الرئيسية
حكاوي الراوي
قرب خش فى شارع الغوري
أبيض واسود على فسفوري
إسمعوا قصة ناس حقيقة
مش تهجيص ولاموري في زوري
عم عليوة علي الفران
المتريش م الأعيان
يملك فرن ومطحن بن
على كام ورشة وكام دكان
متجوز أربع ستات
سناء وهناء وعبير ونجاة
ماشي مش قادر يصلب طوله
شغل ضراير كيد حموات
وحسين أفندي وهو مروح
ماشي في الحارة بالليل يتطوح
راسه وألفين جزمة يغني
زي ماغنى سي سمعة ل يني
عيني على يني وخمرة يني
عيني على يني وخمرة يني
تشوفه مراته من الشباك
تقوله إطلعلي واحشني قفاك
هو يقول من نادى عليا
هي تقوله أنا خالتك ريا
يرد يقول عطشان إسقيني
ترقعه دوغري بقلة مية
أما المدعو عطية نجيب
ودا أعجوبة من الأعاجيب
يصحى المدعو من الصبحية
يتسحب كدا زي الديب
يهجم دوغري على التلاجة
يطلع منها أجعصها دجاجة
وبعد دجاجته ما لبت حاجته
يلبس حتة بدلة ألاجة
ينزل دوغري يعاكس ديا
ويغوي ديهيا إبن الجنية
عيب على سنك يطلع منك
كل دا عيب إختشي ياعطية
أما سعيد عيد الفنان
إللي مأنتخ في التوهان
فاكر نفسه عمرو دياب
وحماقي منفسن منه عشان
صوت سي سعيد أجمل من صوته
ونجم حماقي هيعلى بموته
وكل الناس ماعليه بيفوتوا
يقولوا يابخت إللي ماله ودان
سلامي ختامي يامستمعين
على الله ماأكون بليت الطين
ولو حابين راح أجيلكم بكرة
وهبعد خالص لو كارهين
بقلم طارق السيد
قرب خش فى شارع الغوري
أبيض واسود على فسفوري
إسمعوا قصة ناس حقيقة
مش تهجيص ولاموري في زوري
عم عليوة علي الفران
المتريش م الأعيان
يملك فرن ومطحن بن
على كام ورشة وكام دكان
متجوز أربع ستات
سناء وهناء وعبير ونجاة
ماشي مش قادر يصلب طوله
شغل ضراير كيد حموات
وحسين أفندي وهو مروح
ماشي في الحارة بالليل يتطوح
راسه وألفين جزمة يغني
زي ماغنى سي سمعة ل يني
عيني على يني وخمرة يني
عيني على يني وخمرة يني
تشوفه مراته من الشباك
تقوله إطلعلي واحشني قفاك
هو يقول من نادى عليا
هي تقوله أنا خالتك ريا
يرد يقول عطشان إسقيني
ترقعه دوغري بقلة مية
أما المدعو عطية نجيب
ودا أعجوبة من الأعاجيب
يصحى المدعو من الصبحية
يتسحب كدا زي الديب
يهجم دوغري على التلاجة
يطلع منها أجعصها دجاجة
وبعد دجاجته ما لبت حاجته
يلبس حتة بدلة ألاجة
ينزل دوغري يعاكس ديا
ويغوي ديهيا إبن الجنية
عيب على سنك يطلع منك
كل دا عيب إختشي ياعطية
أما سعيد عيد الفنان
إللي مأنتخ في التوهان
فاكر نفسه عمرو دياب
وحماقي منفسن منه عشان
صوت سي سعيد أجمل من صوته
ونجم حماقي هيعلى بموته
وكل الناس ماعليه بيفوتوا
يقولوا يابخت إللي ماله ودان
سلامي ختامي يامستمعين
على الله ماأكون بليت الطين
ولو حابين راح أجيلكم بكرة
وهبعد خالص لو كارهين
بقلم طارق السيد
