#مدت_ايديها_بالسلام
#محمود_صابر
نزف الكلمات - محاولات شعرية - محمود صابر
مدت ايديها بالسلام
حضنت صوابعه كفها
في السر قالت كلمتين
مش مفهومين
لكن عيونها
قالت الحقيقة كلها
دا مش ميعاد بينا لا
انا اصلي جاية اودعك
حاول يقول
حبست جواه الكلام
قالت له هس
سنين طويله بسمعك
كنت تملي مصدقاك
ليك ف قلبي حب عاش
ولسه موجود ما انتهاش
صدقني كارهه أني اقول
وكارهه أني اوجعك
لكن الحقيقة
ولاني ما ينفعش اخدعك
لازم انسحب
كمل لوحدك حلمنا
يمكن لوحدك تقدره
او تلقي اللي تقدره
وتصبر معاك
ما انا ليا أهل عليا ضاغط حلمهم
ام مناها تشوف بنتها احلي عروسة
وآب نفسه اشرفه بعريس وكوشة
وانت ظروفك تمنعك
صدقني كارهه أني اقول
وكارهه أني اوجعك
نفض أيديه من حضنها
عيونه سجنت دمعها
قالها
عمرى ما وعدتك بحاجة كنت يوم مش قدها
عشت فيكي دنيا
في الحقيقة ما عشتها
كنت عارف
في نهاية لكل قصة
والطريق ليه منتهي
انتي أغلي حاجة عندى
وكل حاجة بحبها
الوداع
عيشي حلم اب غالي
وأم عايشه لبنتها
هم اولي بيكي مني
هم الحقيقة واصلها
محمود صابر
#محمود_صابر
نزف الكلمات - محاولات شعرية - محمود صابر
مدت ايديها بالسلام
حضنت صوابعه كفها
في السر قالت كلمتين
مش مفهومين
لكن عيونها
قالت الحقيقة كلها
دا مش ميعاد بينا لا
انا اصلي جاية اودعك
حاول يقول
حبست جواه الكلام
قالت له هس
سنين طويله بسمعك
كنت تملي مصدقاك
ليك ف قلبي حب عاش
ولسه موجود ما انتهاش
صدقني كارهه أني اقول
وكارهه أني اوجعك
لكن الحقيقة
ولاني ما ينفعش اخدعك
لازم انسحب
كمل لوحدك حلمنا
يمكن لوحدك تقدره
او تلقي اللي تقدره
وتصبر معاك
ما انا ليا أهل عليا ضاغط حلمهم
ام مناها تشوف بنتها احلي عروسة
وآب نفسه اشرفه بعريس وكوشة
وانت ظروفك تمنعك
صدقني كارهه أني اقول
وكارهه أني اوجعك
نفض أيديه من حضنها
عيونه سجنت دمعها
قالها
عمرى ما وعدتك بحاجة كنت يوم مش قدها
عشت فيكي دنيا
في الحقيقة ما عشتها
كنت عارف
في نهاية لكل قصة
والطريق ليه منتهي
انتي أغلي حاجة عندى
وكل حاجة بحبها
الوداع
عيشي حلم اب غالي
وأم عايشه لبنتها
هم اولي بيكي مني
هم الحقيقة واصلها
محمود صابر