى سيف
فى عز البرد بحس بصيف
والأمورة سجى السنيورة
اجمل طلة ودم خفيف
هم نعيم الدنيا بحالها
جددوا عمرى بعد خريف
انت شاركتى القلب بكاه
قبل الفرح
انت داويتى يا عمرى الامه
انت الشجرة بكل الضل
انت الفرحة وست الكل
انت الزوجة وانت الام
انت يابوحة كل احلامه
عنوان الكتاب : أحلام شاعر
النوع : شعر عامية
الكاتب : السيد محمد صابر
اسم الشهرة : المقاتل الشجاع
الطبعة : الاولي
رقم الايداع : 11/2020
منتدى جمعية إبداع الثقافية
