همــــسات
شعر
السيد محمد صابر
-1-
بيمر الليل عليا
بعاتب القمر
بيرد يا ناس عليا
يا عاشق السهر
إنت سهران عشانى
بتأن م الشوق تعانى
وحبيبك نامت جفونه
دا قلبه من حجر
-2-
بعشق جنونك
والقلب دايب من زمن
ونظرة عيونك
هى الأمل وقت المحن
بحلم بيوم اللقا
والحلم حالة م الشجن
لما نلاقى فى الخيال
ويكون محال
إن الفرق يعرف طريق عشنا
إن القدر فى يوم يحطم حلمنا
إنت وأنا
-3-
ومن تانى بنتلاقى
بقلوب عاشقة مشتاقة
نبوح بالسر لبعضينا
نغنى كل أغانينا
نقول يابدر من بدرى
نور سكة الأحباب
وياغايب قواام ارجع
ضنانا الشوق كفاية غياب
وياشمس الأمل طلى
بنورك ودفى لمتنا
عشان ما تحلى سهرتنا
ونتلاقى على الفرحة
على الهمسة على الفكرة
نرسم حلمنا لبكره
فرحة تبدد الغربة
وننسى بيها اى عذاب
-4-
أنا أصون ترابك يا وطن
لو حتى أموت
وقول عليهم وصفهم
وبأعلى صوت
أاقول يا وطنى انهم
بكل فكر عندهم
بكل ذرة فى جسمهم
أنهم
بجد خونة وكدابين
كل اللى داسوا فوق ترابك
وأغتالوا بإيديهم شبابك
ودمروا وفجروا
وصوروا للخلق صورة
أن الضلام خيم عليك
والدم حنة فوق أيديك
وأن الصلاح دا شئ معاهم
بأى فكر وأى دين
-5-
قلبك أنت بس يعنى
فى حبه صادق مستحيل
قلبى دا اللى كان بيحلم
بالغرام وده شئ جميل
شاف عنيك
سلم لقلبك كل شئ
كان مناه انك تميل
عاش يدور ع الحنان
فى كل حتة
والأمان
اللى وعدته عندك انت
نسيت عيونى وقتها
طعم الدموع
وودعت سهدى الليل
بدون رجوع
وقالت أنت حلم عمرى
وأنك أنت أيوه أنت كل أملى
ماكنتش تعرف إيه مخبى
جوه قلبك
وان الخيانة وبيع حبيبك
شئ فى دمك
كرهت يومها حتى اسمك
كرهت صورتك
كرهت قلبى اللى نخدع
بالمستحيل
-6-
قالوا الكلام اصله تسالى
والكل حاله من حالى
هى عين وصابيتنا يا ناس
والصبر تاه عن موالى
لوكنت يوم اتمنى سكوت
أوحتى النور ف عينيا يموت
وودانى تصم كمان وكمان
او حتى أعيش محبوس فى تابوت
ولا أنى اشوف فى زمانا رجال
يتباعوا التورة بالسحتوت
ودموعهم كده ع الخد تقول
الست بتضرب بالشلوت
والشقة كمان من حق جانبها
والعفش يراجع كده مظبوط
لو ينقص حتة ياناس تبديد
والسجن يكون جزاء مشروط
وترجع تانى بعد طلاق
شحات وبتشحت بالظعبوط
-7-
بيع وأجرح فى قلبى كمان
أنا راضى العذاب منك
ومهما يلاقى قلبى هوان
وأنا فى سنى اللى مش سنك
هاعيش أحلم وفى الكتمان
يأن القلب ويعانى
ويتمنى لقلبك حب
ويسعد كل أوقاتك
وتكون فى عيونك الفرحة
فرحة تملى فى حياتك
-8-
وألوم ليه على قلبى
وحبك نبضه وحياته
ومهما ألاقى من هجرك
وتزيد ألامه وأهاته
هيفضل ليك حبيبى أمين
وتنادى بأسمك دقاته
-9-
وحياة عيونى اللى محى
منها النظر كل الدموع
لاف يوم هاحسبك ياقلبى
ع اللى جرى وع اللى كان
على كل لحظة عشقتها
وكل دقة زادت بذكرك اسمها
وكل ليلة سهرتها
من النهارده
كل شئ اصبح مباح
الظلم ليك الغدر بيك
الألم ويا الجراح
من النهارده لازم أوجعك
لازم احاسبك ع اللى راح
-10-
وتوعدنى واستنى
ومنى الروح برؤياكم
وأقول للقلب اتهنى
حبيبى جاى بيهواكم
وفات بكره
ولا كلمة ولا فكرة
ولا لمحة ولا ذكرى
وكأن حبى كان غلطة
قلبى غلطة وياكم
-11-
وفى عيونى لاقيت صورة
قديمة فى ذكرى محفورة
لشاب وسيم بيتعايق
بلبس شهامة بطولة
وزى الجيش
وكأنه خلافه ف الدنيا
و غير مفيش
وفاجئة لاقتها قدامى
صورتى فى مراية مكسورة
ولاقيت شعر الاسود شاب
ونظرى ضعيف يادوب شايف
شعاع جالى من خرم الباب
وانا وحدى فى سط ظلام
وعيون دبلت ماعارفة تنام
وضهرى كمان صبح محنى
وأنا عايش باعد ايام
-12-
زمان كان الزمان أطيب
رحيم بالكل وقريب
ولما كنا بنهادى
بأبسط شئ بشئ عادى
كانت قلوبنا بالفرحة
تطير م الفرحة وتنادى
وتتجمع معانا قلوب
من الصحبة وبالأخلاص
تكون الفرحة فى حياتنا
بإخلصنا هى أساس
-13-
زمااااااااااان كنت شئ تانى
مغرور متباهى وأنانى
ومر العمر كدا ف لحظة
وجانى الشيب وورانى
لاقيت الضهر صبح محنى
وتجعيدى فى وشى فضحانى
وأقول القلب لسة شباب
تقوم أعضائى مألمنى
برعشة فى إيدى تفوقنى
وأحس بركبى وجعانى
-14-
راح الشباب
=======
زمان العمر
كان واقف بيتباهى
على الصخرة
فى وش الموج
ورجلين الفتى تشيله
ويلقاها
من الفرحة تنط لفوق
زمان كان شعرى
جميل وأسمر
وادوس ع الأرض
وأتمخطر
وناس من ظهرى بتقولى
ميسيرك يابنى
راح تكبر
واتباهى ساعتها لو تقدر
وطول الليل هيهزمنى
وكتر الشوق هيحنينى
لا هقدر فيه فى يوم اسهر
ولا الايام تواسينى
ساعتها الصخرة هتخونى
ورجليا كمان واكتر
والموجة تاخدنى وياها
لبحر غريق يغطينى
ويمحى كل شئ فيا
وتضيع أيامى وسنينى
وأنا بكبر
-15-
بشوف الوقت فى الساعة
على معادك فاضلى كتير
ثوانى ماشية بالراحة
وغاب عقلى من التفكير
لا انا عارف راح استحمل
ولا قادر على التغيير
-16-
قعدت أرسم ياناس صورة
لعيون حبيبى وأنا سارح
لاقيت قلبى بينزف دم
اتارى الرمش ياناس جارح
ونن العين خطف عقلى
بقيت تايه ولا عارف
انا فى ليل دا ولا نهار
وليه بكره بقى امبارح
-17-
ولما قالولى جاى بكره
نسيت ألامى وأوجاعى
وقالوا نجيب طبيب يكشف
صرخت وقولت مفيش داعى
دوايا ياناس فى نظرة عين
حبيبى خلاص جاى بكره
يداوينى ينسينى يخلينى
قوام أجرى لأحضانه
ولو شوفته بعينى يا ناس
اشيل جبلين على دراعى
-18-
يا قلب عايش عشان تحب
جرب تعيش زى القلوب
الشعر الشاب
والفكر غاب
وانت كمان عايز تدوب ؟
منين اجيبلك عمر تانى
ولا أجيب من تانى صبر
وكمان حبيبك مش راضى بيك
وكل يوم يتقل عليك
ولجل حبك ليه لاقيته
بيعك انت ومش شريك
واخد غرامك ليه تسالى
واكمنه عندك فى القلب غالى
صابر تمالى وراضى العذاب
وفاكر أنك لسة شباب
ياقلب عاشق فكر تكون
وبلاش تعافر بطل جنون
العمر ولا وراح خلاص
لاحبيب هيخلص
ولا يوم يخون
-19-
ولما تقول أنا مسافر
هاغيب عنك يادوب إسبوع
وحتى سلامى تحرمنى
وعينى بتناديك بدموع
والاقى قلبى تاه منى
وبعدك عنى يجننى
ااقول يمكن ياناس فاتنى
وراح علشان م يحرمنى
أعيش لحظة سعادة معاه
وقضى الليل فى تنهيدة
وأنة ولوعة كدا جديدة
وأقول ياقلبى لو يرجع
ولو لحظة ياناس يسمع
ندايا وحلمى أكون وياه
لا كان سافر ولا يهجر
ولا على قلبى فى يوم يغدر
وأعيش باللوعة بستناه
-20-
أول ما أشوفك قدامى
يخطفنى من روحى حنينى
تحضن عيونى أوام طيفك
حبك يبان على حبينى
-21-
تخاصمنى ليه وتغيب عنى
والشوق إليك هيجننى
لو كنت يوم تزعل منى
أفديك بعمرى وسنينى
-22-
وبقول أنك ساكن قلبى
وبقول أنك مالك روحى
وبقول أنك حبيب عمرى
وأن هواك دوا جروحى
لاقيت غرامى رخصنى
وهان عليك كمان نوحى
ولما تشوفنى تتبسم قوام
اتوهم وأقول روحى
عيونه شافتنى فرحته
أتارى بسمتك كدبة
بتسخر منى ومن نوحى
وهان ألمى فى عنادك
وشوق قلبى فى بعادك
ولاقيت نفسى مع نفسى
بلوم نفسى وانا العاشق
-23-
لما تروح وتغيب عن عينى
عقلى يتوه والفكر يجينى
أبقى كأنى ناقصنى كتير
واسرح وأغرق فى التفكير
وأسأل نفسى ودمع عيونى
هم صحيح ياناس نسيونى
ولما تهل ياروحى عليا
القى الدنيا بتضحك ليا
واشوف فى عيونك لمحة خير
بتقولى فى قلبك حب كبير
بس بترجع تانى تغيب
وارجع تانى أفكر فيك
وأسأل كل الدنيا عليك
مايوصلنيش يا حبيبى إجابة
ارجع وأغرق فى التفكير
وأسأل نفسى ودمع عيونى
هم صحيح ياناس نسيونى
-23-
أنا عايش ومش عايش
معاك القلب ويا الروح
وعقلى كمان معاك انت
حارس قلبك منين ما تروح
وهى أيام وبتعدى
وأملى يوم تكون عندى
أعود تانى لأحضانك
وأبيع الدنيا علشانك
مهما ااقاسى منها جروح
عشان انت ياروح قلبى
حبيب قلبى
وحبيب الروح
-24-
بحب عنيك ونظرتهم
وتوهة ساكنة جواهم
بحور واسعة بدون مرسى
وعيونى حايرة انا معاهم
بحب اللحظة أكون فيها
بحار هايم أنا وعاشق
ومهما أعانى من هجرك
ومن صدك ومن عندك
بيكون أملى انا ألقاهم
وتكون نظرة تتداوينى
وتشفينى من جرحى
وبوجودك يكون فرحى
وأنسى روحى ولا أنساهم
-25-
وانا بحلم
====
وانا بحلم بشوف عينك
بتنده لى تقول فينك
ااقوم اجرى انا وقلبى
لدفا حضنك وحنان ايدك
انا عاشق جمال قدك
وحمرة ورد فوق خدك
وهمسة شوق تقولهالى
فلمحة عين اكون عندك
يا احلى شئ وانا ف قربك
بعيش عمر فوق عمرى
ولاقى نفسى وانا راضى
مسلم روحى كدا وامرى
ولما تغيبى عن عينى
بتاخدى القلب وياكى
وروحى تبقى مشتاقة
للحظة فيها القاكى
وانا بحلم
-26-
بحبك حب توهنى عن الدنيا
وتهجرنى وتظلمنى وأنا راضى
بقيت هايم كده عايش على الذكرى
وأنا قلبى كده ف حكمه بميت قاضى
طلب منى اكون مخلص اكون عاشق
وأصبر بردو على ظلمك
ولو ترجع كده لحضنى
انسى الجرح واضمك
وأنسى كل ألامى كده فى بعدك
وأعيش حلمى اللى كااااان حلمك
-27-
يا جرح غدر فى قلب كان صافى
يا حمل هموم مرسوم على كتافى
يا نظرة شوق فى ليل مخنوق بضلامه
إرحم ضعيف ضناه الخوف ودا كافى
-28-
كان حلم
======
من يوم ما قابلتك
وانا عارف إنك بياع
وإن غرامك كان ليا
فى الاصل خداع
لو عايز تهجر
روح واهجر
وريح قلبى لو تسمح
م الأوجاع
أنا عارف أنى لخيالك
ولا مرة بزور
وأن الحب اللى انا عيشته
دا سراب مبدور
لوعايز تجرح أوام أجرح
وريح قلبى اللى ماشفشى
ف حبك نور
أنا كنت فى حبك قال بحلم
بسعادة تدوم
وفضلت أتمنى وأتمنى
ما اكون موهوم
شربت المر فى غرامك
كاسات وكاسات
ولا زارنى الفرح فى غرامك
حتى ولو يوم
بتمنى الفرح لأيامك
وأنا كلى حنين
مأنت اللى انا توهت فى غرامه
ايام وسنين
والقلب عشانك راح يصبر
وأدعيلك فى البعد يا غالى
ماتبتش حزين
-29-
بين الشفايف همستك
تسحر قلوب العاشقين
وبين رموشك نظرتك
سهم دوب مجروحين
أنت القمر ... ساعة تمامه
وأنت الأمل .. وأنت إبتسامه
أنت الحياة ... كل الحياة
والعمر كله بفرحه وألامه
مشتاق أشوفك ياقمر
لو حتى مرة
دا البعد خلى دنيتى ...
يا قلبى مرة
ياللى القمر من نظرتك
غااااااااااااب وأختفى
والشمس بتشوف طلتك
تنسى الدفا
-30-
حبيبى فى الهوى روحى
عشانك عاشقة لجروحى
ولو قولتلها فى يوم نوحى
تخبى عليا وتدارى
وقلبى لما بشكيله
يدارى لوعته وويله
واسمع منه نغم فرحه
نغم صاحب موواويله
ولما شكيت كده لعقلى
شكيت قلبى كده وروحى
قام العقل زعقلى
وقال مجنون
لا انا بقسى ولا بعند
ومن نظرة عينيك انت
هوايا ف قلبى يتجدد
ومن همسة كدا بصوتك
تدوبنى وسكوتك
بيزيد أوجاعى ويجدد
دانا عايش على الذكرى
وفى دماغى مية فكرة
اسامح ف الغرام قلبك
واعيش العمر كدا جنبك
بقلب سعيد
-31-
ياست الكل يا عمرى
هواكى فى قلبى مش أمرى
انا عاشق وكلى حنين
وعايش مخبى ألامى
بقالى سنين
ااقول بكره هنول سعدى
بقربك وانت ضى العين
واقبلك بكل أشواقى
وفى عيونى يكون سكنك
هواك بيجرى فى عروقى
وانفاسى من كدا فى صدرك
بتقول للدنيا خلاص روقى
-32-
عشان قلبى اللى مستنى
توافينى ف يوم
علشان عيونى وجفونى
تذوق النوم
وتهدى كل اشواقى
ونفرح عمرنا الباقى
وأحلامنا وأيامنا
وطعم الحب فى كلامنا
سعادة تدوم
نعيش الحلم ونحقق
ونبنى لبكره ونصدق
ودا المقسوم
-33-
عشان خاطر عيون قلبك
ونعيم الدنيا كدا ف قربك
انا أضحى بحياتى
وبكل شئ واكون جنبك
أعيش بالحب فى رحابك
درويش هايم بأعتابك
أغنى لحن أيامنا
وتحلى معانا احلامنا
بأحضانك يكون سكنى
ونتهنى انا وانت
بشبابى وشبابك
-34-
وجانا الليل
اعود تانى للوحدة
وللافكار
ونفس الحلم ينادينى
أعيش أحلم بشمس
نهار
بأحلى عيون بتسحرنى
تخلينى ااقول أشعار
وفى عينيك اتوه واسرح
وأأقول يمكن توافينى
وترق فى مرة وتجينى
واروى روحى من شهدك
ويحينى جمال قدك
واقطف ورد من خدك
واكون محتار
-35-
لما تغيب
شمسك ياروحى م النهار
بيكون دمار
تعالى جدد عمرى يوم
دا البعد نار
مشتاق اليك
وحياة عينك
قلبى بيحلم بالأمان
ما بين ايدك
-36-
يا احلى حلم فى دنيتى
قلبى معاك حالف يدوب
فى احلى حضن ويسكنك
جوه الفؤاد وحدك يادوب
ويعيش معاك وف هواك
كل السعادة والهنا
وانت هنا ردد معايا
أهين وأه
الشوق كوانا والفراق
ضيع سنين
-37-
غريبة الدنيا
=======
غريبة الدنيا يا أخوانا
بتكشف كل يوم أنواع
فى ناس تبنى وتعلى
وناس تانية عايشة خداع
ناس بالوهم تعاشركم
وتقول شارى ويكون بياع
يكون أخلاصها مخلوط زيف
وترسم لك امانى كتير
وتعيش الحلم ويانا
وتوهمنا بفعل الخير
وفى الاخر تبان تظهر
نوع م الناس بجد خطير
-38-
مشتاق وقلبى باختصار
طاير عشانك فى السما
قايد مكانه فى صدرى نار
بتحرق ضلوعى انما
حضنك لقلبى احلى دار
ضمينى ليك يا انا
-39-
كان الوصال حلمى انا
من كاااااااااااااااام سنة
كانت عيونك زى النجوم
بتهدى اللى تايه فى الخلا
بتوصله لبر الامان
عمرى مكنت فى يوم اطول
بس الوصال
كان قربك ياروحى وجنتك
شئ م المحال
الله عليك يا ابو قلبك طيب
حنيت لقلبى
وبقيت قريب
قرب كمان
خلى الزمايمكن ترق
يمكن عيونك والجفون
بالشوق تقول
وبكل صدق
ايوه ياروحى بعشقك
ايوه هواك
فى القلب دق
-41-
ياللى انت ساكن فى الضلوع
ويا قلبى ...............
وفى عيونى بتتحجر دموع
وكل ذنبى ...............
انى هويتك .... وعشقت صورتك
ياللى كل النعيم فى قربك
حلمى انى فى يوم اضمك
اروى عطش السنين بنظرة
غنى كل الطيور فى همسة
وهى لمسة من ايديك فوق جبينى
هترجعينى لاحلى حلم
-42-
هاقول بحبك
وأملى بيها الكون بحاله
هى كلمة بس كلمة
يعيش معاها القلب دايب فى خياله
بلاقى قلبى جوه صدرى
يطير يرفرف زى طير
انت غير
انت غير كل الحبايب
انت حلم لقلب دايب
وف غرامك
ومن كلامك
أحلى غنوة بتقول بحبك
-43-
قلبى يحضن ايوه قلبك
ومن حنانه يزيد فى حبك
انت حلم لليالى
اه ياغالى
اه ياروحى لو كنت جنبك
نفسى اعيش حلمى حقيقة
واشوف عيونك البريئة
ومن شفايفك اروى عطشى
ونادى تانى وااقول بحبك
-44-
ياللى عينى عاشقة صورتك
ياللى كل حياتى سيرتك
انت عارف قلبى عاشق
كل همسة
كل لمسة
كل موجة تروح لشطك
كل ليلة بتكون فى حلمى
نور ينور كل عمرى
عطر بيعطر حياتى
لمسة بتداوى ف أهاتى
بسمة حلوة بتنادينى
يا نن عينى
ياللى عينى عاشقة صورتك
-45-
مش عشان القلب حبك
والعقل حلمه يبقى جنبك
والروح كمان اسرها حسنك
تبقى مالك كل أمرى
لا يا عمرى
أيوه بعشق جمال سمارك
ونفسى أخطر يوم فى بالك
أعيش فى لحظة من خيالك
وأنت عارف مر صبرى
دا انت عمرى
ياللى فاكر إن عندك
-46-
وأنت جنبى
جنب قلبى
بحس انى
روحى طايرة ف السما
إزاى أدارى
والا أخبى
هواك ياروحى
وشوقى ليك إنما
عندك أنت وهجرك أنت
جرحك أنت وغدرك أنت
حيرونى وغيرونى
وعودونى أكون أنا
-47-
أسهل كلام عندك انت
الملام
بتتهمنى إنى بعتك
... ياااااا سلام
نسيت عاميلك
نسيت كلامك
نسيت ألامى ونار غرامك
نسيت ياحبى
جرح قلبى وغدر قلبك
نسيت رجايا
يوم وداعك
... لحظة سلامك
الله يسامحك
بتقولى تانى هترجعيلى
وإنى هندم ع اللى كان
دا كان زمان
انت بخداعك
علمت قلبى ازاى يبيع
كل طعنة من ايديك
فى قلب قلبى
علمت قلبى يبيع
عودت قلبى الألام
قلبى اللى كان معاك وديع
راجع تقولى هترجعيلى
ضامن رجوعى .... يااااا سلام
اسهل ما عندك
رغم هجرك
رغم عندك
الملام
-48-
شقع ...... بقع
مين اللى قال
إن الخيال
قرر يتوب من ذلته
مين اللى قال
إنه هيسكن فى الحيطان
إنه هيرضى يكون جبان
أو يوم يتوه عن سكته
الضل لما يتوجد
بيكون وراه نور كونه
ويكون كيان
من رسمته تعرف تقول
فارس همام .....
نازل بسيفه على الميدان
حالف يرجع اللى كان
راسم بعزمه سكته
اصل الخيال لازم يكون
بالفكر راسم خطوته
الضل لما بيتوجد
بيكون وراه نور كونه
لو كان جبان
وناوى يسكن الحيطان
ويلزق كده جنب الرصيف
ده يبقى إيه ؟
غير ضل خايف
لايوم يحس ببرد شتا
ولايوم يحس بحر صيف
ولا مرة يحلم بالربيع
ولا حتى يعرف الخريف
ضل مات مات قبل الميلاد
ده شئ سخيف
-49-
بالخيال ...
نقدر نسافر للقمر
نقدر نحقق المحال
ونطوى سكة طويلة للسفر
بيكون خيال
مالك بإيده حلمنا
بيكون خيال
ناسج خيوطه بعزمنا
لوكان محال نقدر نغير كلنا
نقدر نوحد عزمنا
وبجهدنا
نقدر نحقق حلمنا
أما الخيال إللى أتهزم
وبيمحى كل تاريخ ومجد
وبينكر وجود نيل أوهرم
وبيقول كلام
مجرد كلام
بيسبط بكلامه الهمم
بيقول خلاص
مات الأمل
ده مش خيال
ده طعون بيسرى فى البدن
بيشل إيدنا وكمان يدوس
على كل زهرة مفتحة
بدون كسوف وبدون خجل
بيطفى شمس منورة
فى صباح جديد
بيحكى الحكاية للجميع
راسم لبكره بالسواد
صورة قبيحة
فاشل بيعلن الغباء
وبالغباء عامل فضيحة
طب ايه العمل ؟
-50-
مين اللى قال
إن الخيال خيال مأتة
وإن ضعفه صورة واضحة للجميع
الخيال ده خيال شيطان
خسيس جبان
بايع تراب اجداده بخس
زى اى حيوان وضيع
برغم صرخة الشهيد
تحت التراب
والدم اللى عطر ارضها
مصمم يبيع
خيال مأته اى نعم
كافر بكل فضلها وايا النعم
عايش مسلم للعدو
ودا شئ فظيع
-51-
بلوم نفسى و ظروفى
وبأعلن للجميع خوفى
وراضى بالخيال قدرى
وأدارى فشلى بكسوفى
اناغارق فى بحرخيال
وعارف ان قربى محال
وبروى الصبرمن صبرى
اكون درويش اكون صوفى
هادارى فى الضلوع ألمى
ويكتب على السطورقلمى
حروف والحبرمن دمى
وكفاية تقرى وتشوفى
-52-
بعيش الحلم وانا صاحى
وطيفك سرأفراحى
برغم البعد و جراحى
اناعاشق وهستنى
عشان حبك سكن قلبى
ولاقادرفيوم أخبى
وأملى يوم تكون جنبى
بعيش الحلم وأتمنى
عيون الناس بتظلمنى
وكلام كتيربيألمنى
وأنا صابروأكمنى
فى يوم قربك راح أتهنى
-53-
مابين أملى وبين شوقى
وحب بيجرى فى عروقى
أناواقف ومستنى وكلى حنين
بعادىك كان على عينى
ويشهد دمعتى فى عينى
أناالعاشق أناالمغرم بقالى سنين
لكنى زى أحبابك
كتيرواقفين على بابك
لنظرةعين بنستنى سنين واقفين
-54-
غريب طبعك وأنا شايف
ومش قلقان ولا خايف
وكان أصلك عليك باين
وأكدب عينى وأنا عارف
كتير صدقت حلفانك
وقلت ملاك
ودمعى على الخدود يجرى
وانا وياك
واقول انك كتير مظلوم
ومن فعلك يبان ظلمك
يبان انك طوفان جارف
بتبلع كل شئ قبلك
ويحلالك كتير الظلم
ويبان الغدر ف ملامحك
وهدم الحلم
لكن عمرى ما اكون زيك
اعيش غدار
أبيع العشرة مع الكلمة
وأولع نار
ولما ألاقى نفسى خلاص
فقدت العقل والاحساس
أدور أحرق وأنا واعى
لا يفضل اخضر ولا يابس
-55-
إنت إيه؟
=====
عايز أفهم
إنت إيه ؟
هو عقلك عقل بشر
ولا قلبك قلب بشر
ولا انت جنس تانى
جنس مخلوق من حجر
جنس مغرور أو أنانى
يبقى جارح ...
يبقى ظالم ....
يبقى طول العمر جاني
ويجرى يبكي للخلايق
ويشكي ظلم الناس إليه
نفس افهم إنت إيه؟
كل شئ فى الدنبا ليك
والقلوب بتخاف عليك
والعيون والعقول
والإيدين والرجول
شئ فظيع
انت فاكرة الدنيا انت
ولا فاكرة عشانك انت
إتخلق كل البشر
ولا الشمس يوم هترفض الطلوع
والقمر من غيرك انت
مش هايقبل السطوع
ولا البحر يوم هينشف
لو زعلتى أو غضبتى
أو نعيش الفقر بعدك
أو نموت م الجوع فى بعدك
نفسى أفهم إنت إيه؟
كتير شرحت الأمر ليك
قولت إنى بخاف عليك
قولت إنى كتير بعانى
من معانى للكلام
قولت إنى مهما كنت
حبى ليك دا إحترام
مهما كان الأمر صعب
مش هيبقى فى غرام
مش هيبقى إلا جرح
لو مافهمتيش الكلام
-56-
همسة
دارى همومك يا قلم
وأكتب فرح
من يهمه ياقلم
قلب إنجرح
مين تهمه دمعتك
أوحتى تهمه لوعتك
حتى الحبيب شاف دمعتك
قلبه أنشرح
-57-
شاعر مشاعره حروف
بتقول كتير معنى
ماشى بردد كلام
وللكلام معنى
يمكن ألاقى ف طريق
قلوب تسمعنا
تفهم معانى الكلام
والمعنى يجمعنا
وأن طال بيا الطريق
وطالت الرحلة
وعز فهم الكلام
على إللى يسمعنا
لابد أخر الطريق
هنلاقى راحة البال
ويطيب إللى بيجوعنا
عجبى
-58-
يادمعة ساكنة العين مألمانى
مصاحبة حرقة أأأه
بين ضلوع صدرى
ومعاكوا جوه الراس
فكرة ماسكانى
إن عمرى إنتهى
وإنى هموت بدرى
الخوف ده مش م الموت
أو دنيا وخدانى
دا حزن ع اللى غدر
وفنيت معاه صبرى
عجبى
-59-
الليل يطول بالهم
ومعاه القلوب صبرة
ودموعى فيها الدم
والأه فى صدرى نار
لا أنا عاشق
ولا ليا فى الهوى خبرة
لكنى شاعر
بغزل من الكلام أشعار
حرف جنب الحرف
بيعملوا الكلمة
تطلع بطعم المر
ما الحلق كله مرار
عجبى
-60-
يا بياعين الدم
وبتحكوا كتير فى الدين
كل حياتكم غم
موتى وعاملين عاييشين
ظلم لابس حكم
جهلة ومش فاهمين
بكره يبان الحق
ولقانا يوم الدين
-61-
قوم يا أنا
فتح عيونك وأنتبه
يمكن كلامى يألمك
عمرك ماكنت فى يوم أنا
عمرك ماكانت خطوتك
عارفة ملامح سكتك
من كام سنة
عايش بتبنى جنتك
فوق السحاب
احلام عايشها كلها
وسط الضباب
ودى علتك
وما كنت أنا
أسمع كلامى هنصحك
يمكن نصحتى تعلمك
درويش وهايم فى الطريق
ماسك ربابة
فاكر بأنه بالغنى
نصير غلابة
شايل هموم الخلق
وضهرك انحنى
ولما ذاد الحمل
كل إللى شايل همهم
صبحوا ديابة
بعد ما ضهرك إنحنى
-62-
عصفور أنا العصفور
فى زى النسر بتعايق
عاجز أخطى السور
وأبان سكران وأنا فايق
رمة بالية أكلها الدود
وأبان للجميع عاشق
عايش فى توب الصدق
وحواليا الكل بينافق
-63-
عينى عليك يا قلب
عايش بحب كبير
شايل هموم الخلق
وشايب من التفكير
باعوك فى يوم الاحبة
وهدموا احلامك
ونكروا كل المحبة
وذادوا ألامك
-64-
ببكى على دنيتى
كل اللى فيها خسيس
ناكر سنين وقفتى
وغرامه فى التدليس
حتى الوليف والولد
والاهل والخلان
وجموع كتير صحبنى
أشجع ما فيها جبان
-65-
أنا أصلى حلفت أكون
ومهما قاسيت هكون مصرى
أحب ترابها وسماها
ولا مرة لمصر هاخون
أنا بالحب هابنيها
وخليها فوق الراس
عظيمة بكل ما فيها
ماليها الود والأخلاص
هدور وألف فى الميادين
وأقول بعشق تراب بلدى
وأنا درويش فى محرابها
ولو قالوا أنا المجنون
-66-
أنا بيااااااااااااااااااااع
****************
أنا بياع ببيع قلبى
مين يشتريه بألامه
وجرحه بس مش ذنبى
أنا عشت العمر خدامه
سهران يأن فى صدرى
يقاسى مر أوهامه
ويطول الليل وأنا صاحى
أداوى جرح أيامه
وفى الأخر أنا الظالم
أنا ضيعت أحلامه
-67-
أنا الفاعل............!!!!!!!!
أنا الفاعل فى كل جملة بكتبها
وأنا الناتج فى كل حسبة بحسبها
أنا الفاعل وشيلت الضمة فوق رأسى
أنا الفاعل بعيش الأزمة بإحساسى
وأنا الناتج من الضرب ومن القسمة
وأنا على طول بوزع حب على ناسى
مفيش مرة أكون مفعول ولا مرة
عندى أنا الزمان ناسى
عايش حياتى جمع وطرح
عادد سنينى بالوحدة
ومهما أكون فى وسط الناس
يوماتى أحس بالوحدة
اروح للتاريخ اشكى أيامى
يقلب ويياىفى الذكرى
ألاقى عمري عدى وفات
وعمريهينتهى بكره
اصرخ وأقول هينسونى
يقولى كفاية تكون فكرة
-68-
مستحيل
أكون بحبك
لما اشطب حروف فى اسمك
لما ابيع نفسى وتاريخى
للى يوم يا أمى سبك
مستحيل
مستحيل أكون بحبك
لما أهدم حلم بكره
لما اربى جيل بيكره
لما اساعد كل فاشل
مدعى
يرسم بفكره الفاشى صورتك
مستحيل
انت أم ودول عيالك
وكلهم عاشوا ف حماكى
وف نسيمك وقت العصارى
كان غناهم فى هواكى
بس الحكاية ازاى تكون
أبن منهم يوم يخون
ينسى أنك أم غالية
ويدعى فيكى الظنون
-69-
يادمعة محبوسة
جوه العين بتكوينى
وأهه عايشة
جوه صدري وسنينى
بصرخ مايطلع صوت
وخايف لعمرى يفوت
وفجأة يجينى الموت
وأنا مسجون فى تكوينى
ضعيف قليل الحيلة وبحاول
أكون إنسان
بدور وسط بركانى
على أهدى مكان
ألاقينى فاقد المعنى
ونفس الدمعة والأهة
بتوجعنى وتأذينى
-70-
وقالى يا أمى أنا مسافر
أجازتى الجاية ألاقاكى
بتوب الصحة والعافية
وحبيبتى بهانة وياكى
هاتلها ياأمى شبكتها
وزيدى الزينة فى ليلتها
دا هى الحلم يا مايا
وفرحى تمامه فرحتها
وأنا وبهانة بالفستان بنستناك
ترجع يا أبنى بسلامة
كان ماشى وقالى ألف سلام
وباس ايدى وخدودى
قالوا النهارده أبنك مات
رصاصة غدر وخيانة
بتنهى الحلم والفرحة
بأيد خسيسة وجبانة
وأبنى راجع كدا فى صندوق
وعيش الحزن يا بهانة
-71-
ياللى انت بتصور حياتى بالدمار
وكنت عايش فى قلبى
لكن بإنكسار
والإهانة هى اسلوب الحوار
عندى ليك كلمة مرة لكن ها قولها
لوأنت ثائر
أو مناضل ومش جبان
صاحب كرامة
ومش هترضى يا أبني تانى بالهوان
بلاش تردد كلام بيهدم
.. بغبغان
وخليك مصابر وبلاش تكابر
دى مصر جنة بالأمان
كل أولادها بيعشقوها
بيحلموا الحلم الجميل
بيعملوا للمستحيل
بس الحكاية مش شعار
هى الكرامة ليك لوحدك؟
ولا الكرامة كمان لبلدك ؟
الكرامة فى احترامك
واحترامى
مش لفرد مش بتعرف فى الاسامى
الكرامة اسلوب حياه
لابكلامك ولا بكلامى
مش بطوبة او بتهمة بالخيانة
مش بولعة او بتفجير أو بقتل
الكرامة إنى أحافظ على اللى ليا
الكرامة أنى أعمل إللى عليا
أنى أبنى وأزرع وأعمر
مش أهتف وأكسر أوأدمر
الكرامة إنى أكون وتكون معايا
أن صوتك يبقى نغمة لصوت غنايا
إن إيدك ويا إدها وإيد أخوها
ترفعوا كرامتى راية
الكرامة تحب بلدك
وتنسى نفسك
ولا أقولك خلاص كفاية
-72-
وقالى يا أمى أنا مسافر
أجازتى الجاية ألاقاكى
بتوب الصحة والعافية
وحبيبتى بهانة وياكى
هاتلها ياأمى شبكتها
وزيدى الزينة فى ليلتها
دا هى الحلم يا مايا
وفرحى تمامه فرحتها
وأنا وبهانة بالفستان بنستناك
ترجع يا أبنى بسلامة
كان ماشى وقالى ألف سلام
وباس ايدى وخدودى
قالوا النهارده أبنك مات
رصاصة غدر وخيانة
بتنهى الحلم والفرحة
بأيد خسيسة وجبانة
وأبنى راجع كدا فى صندوق
وعيش الحزن يا بهانة
-73-
ولو ماتوا الوف والوف
ورجعوا فى العلم ملفوف
هتبقى عظيمة يا أمى
ولا يشمت فيكى خروف
بحق الصرخة من صوتك
بحق الحرقة فى صدرك
بحق ترابك الطاهر
لهنضحى باروحنا
ولا يهزمنا أبدا خوف
-74-
أنا دورى أكيد الجاى
بجهز نفسى وأستنى
عشانك كل دم رخيص
وكل شهيد بيتمنى
ترابك يرتوى بدماه
ويلقى حبايبه فى الجنة
-75-
على اسم مصر التاريخ
كتب التاريخ أساطير
مصر بكل اللغات
وشوية من التفكير
بلد فى كبوة جواد
هتعدى هتعدى
وهترجع ست البنات
يا خونة ماهى بلدى
ربى حميها وحارسها
بتعدى من الكبوات
وبتجدد كتاب التاريخ
وبتصنع الصفحات
طول ما جشها الباسل
بيضم فريق ومشير
لا تخاف من نباح الكلاب
ولا يهزها طعنة
من ايد خسيس اعتلى
زوبعة فى نهار امشير
عجبى
-76-
ياللى أنت فاكر
ان بلدى راح تضيع
أو راح تهون
على اللى ضحى بعمره فيها
ولا فاكر يوم يبيع
حلم جندى كان حميها
لما سال الدم دافى ع التراب
لأ دى مصر
مهما عانت مهما قاست
مهما طالت دمعة عينيها
مهما شافت من مرار
من خيانة ومن قساوة
هى دى شيم الكبار
صبرها أحلى مافيها
مصر حيرت التاريخ
بالبسالة وبالشهامة
بالأصالة وبالكرم
وبفضل ربى اللى ماليها
شعر
السيد محمد صابر
-1-
بيمر الليل عليا
بعاتب القمر
بيرد يا ناس عليا
يا عاشق السهر
إنت سهران عشانى
بتأن م الشوق تعانى
وحبيبك نامت جفونه
دا قلبه من حجر
-2-
بعشق جنونك
والقلب دايب من زمن
ونظرة عيونك
هى الأمل وقت المحن
بحلم بيوم اللقا
والحلم حالة م الشجن
لما نلاقى فى الخيال
ويكون محال
إن الفرق يعرف طريق عشنا
إن القدر فى يوم يحطم حلمنا
إنت وأنا
-3-
ومن تانى بنتلاقى
بقلوب عاشقة مشتاقة
نبوح بالسر لبعضينا
نغنى كل أغانينا
نقول يابدر من بدرى
نور سكة الأحباب
وياغايب قواام ارجع
ضنانا الشوق كفاية غياب
وياشمس الأمل طلى
بنورك ودفى لمتنا
عشان ما تحلى سهرتنا
ونتلاقى على الفرحة
على الهمسة على الفكرة
نرسم حلمنا لبكره
فرحة تبدد الغربة
وننسى بيها اى عذاب
-4-
أنا أصون ترابك يا وطن
لو حتى أموت
وقول عليهم وصفهم
وبأعلى صوت
أاقول يا وطنى انهم
بكل فكر عندهم
بكل ذرة فى جسمهم
أنهم
بجد خونة وكدابين
كل اللى داسوا فوق ترابك
وأغتالوا بإيديهم شبابك
ودمروا وفجروا
وصوروا للخلق صورة
أن الضلام خيم عليك
والدم حنة فوق أيديك
وأن الصلاح دا شئ معاهم
بأى فكر وأى دين
-5-
قلبك أنت بس يعنى
فى حبه صادق مستحيل
قلبى دا اللى كان بيحلم
بالغرام وده شئ جميل
شاف عنيك
سلم لقلبك كل شئ
كان مناه انك تميل
عاش يدور ع الحنان
فى كل حتة
والأمان
اللى وعدته عندك انت
نسيت عيونى وقتها
طعم الدموع
وودعت سهدى الليل
بدون رجوع
وقالت أنت حلم عمرى
وأنك أنت أيوه أنت كل أملى
ماكنتش تعرف إيه مخبى
جوه قلبك
وان الخيانة وبيع حبيبك
شئ فى دمك
كرهت يومها حتى اسمك
كرهت صورتك
كرهت قلبى اللى نخدع
بالمستحيل
-6-
قالوا الكلام اصله تسالى
والكل حاله من حالى
هى عين وصابيتنا يا ناس
والصبر تاه عن موالى
لوكنت يوم اتمنى سكوت
أوحتى النور ف عينيا يموت
وودانى تصم كمان وكمان
او حتى أعيش محبوس فى تابوت
ولا أنى اشوف فى زمانا رجال
يتباعوا التورة بالسحتوت
ودموعهم كده ع الخد تقول
الست بتضرب بالشلوت
والشقة كمان من حق جانبها
والعفش يراجع كده مظبوط
لو ينقص حتة ياناس تبديد
والسجن يكون جزاء مشروط
وترجع تانى بعد طلاق
شحات وبتشحت بالظعبوط
-7-
بيع وأجرح فى قلبى كمان
أنا راضى العذاب منك
ومهما يلاقى قلبى هوان
وأنا فى سنى اللى مش سنك
هاعيش أحلم وفى الكتمان
يأن القلب ويعانى
ويتمنى لقلبك حب
ويسعد كل أوقاتك
وتكون فى عيونك الفرحة
فرحة تملى فى حياتك
-8-
وألوم ليه على قلبى
وحبك نبضه وحياته
ومهما ألاقى من هجرك
وتزيد ألامه وأهاته
هيفضل ليك حبيبى أمين
وتنادى بأسمك دقاته
-9-
وحياة عيونى اللى محى
منها النظر كل الدموع
لاف يوم هاحسبك ياقلبى
ع اللى جرى وع اللى كان
على كل لحظة عشقتها
وكل دقة زادت بذكرك اسمها
وكل ليلة سهرتها
من النهارده
كل شئ اصبح مباح
الظلم ليك الغدر بيك
الألم ويا الجراح
من النهارده لازم أوجعك
لازم احاسبك ع اللى راح
-10-
وتوعدنى واستنى
ومنى الروح برؤياكم
وأقول للقلب اتهنى
حبيبى جاى بيهواكم
وفات بكره
ولا كلمة ولا فكرة
ولا لمحة ولا ذكرى
وكأن حبى كان غلطة
قلبى غلطة وياكم
-11-
وفى عيونى لاقيت صورة
قديمة فى ذكرى محفورة
لشاب وسيم بيتعايق
بلبس شهامة بطولة
وزى الجيش
وكأنه خلافه ف الدنيا
و غير مفيش
وفاجئة لاقتها قدامى
صورتى فى مراية مكسورة
ولاقيت شعر الاسود شاب
ونظرى ضعيف يادوب شايف
شعاع جالى من خرم الباب
وانا وحدى فى سط ظلام
وعيون دبلت ماعارفة تنام
وضهرى كمان صبح محنى
وأنا عايش باعد ايام
-12-
زمان كان الزمان أطيب
رحيم بالكل وقريب
ولما كنا بنهادى
بأبسط شئ بشئ عادى
كانت قلوبنا بالفرحة
تطير م الفرحة وتنادى
وتتجمع معانا قلوب
من الصحبة وبالأخلاص
تكون الفرحة فى حياتنا
بإخلصنا هى أساس
-13-
زمااااااااااان كنت شئ تانى
مغرور متباهى وأنانى
ومر العمر كدا ف لحظة
وجانى الشيب وورانى
لاقيت الضهر صبح محنى
وتجعيدى فى وشى فضحانى
وأقول القلب لسة شباب
تقوم أعضائى مألمنى
برعشة فى إيدى تفوقنى
وأحس بركبى وجعانى
-14-
راح الشباب
=======
زمان العمر
كان واقف بيتباهى
على الصخرة
فى وش الموج
ورجلين الفتى تشيله
ويلقاها
من الفرحة تنط لفوق
زمان كان شعرى
جميل وأسمر
وادوس ع الأرض
وأتمخطر
وناس من ظهرى بتقولى
ميسيرك يابنى
راح تكبر
واتباهى ساعتها لو تقدر
وطول الليل هيهزمنى
وكتر الشوق هيحنينى
لا هقدر فيه فى يوم اسهر
ولا الايام تواسينى
ساعتها الصخرة هتخونى
ورجليا كمان واكتر
والموجة تاخدنى وياها
لبحر غريق يغطينى
ويمحى كل شئ فيا
وتضيع أيامى وسنينى
وأنا بكبر
-15-
بشوف الوقت فى الساعة
على معادك فاضلى كتير
ثوانى ماشية بالراحة
وغاب عقلى من التفكير
لا انا عارف راح استحمل
ولا قادر على التغيير
-16-
قعدت أرسم ياناس صورة
لعيون حبيبى وأنا سارح
لاقيت قلبى بينزف دم
اتارى الرمش ياناس جارح
ونن العين خطف عقلى
بقيت تايه ولا عارف
انا فى ليل دا ولا نهار
وليه بكره بقى امبارح
-17-
ولما قالولى جاى بكره
نسيت ألامى وأوجاعى
وقالوا نجيب طبيب يكشف
صرخت وقولت مفيش داعى
دوايا ياناس فى نظرة عين
حبيبى خلاص جاى بكره
يداوينى ينسينى يخلينى
قوام أجرى لأحضانه
ولو شوفته بعينى يا ناس
اشيل جبلين على دراعى
-18-
يا قلب عايش عشان تحب
جرب تعيش زى القلوب
الشعر الشاب
والفكر غاب
وانت كمان عايز تدوب ؟
منين اجيبلك عمر تانى
ولا أجيب من تانى صبر
وكمان حبيبك مش راضى بيك
وكل يوم يتقل عليك
ولجل حبك ليه لاقيته
بيعك انت ومش شريك
واخد غرامك ليه تسالى
واكمنه عندك فى القلب غالى
صابر تمالى وراضى العذاب
وفاكر أنك لسة شباب
ياقلب عاشق فكر تكون
وبلاش تعافر بطل جنون
العمر ولا وراح خلاص
لاحبيب هيخلص
ولا يوم يخون
-19-
ولما تقول أنا مسافر
هاغيب عنك يادوب إسبوع
وحتى سلامى تحرمنى
وعينى بتناديك بدموع
والاقى قلبى تاه منى
وبعدك عنى يجننى
ااقول يمكن ياناس فاتنى
وراح علشان م يحرمنى
أعيش لحظة سعادة معاه
وقضى الليل فى تنهيدة
وأنة ولوعة كدا جديدة
وأقول ياقلبى لو يرجع
ولو لحظة ياناس يسمع
ندايا وحلمى أكون وياه
لا كان سافر ولا يهجر
ولا على قلبى فى يوم يغدر
وأعيش باللوعة بستناه
-20-
أول ما أشوفك قدامى
يخطفنى من روحى حنينى
تحضن عيونى أوام طيفك
حبك يبان على حبينى
-21-
تخاصمنى ليه وتغيب عنى
والشوق إليك هيجننى
لو كنت يوم تزعل منى
أفديك بعمرى وسنينى
-22-
وبقول أنك ساكن قلبى
وبقول أنك مالك روحى
وبقول أنك حبيب عمرى
وأن هواك دوا جروحى
لاقيت غرامى رخصنى
وهان عليك كمان نوحى
ولما تشوفنى تتبسم قوام
اتوهم وأقول روحى
عيونه شافتنى فرحته
أتارى بسمتك كدبة
بتسخر منى ومن نوحى
وهان ألمى فى عنادك
وشوق قلبى فى بعادك
ولاقيت نفسى مع نفسى
بلوم نفسى وانا العاشق
-23-
لما تروح وتغيب عن عينى
عقلى يتوه والفكر يجينى
أبقى كأنى ناقصنى كتير
واسرح وأغرق فى التفكير
وأسأل نفسى ودمع عيونى
هم صحيح ياناس نسيونى
ولما تهل ياروحى عليا
القى الدنيا بتضحك ليا
واشوف فى عيونك لمحة خير
بتقولى فى قلبك حب كبير
بس بترجع تانى تغيب
وارجع تانى أفكر فيك
وأسأل كل الدنيا عليك
مايوصلنيش يا حبيبى إجابة
ارجع وأغرق فى التفكير
وأسأل نفسى ودمع عيونى
هم صحيح ياناس نسيونى
-23-
أنا عايش ومش عايش
معاك القلب ويا الروح
وعقلى كمان معاك انت
حارس قلبك منين ما تروح
وهى أيام وبتعدى
وأملى يوم تكون عندى
أعود تانى لأحضانك
وأبيع الدنيا علشانك
مهما ااقاسى منها جروح
عشان انت ياروح قلبى
حبيب قلبى
وحبيب الروح
-24-
بحب عنيك ونظرتهم
وتوهة ساكنة جواهم
بحور واسعة بدون مرسى
وعيونى حايرة انا معاهم
بحب اللحظة أكون فيها
بحار هايم أنا وعاشق
ومهما أعانى من هجرك
ومن صدك ومن عندك
بيكون أملى انا ألقاهم
وتكون نظرة تتداوينى
وتشفينى من جرحى
وبوجودك يكون فرحى
وأنسى روحى ولا أنساهم
-25-
وانا بحلم
====
وانا بحلم بشوف عينك
بتنده لى تقول فينك
ااقوم اجرى انا وقلبى
لدفا حضنك وحنان ايدك
انا عاشق جمال قدك
وحمرة ورد فوق خدك
وهمسة شوق تقولهالى
فلمحة عين اكون عندك
يا احلى شئ وانا ف قربك
بعيش عمر فوق عمرى
ولاقى نفسى وانا راضى
مسلم روحى كدا وامرى
ولما تغيبى عن عينى
بتاخدى القلب وياكى
وروحى تبقى مشتاقة
للحظة فيها القاكى
وانا بحلم
-26-
بحبك حب توهنى عن الدنيا
وتهجرنى وتظلمنى وأنا راضى
بقيت هايم كده عايش على الذكرى
وأنا قلبى كده ف حكمه بميت قاضى
طلب منى اكون مخلص اكون عاشق
وأصبر بردو على ظلمك
ولو ترجع كده لحضنى
انسى الجرح واضمك
وأنسى كل ألامى كده فى بعدك
وأعيش حلمى اللى كااااان حلمك
-27-
يا جرح غدر فى قلب كان صافى
يا حمل هموم مرسوم على كتافى
يا نظرة شوق فى ليل مخنوق بضلامه
إرحم ضعيف ضناه الخوف ودا كافى
-28-
كان حلم
======
من يوم ما قابلتك
وانا عارف إنك بياع
وإن غرامك كان ليا
فى الاصل خداع
لو عايز تهجر
روح واهجر
وريح قلبى لو تسمح
م الأوجاع
أنا عارف أنى لخيالك
ولا مرة بزور
وأن الحب اللى انا عيشته
دا سراب مبدور
لوعايز تجرح أوام أجرح
وريح قلبى اللى ماشفشى
ف حبك نور
أنا كنت فى حبك قال بحلم
بسعادة تدوم
وفضلت أتمنى وأتمنى
ما اكون موهوم
شربت المر فى غرامك
كاسات وكاسات
ولا زارنى الفرح فى غرامك
حتى ولو يوم
بتمنى الفرح لأيامك
وأنا كلى حنين
مأنت اللى انا توهت فى غرامه
ايام وسنين
والقلب عشانك راح يصبر
وأدعيلك فى البعد يا غالى
ماتبتش حزين
-29-
بين الشفايف همستك
تسحر قلوب العاشقين
وبين رموشك نظرتك
سهم دوب مجروحين
أنت القمر ... ساعة تمامه
وأنت الأمل .. وأنت إبتسامه
أنت الحياة ... كل الحياة
والعمر كله بفرحه وألامه
مشتاق أشوفك ياقمر
لو حتى مرة
دا البعد خلى دنيتى ...
يا قلبى مرة
ياللى القمر من نظرتك
غااااااااااااب وأختفى
والشمس بتشوف طلتك
تنسى الدفا
-30-
حبيبى فى الهوى روحى
عشانك عاشقة لجروحى
ولو قولتلها فى يوم نوحى
تخبى عليا وتدارى
وقلبى لما بشكيله
يدارى لوعته وويله
واسمع منه نغم فرحه
نغم صاحب موواويله
ولما شكيت كده لعقلى
شكيت قلبى كده وروحى
قام العقل زعقلى
وقال مجنون
لا انا بقسى ولا بعند
ومن نظرة عينيك انت
هوايا ف قلبى يتجدد
ومن همسة كدا بصوتك
تدوبنى وسكوتك
بيزيد أوجاعى ويجدد
دانا عايش على الذكرى
وفى دماغى مية فكرة
اسامح ف الغرام قلبك
واعيش العمر كدا جنبك
بقلب سعيد
-31-
ياست الكل يا عمرى
هواكى فى قلبى مش أمرى
انا عاشق وكلى حنين
وعايش مخبى ألامى
بقالى سنين
ااقول بكره هنول سعدى
بقربك وانت ضى العين
واقبلك بكل أشواقى
وفى عيونى يكون سكنك
هواك بيجرى فى عروقى
وانفاسى من كدا فى صدرك
بتقول للدنيا خلاص روقى
-32-
عشان قلبى اللى مستنى
توافينى ف يوم
علشان عيونى وجفونى
تذوق النوم
وتهدى كل اشواقى
ونفرح عمرنا الباقى
وأحلامنا وأيامنا
وطعم الحب فى كلامنا
سعادة تدوم
نعيش الحلم ونحقق
ونبنى لبكره ونصدق
ودا المقسوم
-33-
عشان خاطر عيون قلبك
ونعيم الدنيا كدا ف قربك
انا أضحى بحياتى
وبكل شئ واكون جنبك
أعيش بالحب فى رحابك
درويش هايم بأعتابك
أغنى لحن أيامنا
وتحلى معانا احلامنا
بأحضانك يكون سكنى
ونتهنى انا وانت
بشبابى وشبابك
-34-
وجانا الليل
اعود تانى للوحدة
وللافكار
ونفس الحلم ينادينى
أعيش أحلم بشمس
نهار
بأحلى عيون بتسحرنى
تخلينى ااقول أشعار
وفى عينيك اتوه واسرح
وأأقول يمكن توافينى
وترق فى مرة وتجينى
واروى روحى من شهدك
ويحينى جمال قدك
واقطف ورد من خدك
واكون محتار
-35-
لما تغيب
شمسك ياروحى م النهار
بيكون دمار
تعالى جدد عمرى يوم
دا البعد نار
مشتاق اليك
وحياة عينك
قلبى بيحلم بالأمان
ما بين ايدك
-36-
يا احلى حلم فى دنيتى
قلبى معاك حالف يدوب
فى احلى حضن ويسكنك
جوه الفؤاد وحدك يادوب
ويعيش معاك وف هواك
كل السعادة والهنا
وانت هنا ردد معايا
أهين وأه
الشوق كوانا والفراق
ضيع سنين
-37-
غريبة الدنيا
=======
غريبة الدنيا يا أخوانا
بتكشف كل يوم أنواع
فى ناس تبنى وتعلى
وناس تانية عايشة خداع
ناس بالوهم تعاشركم
وتقول شارى ويكون بياع
يكون أخلاصها مخلوط زيف
وترسم لك امانى كتير
وتعيش الحلم ويانا
وتوهمنا بفعل الخير
وفى الاخر تبان تظهر
نوع م الناس بجد خطير
-38-
مشتاق وقلبى باختصار
طاير عشانك فى السما
قايد مكانه فى صدرى نار
بتحرق ضلوعى انما
حضنك لقلبى احلى دار
ضمينى ليك يا انا
-39-
كان الوصال حلمى انا
من كاااااااااااااااام سنة
كانت عيونك زى النجوم
بتهدى اللى تايه فى الخلا
بتوصله لبر الامان
عمرى مكنت فى يوم اطول
بس الوصال
كان قربك ياروحى وجنتك
شئ م المحال
الله عليك يا ابو قلبك طيب
حنيت لقلبى
وبقيت قريب
قرب كمان
خلى الزمايمكن ترق
يمكن عيونك والجفون
بالشوق تقول
وبكل صدق
ايوه ياروحى بعشقك
ايوه هواك
فى القلب دق
-41-
ياللى انت ساكن فى الضلوع
ويا قلبى ...............
وفى عيونى بتتحجر دموع
وكل ذنبى ...............
انى هويتك .... وعشقت صورتك
ياللى كل النعيم فى قربك
حلمى انى فى يوم اضمك
اروى عطش السنين بنظرة
غنى كل الطيور فى همسة
وهى لمسة من ايديك فوق جبينى
هترجعينى لاحلى حلم
-42-
هاقول بحبك
وأملى بيها الكون بحاله
هى كلمة بس كلمة
يعيش معاها القلب دايب فى خياله
بلاقى قلبى جوه صدرى
يطير يرفرف زى طير
انت غير
انت غير كل الحبايب
انت حلم لقلب دايب
وف غرامك
ومن كلامك
أحلى غنوة بتقول بحبك
-43-
قلبى يحضن ايوه قلبك
ومن حنانه يزيد فى حبك
انت حلم لليالى
اه ياغالى
اه ياروحى لو كنت جنبك
نفسى اعيش حلمى حقيقة
واشوف عيونك البريئة
ومن شفايفك اروى عطشى
ونادى تانى وااقول بحبك
-44-
ياللى عينى عاشقة صورتك
ياللى كل حياتى سيرتك
انت عارف قلبى عاشق
كل همسة
كل لمسة
كل موجة تروح لشطك
كل ليلة بتكون فى حلمى
نور ينور كل عمرى
عطر بيعطر حياتى
لمسة بتداوى ف أهاتى
بسمة حلوة بتنادينى
يا نن عينى
ياللى عينى عاشقة صورتك
-45-
مش عشان القلب حبك
والعقل حلمه يبقى جنبك
والروح كمان اسرها حسنك
تبقى مالك كل أمرى
لا يا عمرى
أيوه بعشق جمال سمارك
ونفسى أخطر يوم فى بالك
أعيش فى لحظة من خيالك
وأنت عارف مر صبرى
دا انت عمرى
ياللى فاكر إن عندك
-46-
وأنت جنبى
جنب قلبى
بحس انى
روحى طايرة ف السما
إزاى أدارى
والا أخبى
هواك ياروحى
وشوقى ليك إنما
عندك أنت وهجرك أنت
جرحك أنت وغدرك أنت
حيرونى وغيرونى
وعودونى أكون أنا
-47-
أسهل كلام عندك انت
الملام
بتتهمنى إنى بعتك
... ياااااا سلام
نسيت عاميلك
نسيت كلامك
نسيت ألامى ونار غرامك
نسيت ياحبى
جرح قلبى وغدر قلبك
نسيت رجايا
يوم وداعك
... لحظة سلامك
الله يسامحك
بتقولى تانى هترجعيلى
وإنى هندم ع اللى كان
دا كان زمان
انت بخداعك
علمت قلبى ازاى يبيع
كل طعنة من ايديك
فى قلب قلبى
علمت قلبى يبيع
عودت قلبى الألام
قلبى اللى كان معاك وديع
راجع تقولى هترجعيلى
ضامن رجوعى .... يااااا سلام
اسهل ما عندك
رغم هجرك
رغم عندك
الملام
-48-
شقع ...... بقع
مين اللى قال
إن الخيال
قرر يتوب من ذلته
مين اللى قال
إنه هيسكن فى الحيطان
إنه هيرضى يكون جبان
أو يوم يتوه عن سكته
الضل لما يتوجد
بيكون وراه نور كونه
ويكون كيان
من رسمته تعرف تقول
فارس همام .....
نازل بسيفه على الميدان
حالف يرجع اللى كان
راسم بعزمه سكته
اصل الخيال لازم يكون
بالفكر راسم خطوته
الضل لما بيتوجد
بيكون وراه نور كونه
لو كان جبان
وناوى يسكن الحيطان
ويلزق كده جنب الرصيف
ده يبقى إيه ؟
غير ضل خايف
لايوم يحس ببرد شتا
ولايوم يحس بحر صيف
ولا مرة يحلم بالربيع
ولا حتى يعرف الخريف
ضل مات مات قبل الميلاد
ده شئ سخيف
-49-
بالخيال ...
نقدر نسافر للقمر
نقدر نحقق المحال
ونطوى سكة طويلة للسفر
بيكون خيال
مالك بإيده حلمنا
بيكون خيال
ناسج خيوطه بعزمنا
لوكان محال نقدر نغير كلنا
نقدر نوحد عزمنا
وبجهدنا
نقدر نحقق حلمنا
أما الخيال إللى أتهزم
وبيمحى كل تاريخ ومجد
وبينكر وجود نيل أوهرم
وبيقول كلام
مجرد كلام
بيسبط بكلامه الهمم
بيقول خلاص
مات الأمل
ده مش خيال
ده طعون بيسرى فى البدن
بيشل إيدنا وكمان يدوس
على كل زهرة مفتحة
بدون كسوف وبدون خجل
بيطفى شمس منورة
فى صباح جديد
بيحكى الحكاية للجميع
راسم لبكره بالسواد
صورة قبيحة
فاشل بيعلن الغباء
وبالغباء عامل فضيحة
طب ايه العمل ؟
-50-
مين اللى قال
إن الخيال خيال مأتة
وإن ضعفه صورة واضحة للجميع
الخيال ده خيال شيطان
خسيس جبان
بايع تراب اجداده بخس
زى اى حيوان وضيع
برغم صرخة الشهيد
تحت التراب
والدم اللى عطر ارضها
مصمم يبيع
خيال مأته اى نعم
كافر بكل فضلها وايا النعم
عايش مسلم للعدو
ودا شئ فظيع
-51-
بلوم نفسى و ظروفى
وبأعلن للجميع خوفى
وراضى بالخيال قدرى
وأدارى فشلى بكسوفى
اناغارق فى بحرخيال
وعارف ان قربى محال
وبروى الصبرمن صبرى
اكون درويش اكون صوفى
هادارى فى الضلوع ألمى
ويكتب على السطورقلمى
حروف والحبرمن دمى
وكفاية تقرى وتشوفى
-52-
بعيش الحلم وانا صاحى
وطيفك سرأفراحى
برغم البعد و جراحى
اناعاشق وهستنى
عشان حبك سكن قلبى
ولاقادرفيوم أخبى
وأملى يوم تكون جنبى
بعيش الحلم وأتمنى
عيون الناس بتظلمنى
وكلام كتيربيألمنى
وأنا صابروأكمنى
فى يوم قربك راح أتهنى
-53-
مابين أملى وبين شوقى
وحب بيجرى فى عروقى
أناواقف ومستنى وكلى حنين
بعادىك كان على عينى
ويشهد دمعتى فى عينى
أناالعاشق أناالمغرم بقالى سنين
لكنى زى أحبابك
كتيرواقفين على بابك
لنظرةعين بنستنى سنين واقفين
-54-
غريب طبعك وأنا شايف
ومش قلقان ولا خايف
وكان أصلك عليك باين
وأكدب عينى وأنا عارف
كتير صدقت حلفانك
وقلت ملاك
ودمعى على الخدود يجرى
وانا وياك
واقول انك كتير مظلوم
ومن فعلك يبان ظلمك
يبان انك طوفان جارف
بتبلع كل شئ قبلك
ويحلالك كتير الظلم
ويبان الغدر ف ملامحك
وهدم الحلم
لكن عمرى ما اكون زيك
اعيش غدار
أبيع العشرة مع الكلمة
وأولع نار
ولما ألاقى نفسى خلاص
فقدت العقل والاحساس
أدور أحرق وأنا واعى
لا يفضل اخضر ولا يابس
-55-
إنت إيه؟
=====
عايز أفهم
إنت إيه ؟
هو عقلك عقل بشر
ولا قلبك قلب بشر
ولا انت جنس تانى
جنس مخلوق من حجر
جنس مغرور أو أنانى
يبقى جارح ...
يبقى ظالم ....
يبقى طول العمر جاني
ويجرى يبكي للخلايق
ويشكي ظلم الناس إليه
نفس افهم إنت إيه؟
كل شئ فى الدنبا ليك
والقلوب بتخاف عليك
والعيون والعقول
والإيدين والرجول
شئ فظيع
انت فاكرة الدنيا انت
ولا فاكرة عشانك انت
إتخلق كل البشر
ولا الشمس يوم هترفض الطلوع
والقمر من غيرك انت
مش هايقبل السطوع
ولا البحر يوم هينشف
لو زعلتى أو غضبتى
أو نعيش الفقر بعدك
أو نموت م الجوع فى بعدك
نفسى أفهم إنت إيه؟
كتير شرحت الأمر ليك
قولت إنى بخاف عليك
قولت إنى كتير بعانى
من معانى للكلام
قولت إنى مهما كنت
حبى ليك دا إحترام
مهما كان الأمر صعب
مش هيبقى فى غرام
مش هيبقى إلا جرح
لو مافهمتيش الكلام
-56-
همسة
دارى همومك يا قلم
وأكتب فرح
من يهمه ياقلم
قلب إنجرح
مين تهمه دمعتك
أوحتى تهمه لوعتك
حتى الحبيب شاف دمعتك
قلبه أنشرح
-57-
شاعر مشاعره حروف
بتقول كتير معنى
ماشى بردد كلام
وللكلام معنى
يمكن ألاقى ف طريق
قلوب تسمعنا
تفهم معانى الكلام
والمعنى يجمعنا
وأن طال بيا الطريق
وطالت الرحلة
وعز فهم الكلام
على إللى يسمعنا
لابد أخر الطريق
هنلاقى راحة البال
ويطيب إللى بيجوعنا
عجبى
-58-
يادمعة ساكنة العين مألمانى
مصاحبة حرقة أأأه
بين ضلوع صدرى
ومعاكوا جوه الراس
فكرة ماسكانى
إن عمرى إنتهى
وإنى هموت بدرى
الخوف ده مش م الموت
أو دنيا وخدانى
دا حزن ع اللى غدر
وفنيت معاه صبرى
عجبى
-59-
الليل يطول بالهم
ومعاه القلوب صبرة
ودموعى فيها الدم
والأه فى صدرى نار
لا أنا عاشق
ولا ليا فى الهوى خبرة
لكنى شاعر
بغزل من الكلام أشعار
حرف جنب الحرف
بيعملوا الكلمة
تطلع بطعم المر
ما الحلق كله مرار
عجبى
-60-
يا بياعين الدم
وبتحكوا كتير فى الدين
كل حياتكم غم
موتى وعاملين عاييشين
ظلم لابس حكم
جهلة ومش فاهمين
بكره يبان الحق
ولقانا يوم الدين
-61-
قوم يا أنا
فتح عيونك وأنتبه
يمكن كلامى يألمك
عمرك ماكنت فى يوم أنا
عمرك ماكانت خطوتك
عارفة ملامح سكتك
من كام سنة
عايش بتبنى جنتك
فوق السحاب
احلام عايشها كلها
وسط الضباب
ودى علتك
وما كنت أنا
أسمع كلامى هنصحك
يمكن نصحتى تعلمك
درويش وهايم فى الطريق
ماسك ربابة
فاكر بأنه بالغنى
نصير غلابة
شايل هموم الخلق
وضهرك انحنى
ولما ذاد الحمل
كل إللى شايل همهم
صبحوا ديابة
بعد ما ضهرك إنحنى
-62-
عصفور أنا العصفور
فى زى النسر بتعايق
عاجز أخطى السور
وأبان سكران وأنا فايق
رمة بالية أكلها الدود
وأبان للجميع عاشق
عايش فى توب الصدق
وحواليا الكل بينافق
-63-
عينى عليك يا قلب
عايش بحب كبير
شايل هموم الخلق
وشايب من التفكير
باعوك فى يوم الاحبة
وهدموا احلامك
ونكروا كل المحبة
وذادوا ألامك
-64-
ببكى على دنيتى
كل اللى فيها خسيس
ناكر سنين وقفتى
وغرامه فى التدليس
حتى الوليف والولد
والاهل والخلان
وجموع كتير صحبنى
أشجع ما فيها جبان
-65-
أنا أصلى حلفت أكون
ومهما قاسيت هكون مصرى
أحب ترابها وسماها
ولا مرة لمصر هاخون
أنا بالحب هابنيها
وخليها فوق الراس
عظيمة بكل ما فيها
ماليها الود والأخلاص
هدور وألف فى الميادين
وأقول بعشق تراب بلدى
وأنا درويش فى محرابها
ولو قالوا أنا المجنون
-66-
أنا بيااااااااااااااااااااع
****************
أنا بياع ببيع قلبى
مين يشتريه بألامه
وجرحه بس مش ذنبى
أنا عشت العمر خدامه
سهران يأن فى صدرى
يقاسى مر أوهامه
ويطول الليل وأنا صاحى
أداوى جرح أيامه
وفى الأخر أنا الظالم
أنا ضيعت أحلامه
-67-
أنا الفاعل............!!!!!!!!
أنا الفاعل فى كل جملة بكتبها
وأنا الناتج فى كل حسبة بحسبها
أنا الفاعل وشيلت الضمة فوق رأسى
أنا الفاعل بعيش الأزمة بإحساسى
وأنا الناتج من الضرب ومن القسمة
وأنا على طول بوزع حب على ناسى
مفيش مرة أكون مفعول ولا مرة
عندى أنا الزمان ناسى
عايش حياتى جمع وطرح
عادد سنينى بالوحدة
ومهما أكون فى وسط الناس
يوماتى أحس بالوحدة
اروح للتاريخ اشكى أيامى
يقلب ويياىفى الذكرى
ألاقى عمري عدى وفات
وعمريهينتهى بكره
اصرخ وأقول هينسونى
يقولى كفاية تكون فكرة
-68-
مستحيل
أكون بحبك
لما اشطب حروف فى اسمك
لما ابيع نفسى وتاريخى
للى يوم يا أمى سبك
مستحيل
مستحيل أكون بحبك
لما أهدم حلم بكره
لما اربى جيل بيكره
لما اساعد كل فاشل
مدعى
يرسم بفكره الفاشى صورتك
مستحيل
انت أم ودول عيالك
وكلهم عاشوا ف حماكى
وف نسيمك وقت العصارى
كان غناهم فى هواكى
بس الحكاية ازاى تكون
أبن منهم يوم يخون
ينسى أنك أم غالية
ويدعى فيكى الظنون
-69-
يادمعة محبوسة
جوه العين بتكوينى
وأهه عايشة
جوه صدري وسنينى
بصرخ مايطلع صوت
وخايف لعمرى يفوت
وفجأة يجينى الموت
وأنا مسجون فى تكوينى
ضعيف قليل الحيلة وبحاول
أكون إنسان
بدور وسط بركانى
على أهدى مكان
ألاقينى فاقد المعنى
ونفس الدمعة والأهة
بتوجعنى وتأذينى
-70-
وقالى يا أمى أنا مسافر
أجازتى الجاية ألاقاكى
بتوب الصحة والعافية
وحبيبتى بهانة وياكى
هاتلها ياأمى شبكتها
وزيدى الزينة فى ليلتها
دا هى الحلم يا مايا
وفرحى تمامه فرحتها
وأنا وبهانة بالفستان بنستناك
ترجع يا أبنى بسلامة
كان ماشى وقالى ألف سلام
وباس ايدى وخدودى
قالوا النهارده أبنك مات
رصاصة غدر وخيانة
بتنهى الحلم والفرحة
بأيد خسيسة وجبانة
وأبنى راجع كدا فى صندوق
وعيش الحزن يا بهانة
-71-
ياللى انت بتصور حياتى بالدمار
وكنت عايش فى قلبى
لكن بإنكسار
والإهانة هى اسلوب الحوار
عندى ليك كلمة مرة لكن ها قولها
لوأنت ثائر
أو مناضل ومش جبان
صاحب كرامة
ومش هترضى يا أبني تانى بالهوان
بلاش تردد كلام بيهدم
.. بغبغان
وخليك مصابر وبلاش تكابر
دى مصر جنة بالأمان
كل أولادها بيعشقوها
بيحلموا الحلم الجميل
بيعملوا للمستحيل
بس الحكاية مش شعار
هى الكرامة ليك لوحدك؟
ولا الكرامة كمان لبلدك ؟
الكرامة فى احترامك
واحترامى
مش لفرد مش بتعرف فى الاسامى
الكرامة اسلوب حياه
لابكلامك ولا بكلامى
مش بطوبة او بتهمة بالخيانة
مش بولعة او بتفجير أو بقتل
الكرامة إنى أحافظ على اللى ليا
الكرامة أنى أعمل إللى عليا
أنى أبنى وأزرع وأعمر
مش أهتف وأكسر أوأدمر
الكرامة إنى أكون وتكون معايا
أن صوتك يبقى نغمة لصوت غنايا
إن إيدك ويا إدها وإيد أخوها
ترفعوا كرامتى راية
الكرامة تحب بلدك
وتنسى نفسك
ولا أقولك خلاص كفاية
-72-
وقالى يا أمى أنا مسافر
أجازتى الجاية ألاقاكى
بتوب الصحة والعافية
وحبيبتى بهانة وياكى
هاتلها ياأمى شبكتها
وزيدى الزينة فى ليلتها
دا هى الحلم يا مايا
وفرحى تمامه فرحتها
وأنا وبهانة بالفستان بنستناك
ترجع يا أبنى بسلامة
كان ماشى وقالى ألف سلام
وباس ايدى وخدودى
قالوا النهارده أبنك مات
رصاصة غدر وخيانة
بتنهى الحلم والفرحة
بأيد خسيسة وجبانة
وأبنى راجع كدا فى صندوق
وعيش الحزن يا بهانة
-73-
ولو ماتوا الوف والوف
ورجعوا فى العلم ملفوف
هتبقى عظيمة يا أمى
ولا يشمت فيكى خروف
بحق الصرخة من صوتك
بحق الحرقة فى صدرك
بحق ترابك الطاهر
لهنضحى باروحنا
ولا يهزمنا أبدا خوف
-74-
أنا دورى أكيد الجاى
بجهز نفسى وأستنى
عشانك كل دم رخيص
وكل شهيد بيتمنى
ترابك يرتوى بدماه
ويلقى حبايبه فى الجنة
-75-
على اسم مصر التاريخ
كتب التاريخ أساطير
مصر بكل اللغات
وشوية من التفكير
بلد فى كبوة جواد
هتعدى هتعدى
وهترجع ست البنات
يا خونة ماهى بلدى
ربى حميها وحارسها
بتعدى من الكبوات
وبتجدد كتاب التاريخ
وبتصنع الصفحات
طول ما جشها الباسل
بيضم فريق ومشير
لا تخاف من نباح الكلاب
ولا يهزها طعنة
من ايد خسيس اعتلى
زوبعة فى نهار امشير
عجبى
-76-
ياللى أنت فاكر
ان بلدى راح تضيع
أو راح تهون
على اللى ضحى بعمره فيها
ولا فاكر يوم يبيع
حلم جندى كان حميها
لما سال الدم دافى ع التراب
لأ دى مصر
مهما عانت مهما قاست
مهما طالت دمعة عينيها
مهما شافت من مرار
من خيانة ومن قساوة
هى دى شيم الكبار
صبرها أحلى مافيها
مصر حيرت التاريخ
بالبسالة وبالشهامة
بالأصالة وبالكرم
وبفضل ربى اللى ماليها
عدل سابقا من قبل السيد صابر في السبت مايو 23, 2020 12:31 am عدل 1 مرات